Ugubulo 8:5 - Ilagano Linyale kwa Wanhu Weng'ha na Ilagano lya Katali kuli Chividunda

⁵ Na ayo mhilisi wa kilanga nakahola chifunyizi chichila, nakachimemeza makala ga chiluli kulawa kuli honhu ha kulavila nhambiko, nakachitoza kuli isi, nakulawila na limlungu na lizi na kumwemwesa na limachinyina.

Ugubulo 8:5 Iomraidhean Croise

1 Wandewa 19:11

Mkulu Nguluwi nakamlonjela, “Ulute kunze na kwima mchanya mwa chidunda hali heni Mkulu Nguluwi, kwa vila nda habehi kukola aho.” Hamba mbeho ng'hulu iwele na mong'ho naividita vila vidunda vikakame na kutula mitalawe, ila lizi lya Mkulu Nguluwi haliwele kuli yila mbeho. Vyoikolile mbeho nakwali na limachinyhina, ila lizi lya Mkulu Nguluwi haliwele kuli alyo limachinyhina.

Zabuli 18:13

Mkulu Nguluwi nakabuma kulawa kilanga, Nguluwi Yawele Kuchanya nakalavya lizi lya heye, nhonya ya maganga na makala ga chiluli navilawila.

Kulawa 19:16

Lelo zuwa lya kadatu mitondo, nakulawila kubuma na lumwemwesa na ng'hungugu itisile mchanya mwa chidunda. Naihulikwa lizi ng'hulu ng'hatu ya mhalamhanda naiwaditile wanhu weng'ha wakakame hala honhu nahowawichile kambi.

Walawi 16:12

Hamba kohola chila chifunyizi chimemile makala ga chiluli kulawa kuli honhu ha kulavila nhambiko hali Mkulu Nguluwi na viganza vili vya ubani ubalaswe goya na kuvigala hali honhu helile ng'hatu.

Sekaliya 14:5

Namwe mobilima kukolela kuli ibindi alyo lya chidunda cha Mkulu Nguluwi kwa vila ibindi alyo lyokwenela mbaka Aseli. Mobilima kota wasekulu wa hemwe vyowalibilime limachinyina mhela wa ulongozi wa mndewa Usiya wa Yuda. Hamba Mkulu Nguluwi, Nguluwi wa heni, kokuya hamwe na welile weng'ha.

Matei 24:7

Isi imwe yochitowa na isi iyage, undewa umwe wochitowa na undewa uyage. Ahano na ahala howa na nzala na jimachinyina.

Lukasi 12:49

“Mbuya kubwinha chiluli isi yeng'ha, na ndangugana ndiwe mbesile katali!

Madito 16:26

Baho kulawila limachinyhina likulu litigasa msisi wa chinhweng'ho. Vihindilo vyeng'ha vichumuka na ng'weso za uswawi zowawopigwe awo wahindilwe zilekana.

Madito 4:31

Lowasindile kumlanda Nguluwi, hala honhu howali weting'hane hatigaswa, na weng'ha wamema Muhe Yelile. Weng'ha walutilila kudamla lizi lya Nguluwi ne kudumba.

Ugubulo 11:13

Mhela wuwo, nakulawila limachinyina likulu lya isi na imwe ya kumi ya muji naigwa. Wanhu elufu saba nawabagama kwa limachinyina lila. Wanhu waponile nawadumba ng'hatu na kumtogola Nguluwi wa kilanga.

Ugubulo 11:19

Hamba, ng'handa ya Nguluwi iwele kilanga naigubuligwa, na Isanduku lya heye lya Ilagano nalyoneka mli ng'handa ya Nguluwi, nakulawila kumwemwesa na lizi na limlungu na limachinyina na nhonya ya maganga ng'hulu lukami.

Ugubulo 4:5

Kuli chila chigoda cha undewa, nakwali kulawa lumwemwesa na lizi lya limlungu. Na vimuli saba vya chiluli vyali vikwaka kumwando kwa chila chigoda cha undewa, vimuli avyo saba ndo muhe saba wa Nguluwi.

Ugubulo 6:12

Hamba nambona, mhela Mwanaing'holo vyoyabenile ihota lya sita, nakwali na limachinyina, isanya nalyali ititu kota igunila ititu na nyelezi yeng'ha nayali ndung'hu kota danda,

Ugubulo 8:3

Na mhilisi wa kilanga yunji nakeza, nakema kumwando mwa honhu ha kulavila nhambiko yawele na chifunyizi cha zahabu, nakapegwa ubani mwinji, leka yaujele hamwe na kulanda kwa wanhu wa Nguluwi weng'ha mchanya mwa alitale ya zahabu, iwele kumwando kwa chigoda cha undewa.