Ugubulo 8:11 - Ilagano Linyale kwa Wanhu Weng'ha na Ilagano lya Katali kuli Chividunda

¹¹ Na itagwa lyake yila nhondwe naichemigwa usungu. Imwe ya kadatu ya gala mazi gawa ga usungu, na wanhu wenji nawabagama kwa mazi ago, kwa vila nagajelwa usungu.

Ugubulo 8:11 Iomraidhean Croise

Kulawa 15:23

Lowafichile honhu halinguchemigwa Mala, hawajezile kunwa mazi ga Mala kwa vila nagali na usungu. Kwa chiwalo acho, honhu aho nahachemigwa Mala.

Nhelo 5:4

ila kuli kuduma ndo wa usungu kota nhungwi, wangutema kota ipanga linoleche banzi zeng'ha.

Amosi 5:7

Hemwe mlingugalusa hachi kuwa usungu na kuigwisa hachi.

Amosi 6:12

Ndaze, falasi woweza kubilima kuli mhalika ndodo? Ndaze, wanhu wangulima kuli bahali kwa mibuguma? Ila, hemwe namuigalula hachi kuwa dunga, na kutanganika kuwa usungu.

Sekaliya 13:8

Wanhu weli hali wanhu wadatu wa kuli isi wodumigwa, munhu yumwe hela hali wanhu wadatu wa kuli isi ndo kolechigwa ne kudumigwa. Heni Mkulu Nguluwi nandonga.

Sekaliya 13:9

Wanhu awo wawele nawalechigwa, ndowajeza na kuweliza, kota munhu yalinguhovuga sendi, ena, kota zahabu vyoilingwelizwa. Wondanda, nani ndowedichila. Ndolonga, ‘Awa ndo wanhu wa heni,’ nawo wolonga, ‘Mkulu Nguluwi, ndo Nguluwi wa hetwe.’ ”

Kukumbuchila 29:18

Milolele, haleche kuwa na mlume ama mdala ama ivyazi ama nhanzi yoneche ilingwima aha lehano imleka Mkulu Nguluwi, Nguluwi wa hemwe, kuza kujifugamila milungu ja isi zinji. Mbuli ayi yowa kota izabi lisile na kulela mafuza galiusungu gawele na dunga.

Waebulaniya 12:15

Mikangaze ng'hatu munhu yoneche yaleche kwajiliza isungu lya Nguluwi. Muwe meho leka izabi liliusungu lileche kuzuka hali hemwe na kuwegalila wanhu wenji magazo kwa dunga ya heye.

Ugubulo 12:4

Mchila wa alyo izoka likulu naubuluna imwe ya kadatu ya nhondwe za kuulanga, nakuzilagaza muisi. Hamba lila izoka likulu nalima kumwando kwa yula mdala yawele behi na kulela leka hoyolela, limmele yula mwana.

Ugubulo 8:7

Mhilisi wa mwaluko nakapemba mhalamhanda. Nakulawila na nhonya ya maganga na chiluli vibatane na danda, navitozwa mchanya mwa isi. Imwe ya kadatu mwa isi najisomigwa na imwe ya kadatu ya migodi naisomigwa na mahamba madeche geng'ha nagalakala.

Ugubulo 9:15

Wala vitumagwa wane wa Limazoga nawachumulilwa, nawawele wawichigwe goya kwa yila saa na zuwa na mwezi na mhela, leka wakopole imwe ya kadatu ya wanhu muisi.

Ugubulo 9:18

Kwa mbuli azo za kugaya kwa kadatu, nagakopola imwe ya kadatu ya wanhu muisi, iwele ndo iyosi na baluti ilingwaka naiwele ilawa kuli milomo ja awo falasi,

Luti 1:20

Naomi nakalonga, “Mleche kunyhema kahi Naomi mnyheme Mala, kwa vila Nguluwi Yawele na Ludali, nakadita kikala kwa heni kuwe kwa usungu ng'hatu.