Ugubulo 5:9 - Ilagano Linyale kwa Wanhu Weng'ha na Ilagano lya Katali kuli Chividunda

⁹ Nawo nawemba lwimbo lunyale wolonga, “Hegwe uliyeng'ha kuna katogo ka kuhola chitabu acho, na kubena mihota ja mihuli jake, kwa vila hegwe nakukopoligwa, na kwa danda ya hegwe kumgulila Nguluwi wa hetwe, wanhu kulawa chila nhanzi na ndonga na ivyazi na isi yeng'ha.

Ugubulo 5:9 Iomraidhean Croise

Zabuli 144:9

Gwa Nguluwi, ndokwimbila lwimbo lunyale, ndokutowela ching'weleng'wele cha ng'weso kumi,

Zabuli 149:1

Mumtogole Mkulu Nguluwi. Mumwimbile Mkulu Nguluwi lwimbo lunyale, mumtogole kuli nhing'hano ya walingukundigwa.

Zabuli 33:3

Mmwimbile lwimbo lunyale, mtowe goya ching'weleng'wele na luchenze,

Zabuli 40:3

Nakandangusa lwimbo lunyale, lwimbo lwa lutogo kwa Nguluwi wa hetwe. Wenji womlola na kumdumba Mkulu Nguluwi, na kitumbila kwa heye.

Zabuli 96:1

Mumwimbile Mkulu Nguluwi lwimbo lunyale. Mumwimbile Mkulu Nguluwi, isi yeng'ha.

Zabuli 98:1

Mumwimbile Mkulu Nguluwi lwimbo lunyale, kwa vila nakadita mbuli za vinduzanduza. Moko wa heye wa kudilo uzidahe, moko wa heye welile naumha heye kusumya.

Matei 20:28

Hihyo vyoiwele, Mwana wa Munhu hoyile kukolelwa mijito, ila kuwakolela mijito na kuulavya ukomu wa heni kwa ulohozi wa wanhu wenji.”

Matei 26:28

mina ayi ndo danda ya heni ilingweneza ilagano lya Nguluwi na wanhu wa heye, danda ilingubohoka kwa chiwalo cha wanhu weng'ha kuwosela gehile ga hewo.

Madito 20:28

Milolele mwemwe, mchilolele chila chilundo cha Muhe Yelile kawawika hemwe muwe walolezi wa Nguluwi. Mudime chilundo cha wanhu walingumkunda Kilistu yawegale kwa danda ya heye.

1 Kolinto 6:20

Nakawagula kwa bei ng'hulu. Ahyo mumtogole Nguluwi kwa ng'huli za hemwe.

1 Kolinto 7:23

Hemwe mweng'ha mguligwa hela kwa bei ng'hulu, ahyo mleche kahi kuwa wapogozi wa wanhu.

Waefeso 1:7

Mina kwa danda ya heye Kilistu hetwe twangilejeha, kuta twangusilwa gehile ga hetwe. Ndo vyouwele ukulu wa kunoga kwa Nguluwi,

Waefeso 5:19

Milonjele ulonzi wa kidekuliza, nzimbo na nhelo za kunhumbula, mmwimbile na mumtogole Mkulu mnhumbula ya hemwe.

Wakolosai 1:14

Kwa heye twangugomboligwa, mina twangusilwa gehile ga hetwe.

Wakolosai 1:23

Mwanguganigwa, ila kulutilila na kibatilila nzila yiyila kuli makundo, namleche kukunda kutigaswa kulawila kuli utumbilo ula wompegwe mhela womhuliche Mbuli Inojile. Heni Paoli ndiwa chitumagwa wa ayo Mbuli Inojile iwele idamligwe kwa chila munhu muisi.

Tito 2:14

Heye nakelavya kwa mbuli ya hetwe leka yatugombole kulawa kuli wihe weng'ha na kutudita tuwe wanhu welile wa heye, wanhu wawelengugana kudita ganojile.

