Ugubulo 4:10 - Ilagano Linyale kwa Wanhu Weng'ha na Ilagano lya Katali kuli Chividunda

¹⁰ Na wala wasekulu makumi meli na gane, wangigwisa hali yula yalingikala mwa chila chigoda cha undewa na kumfugamila heye yawele mkomu mazuwa gose. Nawo wanguwika vipembelo vya hewo hamwando ha chila chigoda cha undewa, wolonga,

Ugubulo 4:10 Iomraidhean Croise

Zabuli 115:1

Hatuwele hetwe, gwa Mkulu Nguluwi, hatuwele hetwe, ila hegwe uliyeka utogoligwe, kwa chiwalo cha igano lya kwimilila lya hegwe na kukundigwa kwa hegwe.

Zabuli 47:8

Nguluwi yalinguwalongoza wanhu wa isi zeng'ha, nakekala kuli chigoda cha heye cha undewa chelile.

Zabuli 72:11

Wandewa weng'ha wa isi wamfugamile, wanhu wa isi zeng'ha wamkolele mijito.

Zabuli 95:6

Muye tinamize na kumfugamila, tufugame hali Mkulu Nguluwi, yatulumbile hetwe.

Matei 2:11

Leka, wenjila mng'handa, nawamona yula mwana hamwe na Maliya mayake, wenamiza na wamfugamila. Hamba wachumula vinhu vyowegale vya kumigalila mwana, wampa ndolendole zahabu na ubani na mafuta galinguguzigwa kwa migwala minji galinguchemigwa manemane.

Lukasi 24:52

Na hewo wamfugamila wahiluka Yelusalemu, wawele wasangalale ng'hatu,

1 Kolinto 15:10

Ila, kwa utambichizo wa heye Nguluwi, ndiwa kota vyondili, na utambichizo wa heye kwa heni hauwele hela. Heni ng'hola mijito kusinda weng'ha, sali heni, ila ndo Isungu lya Nguluwi ulingudita mijito hamwe na heni.

Kukumbuchila 32:40

Ndangugolola moko ga heni kilanga, na kilaha kwa ukomu wa heni wa mazuwa gose,

Ugubulo 10:6

nakelaha kwa itagwa lya Nguluwi yalingikala mazuwa gose, heye yazilumbile kilanga na isi na bahali na vinhu vyeng'ha viwele mumo, nakalonga, “Mhela wa kubeteza umala.

Ugubulo 11:16

Hamba wala wasekulu makumi meli na gane, wawele ngikalisa kuli vigoda vya undewa, hala hoyawele Nguluwi na nawagwa chifunama, nawamtambichila Nguluwi.

Ugubulo 15:4

Mkulu yalikohi yohambe yakudumbe hegwe? Yalikohi yohambe yalitogole itagwa lya hegwe? Hegwe uliyeng'ha ndo welile. Wanhu wa isi zeng'ha wokuyila, na kukutambichila hegwe. Mina madito ga hegwe ganojile goneka.”

Ugubulo 15:7

Yumwe wa vila vilumbigwe wane wawele na ukomu nakawapa wala wahilisi wa kilanga saba, visaye saba vya zahabu, vimemile kuzudila kwa Nguluwi, yalingikala mazuwa gose.

Ugubulo 19:4

Na wala wasekulu makumi meli na wane, na vila vilumbigwe vikomu vine, navifunama, navimtambichila Nguluwi yekalise mchanya mwa chigoda cha undewa, wolonga, “Ena! Yatogoligwe Nguluwi!”

Ugubulo 4:2

Baho du namemezwa na Muhe wa Nguluwi, nambona chigoda cha undewa chiwichigwa kula kilanga, na yumwe yekalise mchigoda chila.

Ugubulo 4:4

Nakwali na vigoda makumi meli na gane, navizunguluta chila chigoda cha undewa na mchanya mwa vila vigoda nambona wasekulu makumi meli na gane, wekale, wavalile nguwo nzelu na vipembelo mmitwi nawali na vipembelo vya zahabu.

Ugubulo 4:9

Chila mhela vilumbigwe avyo vine hovimtogola na kulonga heye ndo mkulu na kuta malumbo ayo yekalise mchanya mwa chigoda cha undewa, na yalingikala mazuwa gose.

Ugubulo 5:14

Na wala wawele na ukomu wane nawalonga, “Ena!” Na wala wasekulu wagwa chifunama, nawatambichiza.

Ugubulo 5:8

Naloyachiholile chila chitabu, awo wawele na ukomu wane na wala wasekulu makumi meli na gane nawafunama hali Mwanaing'holo. Chila yumwe wa hewo yawele na igombogombo na chifunyizi cha zahabu chimemile ubani, jiwele ndo kulanda kwa wanhu wa Nguluwi.

Ugubulo 7:11

Na Wahilisi wa kilanga weng'ha wokwima nzingo zeng'ha za chila chigoda cha undewa na za awo wasekulu na wala wawele na ukomu wane, nawo nawagwa wafuname kumwando kwa chila chigoda cha undewa, wamtambichila Nguluwi,