1. Korint 1:10 - Chuukese Bible

¹⁰ Üa tüngormau ngenikemi, ämi pwii kana, fän iten ach Samol Jesus Kraist, pwe oupwe tipeeufengen lefilemi, pwe esap wor kinikinfesen leimi. Oupwe fokun tip-eu me ekiek eu.

1. Korint 1:10 Iomraidhean Croise

Kölfel 133:1

Nengeni usun mürinan me apwapwan, lupwen pwipwi ra nonomfengen fän tipeeu.

Jeremaia 32:39

Üpwe ngeniir eu chök letip me eu chök ekiek, pwe repwe meninitiei fansoun meinisin fän iten püsin feiöchür me feiöchün nöür me mwirir.

Mateus 9:16

Esap wor eman aramas epwe teiätä ekam mangaku mi fö won echö üf mi mes, pun ewe ekam mangaku mi fö epwe nürfengen o afisätä pwe kamwen ewe üf epwe wattela.

Markus 2:21

Esap wor eman epwe teiätä ekam mangaku mi fö won echö üf mi mes, pun are epwe föri iei usun, ewe ekam mangaku mi fö epwe kamwei ewe üf mi mes, pwe ewe kam epwe wattela.

Markus 3:24

Are eu mwü a kinikinfesen o fiufengen, ei mwü epwe chök tala.

Johannes 10:19

Iwe, pokiten ekei kapas ekewe chon Juta ra pwal kinikinfesen lefiler.

Johannes 17:23

Ngang üa nonom lor o en ka nonom loi, pwe ar eufengen epwe unus, pwe fanüfan epwe silei pwe en ka tinieito, epwe pwal silei pwe en ka echeniir usun ka echeniei.

Johannes 7:43

Iei usun a fis tipefesen lon ewe mwich pokiten Jesus.

Johannes 9:16

Ekoch lein ekewe Farisi ra apasa, “Ewe mwän mi föri ei esap tongeni feito seni Kot, pun esap aleasochisi ewe allükün sapat.” Nge pwal ekoch ra apasa, “Epwe ifa usun än eman chon tipis epwe tongeni föri ei sokun manaman?” A wor kinikinfesen lefiler.

Föför 4:32

Iwe, ewe mwichen chon lükü Jesus ra ekiekeu me tipeeu. Esap fokun wor eman leir epwe apasa, pwe mine a wor ren epwe an chök, nge ra alilisfengen lefiler won meinisin mine ra eäni.

Nöün Paulus Toropwe ngeni ekewe Souläng lon Rom 1:13

Ämi pwii kana, oupwe fokun chechemeni pwe fän chomong üa akota ai üpwe churikemi, nge a chök wor sokun epet a pineei fansoun meinisin ai üpwe feila remi. Ngang üa mochen asoulängala ekoch leimi, usun üa pwal föri me lein ekewe ekoch chon lükün Israel.

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 12:16

Oupwe tipeeufengen lefilemi. Ousap lamalamtekia, nge oupwe tipeni le föri angang mi tekisoson. Ousap ekieki pwe oua tipachem.

Nöün Paulus Toropwe ngeni ekewe Souläng lon Rom 15:30

Ämi pwii kana, üa pese ngenikemi fän iten ach Samol Jesus Kraist pwal fän iten ewe tong ewe Ngünmifel a fangeto, pwe oupwe etiei lon ämi tiliken le iotek ngeni Kot fänäsengesi.

Nöün Paulus Toropwe ngeni ekewe Souläng lon Rom 16:17

Ämi pwii kana, üa pese ngenikemi pwe oupwe afälikemi ren chokewe mi afisätä kinikinfesen lefilen aramas o atoka än aramas lükülük, ir ra ü ngeni ekewe kapas sia aiti ngenikemi. Ousap chiechi ngeniir.

1. Korint 1:11

Ämi pwii kana, ekoch aramas seni än Kloe famili ra asile ngeniei pwe mi wor aninifengen lefilemi.

1. Korint 11:18

Akomwan üa rongorong pwe a wor kinikinfesen lefilemi lupwen oua mwichfengen. Esopun ei pworaus üa fen lükü.

1. Korint 12:25

Iei mine esap wor kinikinfesen lon ewe inis, nge ekewe sokopaten kifet meinisin repwe chüngüfengeniir lefiler.

1. Korint 3:3

pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?

1. Korint 4:16

Iei mine üa tüngormau ngenikemi pwe oupwe apirüei.

2. Korint 10:1

Iwe, püsin ngang Paulus üa tüngormau ngenikemi, ngang ätewe aramas ra apasa pwe üa tekison lupwen üa nom remi, nge üa kapas pöchökül lupwen üa toau senikemi. Ren än Kraist tekison me kirikiröch

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Kalatia 4:12

Ämi pwii kana, üa fokun tüngor ngenikemi, pwe oupwe wewe ngeniei, pun pwal ngang üa wewe ngenikemi. Ämi ousap föri och mi mwäl ngeniei.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 3:16

Nge ousipwe chök fefetal ngeni mwach lon pwüngün ekewe allük sia fen aleasochisi tori iei.

1. Tesalonika 5:13

Oupwe asamoluur fän watten suföl me chen pokiten ewe angang ra föri ngenikemi. Oupwe kinamwefengen lefilemi.

2. Tesalonika 2:1

Nge usun waren ach Samol Jesus Kraist, pwal usun ach chufengen me i o nonom ren, ngang üa tüngormau ngenikemi, ämi pwii kana,

1. Timoty 5:21

Me mwen mesen Kot me Kraist Jesus me ekewe chon läng mi fil üa fokun allük ngonuk pwe kopwe aleasochis ngeni ekei kapasen öüröür, nge kosap oput eman ika efich eman lon meinisin mine ka föri.

2. Timoty 4:1

Üpwe fokun fönok me mwen mesen Kot me Kraist Jesus, ätewe epwe apwüngü ekewe mi manau me ekewe mi mäla, pwal i epwe war o nemenem usun eman king,

Josua 22:15

Iwe, ra tori chon ekewe ainangen Rupen me Kat pwal ewe esopun ainangen Manasa me lon Kiliat o üreniir,

1. Petrus 2:11

Ämi chiechiei mi achengicheng, üa tüngormau ngenikemi usun ämi chon ekis me choisä won ei fanüfan, ousap apwönüetä ekewe mochenian fituk mi fiu ngeni ngünümi.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.