1. Korint 10:1 - Chuukese Bible

¹ Ämi pwii kana, üa mochen ämi oupwe chechemeni mine a fis ngeni ach kewe lewo lupwen Moses a emweniir. Ir meinisin ra nom fän tümwünün ewe kuchu o pwerela pekilan ewe Setipar.

1. Korint 10:1 Iomraidhean Croise

Nehemia 9:19

Pokiten ka fokun ümöümöch, kosap likitirela lon ewe fanüapö. Ewe ürekuchu mi emweniir won ewe al esap sü seniir lerän, nge ewe üreekkei, a asarama ewe al repwe fetal won, esap sü seniir lepwin.

Kölfel 105:39

Kot a anomu eu kuchu wor pwe pwölüpwölür, pwal eu ekkei, pwe epwe asarameer lepwin.

Kölfel 66:6

A awili matau ngeni fanüpwas. Äm kewe lewo ra fetal lon ewe chanpupu won pecher. Ikenan äm aia pwapwa ren mine Kot a föri.

Kölfel 78:53

A emwenirela fän kinamwe pwe resap niuokus, nge ewe matau a pwölüela ekewe chon oputeer.

Ekistos 14:29

Iwe, ekewe aramasen Israel ra fetal won pwasapwas epin ewe sät, nge ewe lölö a usun chök etip lepelifichir me lepelimöngür.

Ekistos 40:34

Mürin, ewe kuchu a pwölüela ewe imwenfel seni mangaku, nge lingen ewe Samol mi Lapalap a aürala lon.

Numperis 14:14

Repwe asile ngeni chon ei fanü ei pworaus. Ir ra fen rongorong pwe en ai Samol mi Lapalap ka nom lein ekei aramas, pun en ka newenewen ngeniir, pwal om kuchu a ütä wor, nge en ka akomw mwer lon eu ürekuchu lerän me eu üreekkei lepwin.

Numperis 33:8

Mürin ra sai seni Pi-hahirot, ra pwerelong lukalapen ewe matau o feilong lon ewe fanüapö. Iwe, lupwen ra sai lon ewe fanüapön Etam lon ükükün ülüngat rän, ra tori Mara o aüetä imwer ikenan.

Johannes 4:20

Äm kewe lewo ra fel ngeni Kot won ei chuk, nge ämi chon Juta oua apasa pwe Jerusalem ina chök ewe leni ia aramas repwe fel ngeni Kot ie.”

Nöün Paulus Toropwe ngeni ekewe Souläng lon Rom 1:13

Ämi pwii kana, oupwe fokun chechemeni pwe fän chomong üa akota ai üpwe churikemi, nge a chök wor sokun epet a pineei fansoun meinisin ai üpwe feila remi. Ngang üa mochen asoulängala ekoch leimi, usun üa pwal föri me lein ekewe ekoch chon lükün Israel.

Nöün Paulus Toropwe ngeni ekewe Souläng lon Rom 11:21

Pun Kot esap achika ekewe chon Juta, ir wesewesen palen ewe irä, ifa usun, oua ekieki pwe epwe achikakemi?

Nöün Paulus Toropwe ngeni ekewe Souläng lon Rom 4:11

An sirkomsais a fis me mürin. Nge an sirkomsais eu asisil mi pwärätä pwe pokiten an lükülük a küna pwüng me ren Kot me mwen an esamwo sirkomsais. Iei usun Apraham a semelapen chokewe meinisin mi lükü Kot o küna pwüng me ren, inamwo ika resap sirkomsais.

1. Korint 12:1

Iwe, ämi pwii kana, üa mochen pwe oupwe silei met a let usun ekewe lifang seni ewe Ngünmifel.

1. Korint 14:38

Nge ika esap afäli ekei kapas, ousap pwal afäli.

Kalatia 3:29

Are ämi oua nöün Kraist, mürin oua mwirimwirin Apraham, iwe, oupwe angei ewe mine Kot a fen pwonei.

Tuteronomi 1:33

ewe a akom mwemi lon ewe al, pwe epwe kütta eu leni ia oupwe aüetä imwemi imw mangaku ie. Iwe, a akom mwemi lon ekkei lepwin, pwe epwe aiti ngenikemi ewe al oupwe fetal won, a pwal akom mwemi lon ewe kuchu lerän.”

Ipru 11:29

Ren än ekewe chon Israel lükü, ra tolong o fetalela epek ewe Setipar usun chök ar fetal won fanü mi pwasapwas. Nge lupwen ekewe chon Isip ra sotuni ar repwe föri iei usun, ewe sät a amopuretiu.

Josua 4:23

Pun ewe Samol mi Lapalap ämi we Kot a apwasatä ewe chanpupu Jortan fän itemi, tori oua pwerela pekilan, usun mine a fen föri ngeni ewe Setipar, lupwen a apwasatä fän itach, tori sia pwerela pekilan.