1. Korint 11:6 - Chuukese Bible

⁶ Are eman fefin esap pwölüela möküran, mei fen öch an epwe fichi möküran. Nge are och minen asäw ren eman fefin an epwe reipöpöla möküran ika fichi möküran, epwe fokun pwölüela möküran.

1. Korint 11:6 Iomraidhean Croise

Tuteronomi 22:5

Iwe, esap wor eman fefin epwe üföüf üfen eman mwän, esap pwal wor eman mwän epwe üföüf üfen eman fefin. Pun ewe Samol mi Lapalap ämi we Kot a oput eman mi föri ekei sokun föför.

Numperis 5:18

Iwe, mürin ewe souasor epwe atomwa möküren ewe fefin o uwalong lon pöün ewe asoren alelet, iei ewe asoren lukomong. Nge ewe souasor epwe kamwöch lon pöün ewe koluk mi maras a atoto anümamau.

Föför 18:18

Iwe, Paulus a nonom ren ekewe chon lükü Jesus lon Korint lon chomong rän. Mürin a feila seniir o a sai ngeni Siria, nge Prisila me Akwila ra eti. Me mwen än Paulus epwe sai seni Kenkrea, a reipöpöla möküran pokiten eu pwon a eäni.

1. Korint 11:5

Nge are eman fefin epwe iotek ika pwärätä met mi monomon lon imwenfel, nge esap pwölüela möküran, neminei a aitengaua pwülüan möküran we. Esap wor sokofesenin neminei me eman fefin mi reipöpöla möküran.

1. Korint 11:7

Esap wor lomoten än eman mwän epwe pwölüela möküran, pun i lapalapen Kot mi aliosunätä lingen Kot, nge eman fefin a aliosunatä lingen mwän.