Ugubulo 19:6 - Ilagano Linyale kwa Wanhu Weng'ha na Ilagano lya Katali kuli Chividunda

⁶ Nanyhulika lizi kota lizi ya ikugusi likulu lya wanhu na lizi lya mazi menji galingubogoma ng'hatu, ilonga, “Yatogoligwe Nguluwi! Mina Mkulu Nguluwi wa hetwe yawele na ludali kangulongoza!

Ugubulo 19:6 Iomraidhean Croise

Zabuli 47:2

Kwa vila Mkulu Nguluwi, Nguluwi Yawele Kuchanya, kangukabusa. Heye ndo Mndewa mkulu kuli isi zeng'ha.

Zabuli 47:7

Mumwimbile Nguluwi lwimbo lwa lutogo, kwa vila heye ndo mndewa wa isi zeng'ha.

Zabuli 77:18

Lizi lya kubuma kwa hegwe nalulawila kuli chivuluvumbi, lumwemwesa lwa hegwe nalulangazila isi zeng'ha, isi naikakama na kutigasika.

Zabuli 93:1

Mkulu Nguluwi kangulongoza, nakevika ukulu ng'hatu. Mkulu Nguluwi nakavala ukulu na mong'ho. Nakayimiza nzinzili isi yeng'ha, nayo haitigasika hebu.

Zabuli 97:1

Mkulu Nguluwi kangulongoza. Usangalale hegwe isi. Msangalale hemwe vihilwa vinji.

Zabuli 97:12

Msangalale kwa chiwalo cha Mkulu Nguluwi hemwe watanganiche, mlonje malumbo kwa chiwalo cha itagwa lya heye lyelile.

Zabuli 99:1

Mkulu Nguluwi kangulongoza, wanhu wa isi zeng'ha wangukakama. Nakekalisa hagati ha vilumbigwe viwele na mabawa, isi yangutigasika.

Matei 6:13

Uleche kutwinjiza kuli kujezigwa, Ila utulohole na yula mwihe.’ (Kwa vila undewa ndo wa hegwe, na ludali, na ukulu mbaka mazuwa gose. Ena.)

Ugubulo 1:15

magulu ga heye nagali ng'halang'hala kota shaba ihovujigwe kuli mfuo wa chiluli, na lizi lya heye lyali kota lizi lya kubogoma kwa mazi.

Ugubulo 1:8

“Heni nda mwaluko na kuduma kwa chila chinhu,” Kangulonga Mkulu Nguluwi Yawele na Ludali, nayawele baho yawele aha na yalinguya.

Ugubulo 12:10

Nanyulika lizi likulu kilanga, ilonga, “Sambi Nguluwi kanguwalohola wanhu wa heye na Nguluwi mndewa wa hetwe kangulajila ludali lwake, na Kilistu Mlohozi wa heye kangulajila ludali lwa heye. Mina yula yalinguwasonjeleza wanhu wa hetwe nemisi na nechilo katozigwa hasi

Ugubulo 14:2

Kahi nanyulika lizi kulawila kilanga, kota lizi ya kubogoma kwa mazi menji, na kota lizi lya limlungu lilingubalanuka. Ayo lizi yonyuliche, nayali kota lizi ya watowa ching'hweleng'hwele, walingutowa ving'hweleng'hwe vya hewo,

Ugubulo 19:1

Logakwete ago, nanyhulika lizi kota lizi ng'hulu ya ikugusi lya wanhu wenji kilanga wolonga, “Yatogoligwe Nguluwi! Ugombozi na ukulu na mong'ho vyeng'ha ndo vya heye Nguluwi wa hetwe!

Ugubulo 19:4

Na wala wasekulu makumi meli na wane, na vila vilumbigwe vikomu vine, navifunama, navimtambichila Nguluwi yekalise mchanya mwa chigoda cha undewa, wolonga, “Ena! Yatogoligwe Nguluwi!”

Ugubulo 21:22

Siwene Ng'handa ya Nguluwi kuli muji awo, mina Mkulu Nguluwi Yawele na Ludali na yula Mwanaing'holo ndo ng'handa ya Nguluwi ya muji awo.

Ugubulo 4:5

Kuli chila chigoda cha undewa, nakwali kulawa lumwemwesa na lizi lya limlungu. Na vimuli saba vya chiluli vyali vikwaka kumwando kwa chila chigoda cha undewa, vimuli avyo saba ndo muhe saba wa Nguluwi.

Ugubulo 6:1

Hamba nambona baho Mwanaing'holo loyabenile imwe ya jila mihota saba, nanyhulika yumwe wa wala vilumbigwe wawele na ukomu wane wolonga, kwa lizi ng'hulu kota ya limlungu, “Uyee!”

Ugubulo 8:5

Na ayo mhilisi wa kilanga nakahola chifunyizi chichila, nakachimemeza makala ga chiluli kulawa kuli honhu ha kulavila nhambiko, nakachitoza kuli isi, nakulawila na limlungu na lizi na kumwemwesa na limachinyina.