Waebulaniya 11:14

Wanhu walingulonga mbuli kota azo, wangulajila ng'hatu kota wanguipala isi ya kukomya.

2 Petili 2:1

Nahalawila waloli wa udesi hali wanhu, na hihyo du walangusa wa udesi wolawila hali hemwe. Wanhu awo wokwinjiza kwa uviso malanguso ga kwajiliza na hambi kumbela Mkulu yawagombole na kwa nzila ayo wokwambuza baho du kudumigwa kwa hewo.

1 Yohana 1:7

Ila hotuchikala kuli lumuli, kota na heye vyoyali kuli lumuli, lelo towa hamwe twetwe baha na danda ya heye Yesu Kilistu, Mwanage yangutuhovuga wihe wa hetwe.

1 Yohana 2:2

Kilistu ndo nhambiko ilingulavya gehile ga hetwe, hagawele gehile ga hetwe hela, ila kahi gehile ga isi yeng'ha.

Ugubulo 10:11

Hamba, nawandonjela, “Kwanguganigwa kulavya uloli kwa chiwalo cha wanhu wenji wa isi na nhanzi na ndonga na wandewa!”

Ugubulo 11:9

Wanhu weng'ha na chila isi na nhanzi na donga na lukolo na lanji wolola mitufi ajo kwa mhela wa zuwa zidatu na nusu, na howokundiza ziwichigwe mchilaga.

Ugubulo 13:7

Igongolo ling'ang'gale nalikundizwa kitowa ngondo na kuwasumya wanhu wa Nguluwi, nakapegwa na ludali kwa wanhu wa chila isi na chila nhanzi na lukolo na ndonga.

Ugubulo 13:8

Wanhu weng'ha wawele ngikala muisi womfugamila, ila wala hela wawele matagwa ga hewo gandichigwa kuli chitabu cha ukomu cha Mwanaing'holo yakopoligwe kulawila mwaluko wa isi.

Ugubulo 14:6

Hamba nambona mhilisi wa kilanga yunji, yoguluka hagati ya kilanga, yawele na Mbuli Inojile ya mazuwa gose ne kuduma, yowadamlila awo walingikala mchanya mwa isi na chila isi na nhanzi na lukolo na ndonga,

Ugubulo 15:3

Nawali wokwimba lwimbo lwa Musa chitumagwa wa Nguluwi, na lwimbo lwa Mwanaing'holo, wolonga, “Mkulu Nguluwi Yawele na Ludali, madito ga hegwe ndo makulu na ga kububuwaza ng'hatu! Hegwe mndewa wa isi zeng'ha, nzila za hegwe zitanganika na za kukomya.

Ugubulo 17:15

Muhilisi nakandonjela, “Gala mazi ugawene hala hoyekale yula mng'hondwa, ndo ikugusi lya wanhu wa chila isi na nhanzi na lukolo na ndonga.

Ugubulo 4:11

“Mkulu na Nguluwi wa hetwe, ndo gwegwe baho wa kubochela, ukulu na lutogo na mong'ho, kwa vila hegwe ndo ulumbile vinhu vyeng'ha, na kota vyouganile hegwe navyalibaha, navyo navilumbigwa.”

Ugubulo 5:12

walonga kwa lizi ng'hulu, “Mwanaing'holo yakopoligwe, ndo heye yaliyeng'ha wa kubochela ludali na lufufu na luhala na mong'ho, na ukulu na lutogo na kuhulichizwa.”

Ugubulo 5:6

Hamba, nambona hala hagati ha chila chigoda cha undewa Mwanaing'holo nakema, yazungulutwe na wala wawele na ukomu wane, na wala wasekulu. Ayo Mwanaing'holo nakoneka kota yakopoligwe, yawele na mbalati saba na meho saba, ziwele ndo Muhe saba wa Nguluwi zilajizwe kuli isi yeng'ha.