1. Korint 1:8 - Chuukese Bible

⁸ I epwe pwal anükücharakemi tori lesopolan, pwe esap wor eman epwe tip ngenikemi och mi mwäl lon ewe Ränin ach Samol Jesus Kraist.

1. Korint 1:8 Iomraidhean Croise

Kölfel 37:17

Pun pöchökülen ekewe aramasangau epwe wesila, nge ewe Samol mi Lapalap epwe alisi ekewe chon pwüng.

Kölfel 37:28

Pun ewe Samol mi Lapalap a efich mine a pwüng, esap likitala nöün kewe mi allükülük. Ewe Samol mi Lapalap a tümwünü ekewe chon pwüng tori feilfeilachök, nge mwirimwirin ekewe aramasangau repwe kärila.

Lukas 17:24

Pun usun fifi a fila seni läng o asarama fanüfan seni epek tori epek, iei usun Nöün Aramas lon ränin.

Lukas 17:30

Epwe chök pwal ina usun lon ewe rän Nöün Aramas epwe wareto lon.

Nöün Paulus Toropwe ngeni ekewe Souläng lon Rom 14:4

En iö pwe kopwe apwüngü nöün eman chon angang? Wisen nöün we masta pwe epwe apwüngala ika an angang a öch ika a ngau. Iwe, an angang epwe fokun öch, pun ach Samol a tufichin alisi pwe epwe öch an angang.

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

Nöün Paulus Toropwe ngeni ekewe Souläng lon Rom 8:19

Förien Kot kewe meinisin ra fokun ösüküsükü pwe Kot epwe pwärala nöün kana.

1. Korint 3:13

Iwe, aüchean än eman me eman angang epwe pwä me fatala lon ewe Ränin Kraist. Pun lon ena rän ekkei epwe afata angangen eman me eman. Ekkei epwe asosota än eman me eman angang, pwe epwe pwä aüchean.

1. Korint 5:5

oupwe esechala ätei ngeni Satan pwe inisin epwe mäfeiengau, nge ngünün epwe küna manau lon ewe Ränin ach Samol.

2. Korint 1:13

Äm aia chök mak ngenikemi met oua tongeni aleani o wewe ren. Iwe, üa apilükülük,

2. Korint 1:14

pwe usun oua weweitikem eu kinikin chök, iei usun oupwe unusen weweiti, pwe oua tongeni aingaing wom usun chök pwal äm aipwe aingaing womi lon ewe Ränin ach Samol Jesus.

2. Korint 1:21

Iwe, püsin Kot a anükücharakem me ämi lon Kraist. I a afilikich

Efisos 5:27

fän iten an epwe aütai mwichefel fän püsin itan lon unusen lingöchün, pwe esap wor tikitikipwülün are lemomon are och limengau, nge epwe pin o unusöch.

Filipi 1:10

pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Filipi 1:6

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

Kolose 1:22

Nge iei oua chä ngeni Kot ren mälan Nöün we, pwe epwe aütaikemi mwen mesan fän pin me limöch, pwe esap wor och mine oua mwäl won.

Kolose 2:7

Oupwe warar lon i usun efoch irä mi warar, oupwe fefeitä lon manauemi o pöpöchökülela lon ämi lükü Kraist usun oua fen kaiö. Iwe, oupwe fokun pwärätä ämi kilisou.

1. Tesalonika 3:13

Ach Samol epwe apöchöküla letipemi, pwe oupwe unusöch o pin mwen mesen Samach Kot, lupwen ach Samol Jesus epwe liwinsefälito fiti nöün kewe chon pin meinisin.

1. Tesalonika 5:2

Pun ämi oua püsin silefichi, pwe ewe rän ach Samol epwe war lon epwe usun chök än eman chon solä war lepwin.

2. Tesalonika 2:2

pwe ousap müttir rukola lon ämi ekiek, ika osukosuk ren ewe kapas pwe ewe Ränin ach Samol a fen war. Eli oua ekieki, pwe aia apasa ei lupwen aia osuni ika aia afalafal ika aia makkei ekei kapas lon toropwe.

2. Tesalonika 3:3

Nge ach Samol a allükülük, i epwe apöchökülakemi o tümwünükemi seni ewe mi ngau.

2. Timoty 1:12

Iei popun üa nom lon ei sokun riaföü, nge üsap säw ren. Pun üa silei iö üa lükü, nge üa alletä pwe a tongeni tümwünü mine a lükü ngeniei tori ewe Ränin lesopolan.

2. Timoty 1:18

Ach Samol epwe ümöümöch ngeni lon ewe Ränin kapwüng! Ka fokun silei usun ükükün an alisiei me lon Efisos.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.