Ugubulo 21:3 - Ilagano Linyale kwa Wanhu Weng'ha na Ilagano lya Katali kuli Chividunda

³ Kulawa baho nanyulika lizi likulu kulawa kuli chigoda cha undewa ilonga, “Gwela yoo! Hakaye ha Nguluwi ndo hamwe na wanhu. Kochikala hamwe na hewo, na hewo wowa wanhu wa heye, na heye kowa Nguluwi wa hewo.

Ugubulo 21:3 Iomraidhean Croise

1 Wandewa 8:27

“Ila, gwa Nguluwi, kwangukomya kochikala muisi? Ulole, ukulu uwele kilanga hauweza kuhega kwa hegwe. Yowa ndaze kuli ng'handa ayi izenjigwe?

Kulawa 25:8

Wanhu wanzenjele ihema lya Nguluwi leka ndiwe ndichikala hamwe na hewo.

Kulawa 29:45

Ndochikala hagati ha Waisilaeli, na heni ndowa Nguluwi wa hewo.

Sekaliya 13:9

Wanhu awo wawele nawalechigwa, ndowajeza na kuweliza, kota munhu yalinguhovuga sendi, ena, kota zahabu vyoilingwelizwa. Wondanda, nani ndowedichila. Ndolonga, ‘Awa ndo wanhu wa heni,’ nawo wolonga, ‘Mkulu Nguluwi, ndo Nguluwi wa hetwe.’ ”

Sekaliya 8:8

Ndowahilula leka wekale kuli muji wa Yelusalemu. Wowa wanhu wa heni, nani ndowa Nguluwi wa hewo. Ndowalongoza kwa kukundigwa na hachi.”

Hisabu 9:16

Ahyo ndo vyonaiwele chila zuwa, ng'hungugu naigubika ihema nemisi, na nechilo nayoneka kota chiluli.

Yohana 1:14

Na heye luzi kawa munhu na kikala kwa hetwe. Na hetwe tuwona ukulu wa heye, ukulu wa heye yawele Mwana yaliyeka wa Mhaza, kamema isungu na kukomya.

Yohana 14:23

Yesu nakamwidichila, “Munhu yula yongana heni, kokunda gondanguse. Mhaza wa heni komgana heye, na heni na Mhaza tokuya kikala hamwe na heye.

2 Kolinto 6:16

Ng'handa ya Nguluwi yangiwhana ndaze na jimalukolo ja udesi? Mina hetwe ndo Ng'handa ya Nguluwi yawele mkomu. Kota heye Nguluwi vyoyalonjile, “Ndochikala mgati mwa hewo, na kikala hali hewo, ndowa Nguluwi wa hewo, na hewo wowa wanhu wa heni.”

2 Kolinto 6:18

Heni ndowa Mhaza wa hemwe, na hemwe mowa wana wa heni, walume kwa wadala, kalonga Mkulu yawele na ludali.”

1 Watesalonike 3:11

Twangumlanda Nguluwi, Mhaza wa hetwe, na Mkulu wa hetwe Yesu, yatuchumulile nzila ya kuya ako kwa hemwe.

Waebulaniya 11:16

Ila sambi wangugana isi inojile ng'hatu, ndo iwele isi ya kilanga. Ndo mina Nguluwi halingulola aga howomchema heye Nguluwi wa hewo, kwa vila heye yuye mina kasinda kuwagomanyila muji.

Waebulaniya 8:10

Mkulu kangulonga, ali ndo ilagano lyondidita na wanhu wa Isilaeli, hogakwete mazuwa ago. Ndowika malajizo gangu mluhala lwao, nakwandika mnhumbula za hewo, heni ndowa Nguluwi wa hewo, na hewo wowa wanhu wa heni.

Waebulaniya 8:2

Heye nakakola mijito ya mtambika mkulu na Honhu Helile Ng'hatu, hawele hala mgati mwa lila ihema lya kukomya lizenjigwe na Mkulu, halizenjigwe na munhu.

Ugubulo 10:4

Ajo mibumo saba lojilavile lizi, nandali ndikale goya kwandika, ila nanyhulika lizi kulawila kilanga ilonga, “Ulonzi wa ajo mibumo saba uwiche uviso, uleche kwandika!”

Ugubulo 10:8

Hamba lizi yila yonyuliche kulawila kilanga aho mwaluko, nailonga na heni kahi, ilonga, “Ulute, ukachihole chila chitabu chigubuligwe kuli moko wa yula mhilisi wa kilanga yemile mchanya mwa bahali na mchanya mwa isi.”

Ugubulo 12:10

Nanyulika lizi likulu kilanga, ilonga, “Sambi Nguluwi kanguwalohola wanhu wa heye na Nguluwi mndewa wa hetwe kangulajila ludali lwake, na Kilistu Mlohozi wa heye kangulajila ludali lwa heye. Mina yula yalinguwasonjeleza wanhu wa hetwe nemisi na nechilo katozigwa hasi

Ugubulo 21:7

Heye yoneche yalingusumya aga, kobochela acho, nani ndowa Nguluwi wa heye na heye kowa mwanangu.

Ugubulo 22:3

Haduhuli munhu ne chinhu choneche chipanjilwe na Nguluwi chiwa kuli muji awo. Chigoda cha undewa cha Nguluwi na cha Mwanaing'holo chowa kuli muji awo, na vitumagwa wa heye womfugamila.

Ugubulo 7:15

Ahyo, wa kumwando kwa chigoda cha undewa cha Nguluwi, nawo wangumkolela Nguluwi mijito, nemisi na nechilo kuli ng'handa ya heye. Heye yalingikala kuli chigoda cha undewa kowamila.