Ugubulo 19:2 - Ilagano Linyale kwa Wanhu Weng'ha na Ilagano lya Katali kuli Chividunda

² Mina utaguso wa heye ndo utanganika na wa kukomya. Kamtagusa yula mng'hondwa, mkulu nayawele yayajilize isi kwa ung'hondwa wa heye. Nakamgaza kwa chiwalo cha kuwakopola vitumagwa wa heye!”

Ugubulo 19:2 Iomraidhean Croise

2 Wandewa 9:7

Kwanguganigwa kuitowa ng'handa ya mkulu wa hegwe Ahabu, nani ndohilula chibida cha danda ya waloli wa heni na vitumagwa weng'ha wa Mkulu Nguluwi yoiboholigwe na Yesebeli.

Zabuli 19:9

Kumdumba Mkulu Nguluwi ndo welile, na wa kikala mazuwa gose. Nhaguso za Mkulu Nguluwi ugoloka, zeng'ha utanganika.

Kukumbuchila 32:35

Kuhilula chibida ndo kwa chiwalo cha heni, heni ndolipiza, mhela magulu ga hewo hogotelela, mina zuwa lya hewo lya kubagama lyuya, kuduma kwa hewo kwa habehi ng'hatu.

Kukumbuchila 32:4

“Mkulu Nguluwi ndo Italawe lya kwamila, mijito ja heye jenela, nzila za heye zeng'ha ndo za hachi. Heye ndo Nguluwi wa kitumbila yalihela nongwa, heye kangudita mbuli za kukomya na za hachi.

Kukumbuchila 32:43

“Hemwe isi msangalale na wanhu wa hemwe, mina heye nakahilulaga chibida kwa danda ya vitumagwa wa heye, kanguwaditila uhanyisi walingitwanza na heye na kuyeliza isi ya wanhu wa heye.”

Ugubulo 15:3

Nawali wokwimba lwimbo lwa Musa chitumagwa wa Nguluwi, na lwimbo lwa Mwanaing'holo, wolonga, “Mkulu Nguluwi Yawele na Ludali, madito ga hegwe ndo makulu na ga kububuwaza ng'hatu! Hegwe mndewa wa isi zeng'ha, nzila za hegwe zitanganika na za kukomya.

Ugubulo 18:20

“Usechelele hegwe kilanga, kwa chiwalo cha kuwifya kwa heye. Msechelele wanhu wa Nguluwi, vitumagwa na waloli! Mina Nguluwi kautagusa muji awo, kwa chiwalo cha mbuli yomuwaditile hemwe!”

Ugubulo 18:3

Kwa vila nhanzi zeng'ha nazigala divai ng'hali ya hegwe iwele na mong'ho ulinguwambuza kudita ung'hondwa, hewo wandewa wa isi wadita ung'hondwa hamwe na hegwe. Hewo nawaguza vinhu vya isi wana lufufu lwinji kulawila kubweda kwinji lukami kwa hegwe ne kuduma.”

Ugubulo 6:10

Nawalila kwa lizi likulu, wolonga, “Hegwe Mkulu uwele ngulongoza, uwele welile na wa kukomya, mbaka nili kowa ubeteza kuwatagusa wala weng'ha walingikala hali isi kwa chiwalo cha kukopoligwa kwa hetwe?”