Wafilipi 4:4 - Ilagano Linyale kwa Wanhu Weng'ha na Ilagano lya Katali kuli Chividunda

⁴ Lelo msangalale ng'hatu kuli kilumba kwa hemwe na Mkulu. Ndangulonga kahi, msangalale!

Wafilipi 4:4 Iomraidhean Croise

Zabuli 146:2

Ndomtogola Mkulu Nguluwi kuli ukomu wa heni weng'ha, ndomwimbila Nguluwi wa heni mhela weng'ha hondichikala.

Zabuli 33:1

Mtowe luchenze kwa chiwalo cha Mkulu Nguluwi hemwe watanganiche. Kumtogola Nguluwi kwanguwawala wanhu wawele na nhumbula zigoloche.

Habakuki 3:18

ndolutilila kusangalala kwa chiwalo cha Mkulu Nguluwi, kwa vila Mkulu Nguluwi ndo mlohozi wa heni.

Matei 5:12

Msangalale na kusechelela, kwa vila chonolo chompegwa chowa chikulu kilanga. Avyo ndo wawabocheleze waloli wawele bahano muisi hemwe hamnoya.

Madito 16:25

Behi na chilo ng'hatu, Paoli na Sila wali womlanda Nguluwi na kwimba nzimbo za kumtogola Nguluwi, kuno wayao wanji mchinweng'ho wohulichiza.

Madito 5:41

Ahyo watumigwa nawalawa hala mchitala wawele wasangalale, mina nawalapigwa kubasigwa soni kwa itagwa lya Yesu.

Waloma 12:12

Kitumbila kwa hemwe kokuwicheni hemwe chila zuwa msangalale, muwe na ubetezo mli kugaya, na kumlanda Nguluwi mhela weng'ha.

2 Kolinto 6:10

Twanguditigwa tisinze, ila twangusangalala mazuwa geng'ha. Twangoneka kota twa wazunwa ila twanguwadita wenji wawe na lufufu, twahela chinhu, ila twanguwa na vinhu vyeng'ha.

Wagalatiya 1:8

Ila, wone iwe yumwe wa hetwe ama mhilisi wa kilanga, kowadamlilani usenga unji na ulivinji na ula wotuwadamlileni hetwe, leka ayo nayapanjilwe na Nguluwi!

Wafilipi 2:18

Hiho du namwe mwanguganigwa kusangalala na kihanza na heni usangalalo wa hemwe.

Wafilipi 3:1

Konjezela kwa ago, wang'holozangu, msangalale kuli kilumba na Mkulu. Hambe nhoche kuwila gala gomina nyandiche hala hamwande, mina gowatanza ng'hatu.

1 Petili 4:13

Leka msangalale kota mwangilumba kuli magazo ga Kilistu, muwe na usangalalo winji mhela hoyohiluka kahi na ukulu wa heye.