Wafilipi 2:9 - Ilagano Linyale kwa Wanhu Weng'ha na Ilagano lya Katali kuli Chividunda

⁹ Kwa mbuli ayo, Nguluwi nakamkwiniza kuchanya ng'hatu, nakapegwa itagwa liwele likulu kusinda matagwa geng'ha.

Wafilipi 2:9 Iomraidhean Croise

Mwaluko 3:15

Ndowika ung'honyo hagati ha hegwe na ayo mdala, hagati ha lulelo lwako na lulelo lwake, heye kochitowa chitwi cha hegwe, na hegwe kochitowa chisigino cha heye.”

Zabuli 110:1

Mkulu Nguluwi kangumlonjela Mkulu wa heni, “Wikalise ubanzi wa kudilo kwa heni, mbaka ndiwawiche wang'honyo wa hegwe hasi ha magulu ga hegwe.”

Zabuli 110:5

Mkulu ka ubanzi wa hegwe wa kudilo, kowahonda wandewa hoyozudila.

Zabuli 89:27

Nani ndomdita yawe mlelwa wa heni wa mwaluko, mkulu kusinda wandewa weng'ha muisi.

Zabuli 91:14

Nguluwi kangulonga, “Ndomlohola yula yalingungana, ndomwamila yula yalingunzela.

Matei 11:27

“Mhaza wa heni kamha vinhu vyeng'ha. Kuduhu ne yumwe yamzelele mwana ila Mhaza, kuduhu yamzelele Mhaza ila Mwana, na yoneche yula Mwana yogana kumgubulila.

Matei 28:18

Yesu nakoya habehi, kawalonjela, “Mpegwa ludali lweng'ha kilanga na muisi.

Lukasi 10:22

Hamba kalonga, “Mhaza wa heni kanipa vinhu vyeng'ha. Kuduhu yamzelele Mwana ila Mhaza, na kuduhu yamzelele Mhaza ila Mwana, na yoneche yula Mwana yogana kumgubulila heye.”

Yohana 13:3

Yesu nakavizela kota Mhaza kampa chila chinhu mmoko mwake. Na kavizela kota nakalawa kwa Nguluwi, na kanguhiluka kwa Nguluwi.

Yohana 17:11

Sambi ndanguya kwa hegwe, siwele kahi muisi, ila hewo wa amu muisi. Mhaza Welile, uwawiche goya kwa ludali lwa itagwa lyako, itagwa lyoumhele wawe chinhu chimwe kota hetwe vyotuli yumwe.

Yohana 17:12

Vyondali na hewo, nandiwawika goya kwa itagwa lyako lyoumhele. Heni ndali ndiwamila hewo, na kuduhu ne yumwe yajilile, ila yula munhu yahaguligwe kwajilila leka gala Maandiko Matakatifu genele.

Yohana 17:5

Sambi Mhaza, umhe ukulu houli hegwe, ukulu ula wondali nawo isi hainalumbigwa.

Madito 5:31

Ayu ndo yula yakwinizwe na Nguluwi mbaka nzingo ya heye ya kudilo. Kawa chilongozi na mlohozi, leka yawadahize wanhu wa Isilaeli wamgalamchile Nguluwi, na kusilwa gehile ga hewo.

Waefeso 1:10

Ago gokoleka mazuwa gala Nguluwi yawichile, mhela wone ufiche ndokungajiza hamwe vilumbigwe vyeng'ha na chila chinhu kilanga na kuli isi, Kilistu kowa mkulu wa vinhu avyo vyeng'ha.

Wakolosai 1:18

Heye ndo mutwi wa lukuli lwake, lukuli ndo chilundo cha wanhu walingumkunda Kilistu weng'ha. Heye ndo chaluchizo cha ukomu, mlelwa wa mwaluko kuzilipuligwa, Leka yawe wa mwaluko kuli vinhu vyeng'ha.

