1. Korint 11:3 - Chuukese Bible

³ Nge üa mochen oupwe weweiti pwe Kraist möküren mwän meinisin, nge mwän möküren fefin, nge Kot möküren Kraist.

1. Korint 11:3 Iomraidhean Croise

Keneses 3:16

Iwe, Kot a üreni ewe fefin, “Üpwe fokun alapala weiresin om pwopwo. Fän cheuch kopwe nöünöü. Kopwe tipeni pwülüom we, nge i epwe nemenuk.”

Aisea 52:13

Ewe Samol mi Lapalap a apasa, “Nengeni, nei chon angang epwe lipwäköch, epwe seikitä o ling, epwe pwal fokun tekiatä.

Aisea 55:4

Nengeni, üa awisa pwe epwe souemwen me samolun mwü kana, epwe pwärätä ngeni aramasen fanüfan ai manaman.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Johannes 14:28

Ämi oua rongorong pwe üa ürenikemi, ‘Ngang üpwe feila, nge üpwe liwinsefälito remi.’ Are oupwe echeniei, ämi oupwe pwapwa ren, pwe üpwe feila ren Semei, pun Semei a tekia seniei.

1. Korint 3:23

iwe, ämi nöün Kraist, nge Kraist nöün Kot.

Efisos 4:15

Nge ren ach kapas wenechar fän tong sipwe fokun mämäritä lon mettoch meinisin ngeni Kraist, i ewe möküren mwichefel.

Kolose 1:18

I möküren inisin we, iei ewe mwichefel. I popun pwe ewe inis a manau. I Nöün Kot, ewe mwänichi, Kot a amanauasefäli seni mäla, pwe i chök epwe tekia mwen mettoch meinisin.

Kolose 2:10

Iwe, lon Kraist oua tongeni manaueni eu manau mi unusöch. I a tekia seni ekewe ngün meinisin mi nemenem me ekewe manaman.

Kolose 2:19

a ükütiu le pach ngeni Kraist, i möküren ewe inis. Fän än Kraist nemenem unusen ewe inis a manauöch o chufengen ren ekewe kirupun lekupukup me ekewe wa mi pöchökül, a mämäritä usun Kot a mochen.

Kolose 3:18

Ämi fefin kana, oupwe aleasochis ngeni pwülüemi, pun iei met oupwe föri lon ämi souläng.

1. Petrus 3:1

Pwal ina usun ämi fefin kana, oupwe fokun aleasochisi pwülüemi kana, pun ika ekoch me leir resap lükü än Kot kapas, repwe tongeni lükü Jesus ren ämi föför. Ousap wisen apasatä och kapas,