1. Korint 10:7 - Chuukese Bible

⁷ sisap pwal fel ngeni uluulun anümwäl usun ekoch me leir ra föri. Pun iei usun a mak lon ekewe Toropwe mi Pin, “Ekewe aramas ra mottiu pwe repwe momongö o ükün, mürin ra ütä o urumwotongau.”

1. Korint 10:7 Iomraidhean Croise

Ekistos 32:17

Nge lupwen Josua a rong akürangen ekewe aramas mi mweireir, a üreni Moses, “A fis akürangen maun lon lenier.”

Ekistos 32:19

Iwe, lupwen Moses a arap ngeni lenien ekewe chon Israel, a küna ewe uluulun kow me ekewe aramas ra pworuk ünükün. Mürin, Moses a fokun lingeringer, pwe a aturätiu me lepöün ekewe rüepek fau o amökküür me fäsonun ewe chuk.

Ekistos 32:4

Iwe, a angei seniir ekewe kolt, a ateli o ninalong lon eu lenien auluulu uluulun eman kow. Mürin, ekewe aramas ra apasa, “Iei i om we Kot, Israel, ewe mi emwenukowu seni lon ewe fanü Isip.”

Föför 15:20

Nge sipwe makkei echö toropwe o asile ngeniir, pwe resap mongö och mongö mi limengau a piin asor ngeni ekewe uluulun anümwäl, resap föri sokun lisowu, resap pwal ochoch fituken man mi ffor me ün cha.

1. Korint 10:14

Iei mine ämi chiechiei mi achengicheng, oupwe ükütiu seni ämi angang ngeni uluulun anümwäl.

1. Korint 5:11

Iwe, iei wewen ai kei kapas, pwe ousap chiechi ngeni eman aramas mi püsin aita ngeni pwe i eman souläng, nge fen i eman mi föri sokun föför mi fokun ngau, ika eman chon tipemong, ika eman chon angang ngeni anümwäl, ika eman chon aitengaua aramas, ika eman chon ünüpuch, ika eman chon solä. Ousap mwo nge mongöfengen me ena sokun aramas.

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

1. Korint 8:7

Nge sap aramas meinisin ra silei ei let. Ekoch aramas ra chüen örüni angang ngeni anümwäl tori ikenai, pwe lupwen ar mongö ewe mongö ra chüen ekieki, pwe ewe mongö aramas ra wesewesen asomä ngeni ekewe uluulun anümwäl. Mwelien letiper a apwangapwang, iei mine ra mefi pwe ra limengau ren ewe mongö.

Tuteronomi 9:12

Mürin, ewe Samol mi Lapalap a üreniei, ‘Kopwe müttiritiu seni ikei, pun noum kewe aramas ka emwenirewu seni Isip ra föföringau. Ra müttir tokola seni mine üa allük ngeniir o föri eu uluulun anümwäl fän iter.’

1. Johannes 5:21

Ämi nei kana, oupwe püsin tümwünükemi seni ekewe uluulun anümwäl.