Ugubulo 7:10 - Ilagano Linyale kwa Wanhu Weng'ha na Ilagano lya Katali kuli Chividunda

¹⁰ Nawakwiniza lizi wolonga, “Ulohozi wangulawa kwa Nguluwi wa hetwe yekale kuli chigoda cha undewa na vivila wangulawa kwa Mwanaing'holo.”

Ugubulo 7:10 Iomraidhean Croise

Zabuli 115:1

Hatuwele hetwe, gwa Mkulu Nguluwi, hatuwele hetwe, ila hegwe uliyeka utogoligwe, kwa chiwalo cha igano lya kwimilila lya hegwe na kukundigwa kwa hegwe.

Zabuli 3:8

Kwa vila ulohozi ndo wa Mkulu Nguluwi. Utambichizo wa hegwe uwe mchanya mwa wanhu wa hegwe.

Zabuli 37:39

Mkulu Nguluwi kanguwaloholaga watanganiche, na kuwamila mhela wa magazo.

Hoseya 13:4

“Ila heni ndo Mkulu Nguluwi, Nguluwi wa hemwe, ndiwalavile hemwe kulawa isi ya Misili, mwahela Nguluwi yunji ila heni, haduhu yalinguweza kuwalohola.

Yona 2:9

Ila heni kwa lwimbo lwa kulonga malumbo, ndokulavila nhambiko, na kweneza chilaho cha heni. Ulohozi wangulawa kwa Mkulu Nguluwi.”

Sekaliya 4:7

Kahi nakonjeza kulonga, “Ndaze, chidunda achi ndo chilingukulemeza? Hebu! Hegwe Selubabeli kochiselega. Nagwe kokwaluchiza kuzenga ng'handa ya Nguluwi na mhela houliwika iganga lya kuduma, wanhu wotowa luchenze na kulonga, ‘Inoga! Ena, inoga!’ ”

Sekaliya 9:9

Mtowe luchenze hemwe wanhu wa Siyoni! Mlandule lizi, hemwe wanhu wa Yelusalemu! Ulole, mndewa wa hemwe kanguya kwa hemwe, kanguya kwa hachi ya kulongoza na kusumya! Ndo yaliholile, nakakwina idogowi, lyana lya idogowi.

Lukasi 3:6

Na weng'ha womona Nguluwi yowalohola wanhu!’ ”

Yohana 1:29

Mitondo iyage, Yohani nakamona Yesu yokuya koyali, kata, Mlole, “Mwanaing'holo lya Nguluwi, yalingusa gehile ga wanhu wa isi yeng'ha!

Yohana 1:36

Vyowamuwene Yesu yokola, kalonga, “Mlole! Ayu ndo Mwanaing'holo wa Nguluwi!”

Yohana 4:22

Hemwe Wasamaliya hamzelele yalikohi wa kumtambichiza, ila hetwe Wayahudi tumzela yalikohi wa kumtambichiza, kwa vila ulohozi wolawa kwa Wayahudi.

Waefeso 2:8

Mina kwa kunoga kwa Nguluwi, mloholigwa kwa makundo. Makundo ago hagalawile na kigayila kwa hemwe, ila ndo ndolendole za Nguluwi.

Ugubulo 12:10

Nanyulika lizi likulu kilanga, ilonga, “Sambi Nguluwi kanguwalohola wanhu wa heye na Nguluwi mndewa wa hetwe kangulajila ludali lwake, na Kilistu Mlohozi wa heye kangulajila ludali lwa heye. Mina yula yalinguwasonjeleza wanhu wa hetwe nemisi na nechilo katozigwa hasi

Ugubulo 19:1

Logakwete ago, nanyhulika lizi kota lizi ng'hulu ya ikugusi lya wanhu wenji kilanga wolonga, “Yatogoligwe Nguluwi! Ugombozi na ukulu na mong'ho vyeng'ha ndo vya heye Nguluwi wa hetwe!

Ugubulo 21:5

Hamba, yula yekalise mchigoda cha undewa nakalonga, “Gwela yoo, ndangudita vyeng'ha viwe vinyale.” Kahi nakandonjela, “Wandiche mbuli ayi, mina ulonzi awu ndo wa kitumbila na wa kukomya!”

Ugubulo 22:3

Haduhuli munhu ne chinhu choneche chipanjilwe na Nguluwi chiwa kuli muji awo. Chigoda cha undewa cha Nguluwi na cha Mwanaing'holo chowa kuli muji awo, na vitumagwa wa heye womfugamila.

Ugubulo 4:6

Kumwando kwa chila chigoda cha undewa, nakwali na chinhu chiwhanile na bahali ya chilolelo, nachali chwee kota iganga lilingung'hala lukami. Na kuli banzi zeng'ha za chila chigoda, nakuzunguluta, nakwali na vilumbigwe vikomu vine, vilumbigwe avyo navyali vimemile meho kumwando na kumbele.

Ugubulo 5:7

Yula Mwanaing'holo, nakaluta nakuchihola chila chitabu kuli moko wa heye wa kudilo wa yula yekale mchanya mwa chila chigoda cha undewa.