Ugubulo 11:3 - Ilagano Linyale kwa Wanhu Weng'ha na Ilagano lya Katali kuli Chividunda

³ Nani ndowalajiza walolezi wa heni weli leka walavye usenga kulawa kwa Nguluwi kwa mhela wa mazuwa elufu moja miya mbili na makumi sita, wawele wavalile migunila.”

Ugubulo 11:3 Iomraidhean Croise

Mwaluko 37:34

Aho Yakobo nakadega nguwo zoyavalile kwa masinzo na kuvala igunila mchuno kwa kulajila masinzo. Nakamlilila mwanage kwa mhela wa mazuwa menji.

2 Samweli 3:31

Hamba nakamlonjela Yoabu na wala weng'ha wawele hamwe na heye kota wadadule mivalo ja hewo na wavale mivalo ja igunila na kuchilongola chinhanda chiwele na mtufi wa Abuneli na kulombocheza. Mhela wa kutila ako, mndewa Daudi nakajenda kumbele kwa chinhanda acho cha kuwichila mtufi.

1 Wandewa 21:27

Ila Ahabu loyahuliche mbuli ayo kulawa kwa Eliya nakadadula mivalo ja heye, nakavala ivalo lya igunila na kuleka kulya. Nayali yowasa na kigubika mivalo ja igunila na kujenda kwa kunyenyetela.

2 Wandewa 19:1

Mndewa Hesekiya loyahuliche mbuli azo, nakadadula mivalo ja heye na kuvala mivalo ja igunila kwa masinzo, nakenjila kuli ng'handa ya Mkulu Nguluwi.

Zabuli 69:11

Vyovalile ivalo lya igunila kulombocheza, hewo nawambeza.

Yoeli 1:13

Hemwe watambika, mvale migunila mlombocheze, mlile hemwe vitumagwa wa honhu ha kulavila nhambiko. Mwinjile kuli ng'handa ya Mkulu Nguluwi mlombocheze nechilo yeng'ha. Nhambiko za nyhule na za kunwa za haduhu kuli ng'handa ya Nguluwi.

Yona 3:5

Lelo wanhu wa Ninawi nawaukunda usenga wa Nguluwi, nawawikula kwesela kulya, wanhu weng'ha kwaluchila mkulu ng'hatu mbaka mdodo lukami. Nawavala mivalo ja migunila kota ulajilo wa kulombocheza kuleka gehile ga hewo.

Yona 3:8

Wanhu weng'ha na migongolo wavale mivalo ja migunila, chila munhu yamlande Nguluwi na kumdedeza kwa nhumbula. Chila munhu yaleche gehile ga heye na wihe wa heye.

Hisabu 11:26

Wasekulu weli hali wala makumi saba wahaguligwe, Elidadi na Medadi, nawali waponile kuli kambi, wayawo nalowalutile kuli ihema. Muhe nauwoyela mumo kuli ihema, nawaluka kulonga kota waloli honhu howawele.

Matei 11:21

“Mane gwegwe Kolasini! Mane gwegwe Betisaida! Mina, na iwe vinduzanduza vyo mlajilwe na vikoleche Tilo na Sidoni, wanhu weng'ha na wahawele wavalile migunila na kubakala mivu kumeho, kulajila kota wagaleka gehile na kumgalamchila Nguluwi.

Matei 18:16

Wone halingukuhulika, mhole munhu yumwe ama weli hamwe na hegwe, leka kwa udedezi wa walolezi weli ama wadatu, chila nongwa yoditikwa.

Lukasi 10:13

“Mane gwegwe, muji wa Kolasini! Kozakugaya! Hegwe muji wa Betisaida kozagaya! Kwa vila kota vinduzanduza vikoleke Tilo na Sidoni, wanhu wa hala wahavalile mivalo ja kulombocheza na kubakala mivu kulajila kota wamgalamchila Nguluwi.

Lukasi 24:48

Na hemwe mokwimilila mbuli azo, na azo ziganigwa mkazilavile ulolezi.

Yohana 15:27

Na hemwe namwe mondavila ulolezi, kwa vila mwali na heni kulawa mwaluko.”

