Ugubulo 4:7 - Ilagano Linyale kwa Wanhu Weng'ha na Ilagano lya Katali kuli Chividunda

⁷ Chilumbigwe acho cha mwaluko nachali kota isimba, na chilumbigwe cha keli nachali kota isenga ibuguma na chilumbigwe acho cha kadatu, nachali nakumeho kota kumeho kwa munhu na chilumbigwe cha kane nachali kota ikungule lilinguguluka.

Ugubulo 4:7 Iomraidhean Croise

Mwaluko 49:9

Hegwe Yuda mwanangu ndo kota isimba, yebatile igongolo na kukwina kuchanya. Kota vila isimba lilingigolola na kuwasa hasi, isimba liwele na mong'ho, yalikohi yojeza kulililimla?

2 Samweli 1:23

“Sauli na Yonatani, nawaganigwa na nawanojeza, kuli ukomu na kuli kubagama hawebagule. Nawali wabewe kusinda ikungule, ena, nawali na mong'ho kusinda isimba.

Nhelo 28:2

Mhela isi hoiwa kuli kubelenhuka, yanguwa na vilongozi wenji, ila yawele na kuvizela na uwanzi, kangibatililaga kikala goya kuli isi.

Obadiya 1:4

Hanga namguluka kota ikungule, na kikala kuchanya ng'hatu, nani ndowadulisa. Heni Mkulu Nguluwi ndangulonga.

Hisabu 23:24

Ulole, kota isimba idala nawenuka, kota isimba ilume wangwima, Waisilaeli hawokwesela mbaka webate chila chowalinguwinga, na kunwa danda ya chila chowalinguwinga.”

Hisabu 24:9

Kowasa hasi kota isimba, yalihi yojeza kumlilimla? “Yoneche yokutambichiza, kotambichizwa, yoneche yokupanjila, kopanjilwa.”

1 Kolinto 14:20

Wang'holozangu, mleche kuwa kota wana kuli nyhala za hemwe, kwa wihe, muwe kota mwana chali, ila kwa kijesa muwe kota wanhu wakangale.

Kukumbuchila 28:49

“Mkulu Nguluwi kochigala isi imwe kulawila kutali iwavabe kota ikungule, wanhu hamlinguvizela chowolonga.

Ugubulo 4:6

Kumwando kwa chila chigoda cha undewa, nakwali na chinhu chiwhanile na bahali ya chilolelo, nachali chwee kota iganga lilingung'hala lukami. Na kuli banzi zeng'ha za chila chigoda, nakuzunguluta, nakwali na vilumbigwe vikomu vine, vilumbigwe avyo navyali vimemile meho kumwando na kumbele.

Ugubulo 6:3

Hamba Mwanaing'holo nakabena ihota lya keli, nandimhulika yula chilumbigwe wa keli yawele na ukomu yolonga, “Uyee!”

Ugubulo 6:5

Hamba Mwanaing'holo nakabena ihota lya kadatu, nandimhulika chilumbigwe yula wa kadatu yawele na ukomu yolonga, “Uyee!” Nandola na ulole, nakwali na falasi yumwe mtitu na heye yamkwinile nayali na mzani mmoko mwake.

Ugubulo 6:7

Hamba, Mwanaing'holo nakabena ihota lya kane. Na ndimuhulika yula chilumbigwe wa kane yawele na ukomu, yolonga, “Uyee!”