2 Watesalonike 1:12

Twangulanda ahyo, leka itagwa lya Mkulu wa hetwe Yesu lipegwe ukulu kulawila kwa hemwe, namwe mopegwa ukulu kulawila kwa heye kwa isungu lya Nguluwi wa hetwe na ya Mkulu Yesu Kilistu.

Waebulaniya 1:4

Mwana ndo mkulu kuleka mhilisi wa kilanga, kota vila itagwa loyapegwe na Nguluwi lyangulajila kota ndo likulu kusinda itagwa lyao.

Waebulaniya 1:9

Hegwe nakugana gatanganiche na kuzudila wihe, kwa chiwalo acho, Nguluwi, yawele Nguluwi wa hegwe, nakakuhagula hegwe, kawaleka wayago, ahyo, nakakumemeza usangalalo.”

Waebulaniya 12:2

Tumlole Yesu yawele ndo yaluchize makundo ga hetwe na ndo heye yogomanjiza. Kwa chiwalo cha kusangalala iwele iwichigwe kumwando kwa heye, nakemilila kubagama mumsalaba, ne kudumba soni ya heye, na sambi kangikala honhu ha ukulu kuli nzingo ya kudilo kwa chigoda cha Undewa wa Nguluwi.

Waebulaniya 2:9

Ila twangumona Yesu, Nguluwi yamditile kwa mhela udo hela, yawe hasi kusinda wahilisi wa kilanga, leka kwa kunoga kwa Nguluwi koyatulajile hetwe, Yesu nakabagama kwa mbuli ya wanhu weng'ha. Kwa chiwalo cha magazo mbaka kubagama kwa heye, lelo twangumona kavichigwa chipembelo cha ukulu na kinamizilwa.

1 Petili 3:22

Yawele yalutile kilanga na sambi kekala nzingo ya kudilo kwa Nguluwi, kangulongoza wahilisi wa kilanga, wakulu na wawele ludali na mong'ho.

2 Petili 1:17

Hetwe natwali baho mhela loyapegwe lutogo na ukulu kulawila kwa Nguluwi Mhaza, mhela lizi naloimuyile kulawila kwa heye yawele ukulu mkulu, ilonga, “Ayu ndo Mwana wa heni ndimganile na yanojezwe na heye.”

3 Yohana 1:7

Mina wangwaluka majendo ga hewo kuli uchitumagwa wa Kilistu ne kubochela utanzi woneche kulawila kwa wanhu wohambe wamkunde Kilistu.

Ugubulo 1:5

na kulawila kwa Yesu Kilistu, mlolezi wa kukundigwa, wa mwaluko kuzilipuligwa kulawila kuli kubagama, na yawele chilongozi wa wandewa wa isi. Heye kangutugana, na kwa danda ya heye ibohoche mumsalaba, katudita twilejehe kulawila kuli gehile ga hetwe,

Ugubulo 11:15

Muhilisi wa kilanga wa saba na kapemba mhalamhanda ya heye. Lizi ling'angala naihulikwa kilanga ilonga, “Undewa wa isi sambi uwa undewa wa Mkulu Nguluwi wa hetwe na Kilistu Mlohozi, na heye kolongoza mazuwa gose!”

Ugubulo 19:16

Na heye kana itagwa lyandikwa kuli nguwo ya heye na mihaza lyake, “Mndewa wa wandewa, na Mkulu wa wakulu.”

Ugubulo 3:21

Heye yasumile ndomdita yekalise hamwe na heni hali chigoda cha undewa, kota vila heni baha vyongongomanye, nandiza kikalisa hamwe na Mhaza wa heni hali chigoda cha undewa.

Ugubulo 5:12

walonga kwa lizi ng'hulu, “Mwanaing'holo yakopoligwe, ndo heye yaliyeng'ha wa kubochela ludali na lufufu na luhala na mong'ho, na ukulu na lutogo na kuhulichizwa.”