1. Korint 1:6 - Chuukese Bible

⁶ Ach kapasen pwärätä usun Kraist a fokun nüküchar lomi,

1. Korint 1:6 Iomraidhean Croise

Markus 16:20

Iwe, ekewe chon kaiö ra feila o afalafal ekis meinisin. Nge ewe Samol a etiir lon ar angang o anüküchara ar afalafal pwe a let ren ekewe manaman ra föri.]

Föför 11:17

A fokun fat pwe Kot a fang ngeni ekei chon lükün Israel ewe chök lifang a ngenikich lupwen sia lükü ach Samol Jesus Kraist. Iö ngang pwe üpwe tongeni pinei mine Kot a mochen föri?”

Föför 11:21

Iwe, manamanen ach Samol a etiir, pwe chomong aramas ra lükü o kul ngeni ewe Samol.

Föför 18:5

Iwe, lupwen Silas me Timoty ra feito seni Masetonia, Paulus a awora unusen an fansoun le afalafala ewe kapas, a pwärätä ngeni ekewe chon Juta pwe Jesus i ewe Kraist.

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 22:18

Üa küna ach Samol a kapas ngeniei, ‘Kopwe müttir towu seni Jerusalem iei chök, pun ekewe aramas resap etiwa om pwärätä usi.’

Föför 23:11

Lon ewe pwinin, ewe Samol a ütä ren Paulus o a üreni, “Kosap niuokus! Ka pwäriei ikei lon Jerusalem, iei usun kopwe pwal fokun pwäriei lon Rom.”

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Nöün Paulus Toropwe ngeni ekewe Souläng lon Rom 15:19

ren pöchökülen ekewe asisil me manaman pwal ren manamanen ewe Ngünün Kot. Iei usun üa sai seni Jerusalem tori Illirikum o arongafeili unusen ewe Pworausen Manau usun Kraist.

2. Korint 12:12

Ekewe asisil me manaman me sokun föför mi amwarar ra fis lefilemi fän watten mosonotam ra alletätä pwe ngang eman soukünö.

Kalatia 3:5

Ifa usun, Kot a ngenikemi Ngünmifel o föri manaman leimi pokiten oua apwönüetä pwüngün ekewe Allük, ika pokiten oua rongorong o lükü ewe Pworausen Manau?

2. Tesalonika 1:10

lupwen epwe war lon ewe Ränin, nöün kewe chon pin meinisin repwe alinga i o ekewe chon lükülük meinisin repwe asamolu i. Pwal ämi oupwe etiir, pun oua lükü ewe kapasen Kot äm aia aiti ngenikemi.

1. Timoty 2:6

i ewe mi fangala püsin manauan, pwe epwe angasala aramas meinisin seni tipis. Iei och minen pwärätä lon fansoun mi fich, pwe Kot a mochen pwe aramas meinisin repwe küna manau.

2. Timoty 1:8

Iei mine kosap säwäsini om kopwe pwärätä ach Samol, kosap pwal säwäsiniei, ngang eman chon fötek fän iten Kraist. Nge kopwe etiei le riaföü fän iten ewe Pworausen Manau ren än Kot manaman.

Pwärätä 1:2

Iwe, Johannes a pwärätä meinisin mine a küna, iei än Kot kapas me ewe let Jesus Kraist a pwärätä.

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Pwärätä 12:17

Iwe, ewe trakon a fokun lingeringeriti ewe fefin, a feila seni pwe epwe fiu ngeni lusun mwirimwirin kewe, ir chokewe meinisin mi aleasochisi än Kot kewe allük o ra allükülük lon ewe let Jesus a pwärätä.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.