Ugubulo 3:2 - Ilagano Linyale kwa Wanhu Weng'ha na Ilagano lya Katali kuli Chividunda

² Uwe munhu wa kikala meho, ukakangaze mbuli ziponile, zilingugana kubagama. Mina, sonile madito ga hegwe kota genela hali Nguluwi wa heni,

Ugubulo 3:2 Iomraidhean Croise

1 Wandewa 11:4

Mndewa Solomoni vyoyawele yolutilila kuwa sekulu, wache wa heye nawagalula nhumbula ya heye na kulutila kuli milungu, hawele wa kukundigwa kwa Mkulu Nguluwi, Nguluwi wa heye kota vyoiwele nhumbula ya Daudi, mhaza wa heye.

1 Wandewa 15:3

Abiyamu nakadita gehile kota gagala goyaditile mhaza wa heye. Hawele kota Daudi, yawele nayali na nhumbula ya kukundigwa hali Mkulu Nguluwi, Nguluwi wa heye.

Sekaliya 11:16

Kwa vila ndomigala kuli isi mdimi yohambe yalilolele goya ing'holo ama kulipala ing'holo lilingulubaluba ama kuliteleka mikwandi lilumile ne kulipa chilyo ing'holo likomu. Ila kolya miwunde ja ming'holo jinonile mbaka uzayo.

Matei 23:5

Hewo huditaga madito gawo leka wanhu wawone. Mlole ukulu wa vibende vilingulajila Malajizo mchihanga na mmoko na mlole kugonzoka kwa lupembo lwa utabuli wa mikoti jawo.

Matei 25:13

Hamba Yesu nakasinda kwa kulonga, “Lelo mikale meho, kwa vila hamzelele zuwa ne saa.

Matei 25:7

Aho wala wahinza weng'ha walilimka, waviwika goya vyenje vya hewo.

Madito 18:23

Nakekala ako mhela udo, hamba kalutilila na majendo kwa kukolela Galatiya na Fulugiya yowakangaza nhumbula walanguswa weng'ha.

Kukumbuchila 3:28

Ila umhe Yoshua malajizo, umkangaze nhumbula na kumwimiza, mina heye ndo yowalongoza wanhu awa mbaka kumwambu, kuihola isi youyona.’

1 Petili 4:7

Kuduma kwa vinhu vyeng'ha kwa habehi. Ahyo, mwanguganigwa muwe na luhala, na kilongoza leka muweze kulanda.

1 Petili 5:8

Milolele, mikale meho! Mng'honyo wa hemwe Limazoga lyangusanzalima kota isimba lilingubuma lipala munhu wa kumulya nengaga.

Ugubulo 16:15

“Mkulu kangulonga! Heni ndanguya kota mhizi! Kabweda yula yalingikala meho na kuvala nguwo za heye leka yaleche kuluta mwanzi aku na kula na kudeula hali wanhu.”

Ugubulo 2:4

Ila ndanayo mbuli imwe hela kwa hegwe, sambi baha hegwe hulingungana kahi kota aho mwaluko.

Ugubulo 3:1

“Kwa mhilisi wa kilanga wa chilundo cha wanhu walingumkunda Kilistu cha Salide wandiche ahi. “Awu ndo usenga ulingulawa kwa yula yawele na muhe saba wa Nguluwi na nhondwe saba, ndangulonga ahi, ndizizela mbuli za hegwe zeng'ha, kwanguvizela kota kwa mkomu, aku ubagame!

Ugubulo 3:3

lelo, ukumbuche vila navyoubochele na vila navyouhuliche, uhulichize ago na umgalamchile Nguluwi. Wone hauwasile meho, ndokuya kota mhizi hegwe ne kuvizela saa hondikuya.