1. Korint 10:11 - Chuukese Bible

¹¹ Ekei mettoch meinisin ra fis ngeniir pwe eu lenien awewe fän iten ekewe pwal ekoch, eman a makkeretiu pwe repwe eu kapasen fön fän itach. Pun sia manau lon eu fansoun a arapoto fansoun sopolan.

1. Korint 10:11 Iomraidhean Croise

Keneses 19:35

Iwe, ra pwal aünü ngeni semer we wain lon ewe pwinin, nge ewe setipütür a tolong o kon ren. Nge Lot esap pwal mefi, lupwen nöün we a kon ren, pwal lupwen a pwätä.

Kölfel 102:18

Ei pworaus epwe mak fän iten ewe täppin aramas epwe uputiu, pwe ekewe aramas resamwo uputiu repwe mwareiti ewe Samol mi Lapalap:

Isikiel 5:15

Iwe, kopwe wiliti eu lenien turunufas me eniwokus me amairü ngeni chon ekewe mwü mi nom ünükum, repwe pwal ämängauok, lupwen üpwe afeiengauok ren ai apwüng fän ai song me lingeringer. Ngang ewe Samol mi Lapalap üa fen kapas.

Mateus 13:39

nge ewe chon oput mi amworafeili ewe pötöwölingau, iei i Tefil. Ewe fansoun kinikinin räs, iei ewe fansoun lesopolan, nge ekewe chon angangen räs, ir ekewe chon läng.

Mateus 13:40

Usun ekewe pötöwölingau ra ioifengen o kekkila lon ekkei, iei usun mine epwe fis lesopolan fansoun fanüfan.

Nöün Paulus Toropwe ngeni ekewe Souläng lon Rom 13:11

Oupwe fokun föri iei usun, pun oua silei pwe ewe fansoun a arapoto, pwe ämi oupwe pwätä seni möür. Pun ewe ränin än Kot amanauakich a kaneto iei lap seni ewe fansoun sia popuetä le lükü Jesus Kraist.

Nöün Paulus Toropwe ngeni ekewe Souläng lon Rom 13:12

Pwin a arap ngeni chök epwe le la, nge rän epwe le war. Iei mine ousipwe ükütiu le föri föförün rochopwak, nge sipwe angei ekewe pisekin maun pwe sipwe maun lon saram.

Nöün Paulus Toropwe ngeni ekewe Souläng lon Rom 15:4

Pun meinisin mine a mak lon ekewe Toropwe mi Pin a mak fän iten ach sipwe kaiö seni, pwe epwe wor ach apilükülüköch ren ach likitü pwal ren ach küna pöchökülen letipach mi torikich seni ekewe Toropwe mi Pin.

Nöün Paulus Toropwe ngeni ekewe Souläng lon Rom 4:23

Ekei kapas “a küna pwüng” resap makketiu fän iten Apraham chök.

1. Korint 10:6

Iwe, ekei mettoch mi fis eu lenien awewe fän itach an epwe fönöökich, pwe sisap mochenia ngeni mettoch mi ngau usun ir ra föri,

1. Korint 7:29

Ämi pwii kana, iei wewen mine üa apasa: Esap chüen langatam ach fansoun. Seni ikenai, ekewe mwän mi pwüpwülü repwe nonom usun itä nge resap pwüpwülü,

1. Korint 9:10

Ifa usun, esap fokun ekieki kich lupwen a apasa ekei kapas? Ewer, ekei kapas ra mak fän itach. Ewe mwän mi tuw pwül, pwal ätewe mi kini ekewe föün irä lon fansoun räs repwe föri ar angang fän apilükülük, pwe repwe angei wiser seni ewe räs.

Kalatia 4:24

Ekei mettoch sia tongeni awewe ngeni eu lios: Ekewe ruoman fefin ra aliosunätä ruu pwon. Nöün ewe fefin Hakar kewe mi up seni ir amanau. Hakar a aliosunatä ewe pwon mi fis me won ewe chuk Sinai.

Filipi 4:5

Oupwe tipepwetete ngeni aramas meinisin. Ach Samol a arapoto.

Ipru 10:25

Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.

Ipru 10:37

Pun a mak lon ekewe Toropwe mi Pin, “Ekis chök fansoun mürin ätewe epwe feito epwe war, esap mang.

1. Johannes 2:18

Ämi nei kana, ewe fansoun sopolan a arapoto! Oua fen rongorong pwe ewe Pölüen Kraist epwe war. Nge iei chomong pölüen Kraist ra fen pwä, iei mine sia silei pwe ewe fansoun sopolan a arapoto.