1. Korint 1:25 - Chuukese Bible

²⁵ Pun inamwo ika aramas ra apasa pwe Kot a umwes, nge än Kot umwes a tipachem seni än aramas tipachem. Inamwo ika aramas ra apasa pwe Kot a apwangapwang, nge an apwangapwang a pöchökül seni än aramas pöchökül.

1. Korint 1:25 Iomraidhean Croise

Ekistos 13:17

Iwe, lupwen Farao a mwüt ngeni ekewe aramas pwe repwe towu seni Isip, Kot esap emwenirela won alen fanüen chon Filistia, inamwo ika a mochomoch. Pun Kot a apasa, “Eli ekewe aramas repwe ekieksefäl o liwiniti Isip, lupwen epwe toriir maun.”

1. Korint 1:18

Pun ewe kapas usun än Kraist mäla won iräpenges och kapas mi umwes ngeni chokewe mi pöütmwälila, nge ngenikich mi küna manau och manamanen Kot.

1. Korint 1:21

Pun lon än Kot tipachem, a föri pwe aramas resap tongeni silei i ren püsin ar tipachem. Nge Kot a akota pwe epwe amanaua chokewe mi lükü ewe kapas aia afalafala, iei ewe kapas ekoch aramas ra aita ngeni pwe och kapasen umwes.

1. Korint 2:14

Iö esap eäni Ngünmifel esap tongeni etiwa ekewe lifang mi feito seni ewe Ngünün Kot, pun epwe ekieki ngeniir pwe ekoch mettochun umwes. Esap tongeni weweitiir, pun aramas ra chök tongeni mefi aüchear ren ewe Ngünmifel.

1. Korint 4:10

Äm chon umwes fänäsengesin Kraist, nge ämi chon tipachem lon Kraist! Äm chon apwangapwang, nge ämi chon pöchökül. Äm chon küna turunufas, nge ämi chon iteüöch.

2. Korint 13:4

Pun inamwo ika Kraist a iräpenges lon an apwangapwang, nge a manau ren än Kot manaman. Pwal äm aia apwangapwang lon Kraist, nge ren manamanen Kot aipwe eti Kraist le manau, pwe aipwe angang ngenikemi.