1. Korint 10:4 - Chuukese Bible

⁴ o ünümi eu chök kolukun ngün. Ra ün seni ewe achauen ngün mi etiir, nge ei achau iei i Kraist.

1. Korint 10:4 Iomraidhean Croise

Keneses 40:12

Iwe, Josef a üreni, “Iei wewen om na tan: Ekewe ülüfoch keang ülüngat rän.

Keneses 41:26

Ekewe füman kow mi öch ra wewe ngeni fisu ier, nge ekewe füum uän wiich mi umwumong ra pwal wewe ngeni fisu ier. Ekewe ruu tan eu chök wewen.

Kölfel 105:41

A asangafeseni ewe achau pwe koluk a puwu seni, a pulong lon ewe fanüapö usun eu chapupu.

Kölfel 78:15

A asangafeseni achau lon ewe fanüapö o aünü ngeniir chomong koluk seni ekewe leni mi alolol.

Kölfel 78:20

A wichi ewe achau pwe koluk a towu, nge ekewe öüwö ra urourela. Nge ifa usun, a pwal tongeni fangeto pilawa ika amolätä fituk fän iten nöün aramas?”

Ekistos 17:6

Ngang üpwe ütä o sounuk won ewe achau mi nom lepekin ewe chuk Horep. Kopwe wichi ewe achau pwe koluk epwe puwu seni, pwe ekewe aramas repwe tongeni ün.” Iwe, Moses a föri iei usun fän mesen ekewe souakomwen Israel.

Aisea 43:20

Iwe, ekewe manmwacho repwe asamoluei, ekewe wolif me kawakaw repwe mwareitiei, lupwen üa apupuolong koluk lon fanüapö, pwal chanpupu lon fanüpwas, pwe nei kewe aramas üa filiir repwe ün.

Aisea 48:21

Lupwen a emwenala nöün aramas lon fanüapö, resap kaka, a apupuala koluk fän iter seni ewe achau. A amökkü ewe achau pwe ewe koluk a puwu seni.

Taniel 2:38

Kot a pwal fangolong lepoum aramas, mönün lemäl me machangen faileng seni ekis meinisin, pwe kopwe nemeniir meinisin. Iei mine en ewe mökür a för seni kolt.

Taniel 7:17

“Ekewe föman mönümanau mi watte ra wewe ngeni föman king repwe ütä o nemenem won fanüfan.

Numperis 20:11

Mürin, Moses a aitiela wokun o wichi ewe achau fän ruu. Iwe, ewe koluk a pumongowu, pwe ekewe aramas me nöür kewe man ra ün.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 7:37

Lesopolan ränin ewe chulap, iei ewe rän mi fokun aüchea, Jesus a ütä o apasa fän leüömong, “Iö a kaka epwe feito rei o ün!

Kalatia 4:25

Hakar mi wewe ngeni ewe chuk Sinai lon Arapia a aliosunätä ewe telinimw Jerusalem ikenai, aramasen lon meinisin ir amanau.

Tuteronomi 9:21

Mürin üa angei ewe uluulun kow oua föri, ewe mettoch oua tipis ren, o aturalong lon ekkei. Üa pwal amökkü o atatakisi tori a usun chök pipisüsü. Mürin üa aturalong pipisüsün lon ewe öüwö mi pu seni ewe chuk.

Kolose 2:17

Ekei mettoch meinisin ngünüen chök ekewe mettoch repwe feito me mürin, nge ewe mi wesewesen enlet, iei i Kraist.

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.