Yohana 3:27

Yohani nakamlonjela, “Munhu howeza kuwa na chinhu wone hapeligwe kulawa kilanga.

Madito 1:8

Ila mhela Muhe Yelile loyowadulichilani, mobochela mong'ho na mowa walolezi wa heni kuli Yelusalemu na kuli mkowa wa Yudeya na Samaliya, mbaka kuduma kwa isi yeng'ha.”

Madito 13:31

Heye kwa mazuwa menji, nakawalawila wala welongoze hamwe kulawila Galilaya mbaka Yelusalemu. Awo ndo wawele sambi walolezi wa heye kuli wanhu wa Isilaeli.

Madito 2:32

“Lelo Nguluwi nakamzilipula ayu Yesu na hetwe tweng'ha twa walolezi wa mbuli ayi.

Madito 3:15

Lelo mumkopola yula nayaditile mwaluko wa ukomu. Ila Nguluwi nakamzilipula, na hetwe twa walolezi wa mbuli ayo.

1 Kolinto 12:28

Nguluwi kawika kuli chilundo cha wanhu walingumkunda Kilistu, kwaluka watumigwa, keli waloli, kadatu walangusa, hamba kawika wala wawele na ndolendole ya kudita vinduzanduza, konjenza mong'ho na kutanza, ludali lwa kulongoza na wawele ngulonga luzi lujenzi.

2 Kolinto 13:1

Ayi ndo mala ya heni ya kadatu kuya kwa hemwe. “Chila nongwa yotagusigwa kwa ulolezi wa wanhu weli ama wadatu,” Kota vyoyandichigwe.

Waefeso 4:11

Ndo yawapele wanhu ndolendole, nakawahagula wanhu wanji wawe watumigwa, wanji waloli, na wanji wadamla Mbuli Inojile na wanji wadimi na ulangusa.

Kukumbuchila 17:6

Ayo, kokopoligwa wone kuwele na ulolezi wa wanhu weli ama wadatu. Yaleche kukopoligwa wone kuwele na ulolezi wa munhu yumwe.

Kukumbuchila 19:15

“Ulolezi wa munhu yumwe hauweza hebu kumtagusa munhu kwa chiwalo cha nongwa yoneche yila. Ulolezi wa wanhu weli ama wadatu hela ndo wokundigwa kumtagusa munhu.

Ugubulo 1:5

na kulawila kwa Yesu Kilistu, mlolezi wa kukundigwa, wa mwaluko kuzilipuligwa kulawila kuli kubagama, na yawele chilongozi wa wandewa wa isi. Heye kangutugana, na kwa danda ya heye ibohoche mumsalaba, katudita twilejehe kulawila kuli gehile ga hetwe,

Ugubulo 11:2

Ila uleche luga luwele kunze kwa ng'handa ya Nguluwi uleche kupima vihengo vya kunze, mina awo wapegwa wanhu hawawele Wayahudi, wawele nguubiga mji welile kwa mhela wa myezi makumi gane na meli.

Ugubulo 11:6

Vitumagwa wa Nguluwi wana ludali lwa kudinya kilanga, nhonya ileche kutowa mhela wowolavya uloli. Kahi wana ludali lwa kugagalamla mazi gawe danda, na kuitowa isi na chila mbuli za kudumya kwa chila mhela howogana wawo.

Ugubulo 12:6

Yula mdala nakabilimila kuchiwala, koyawele na honhu hoyawichigwe na Nguluwi, leka wamhe chilyo ako, kwa mhela wa mazuwa elufu imwe na miya mbili na makumi sita.

Ugubulo 13:5

Alila igongolo nalikundigwa kulonga ulonzi wa kidaya na wa kumliga Nguluwi. Nakapegwa ludali lwa kudita mijito ja heye, myezi makumi gane na meli.

Ugubulo 19:10

Lelo heni nanyigwa hali magulu ga heye, nangana ndimfugamile. Ila heye kandonjela, “Leka! Heni nda chitumagwa hela kota hegwe na wang'holozo, tweng'ha twangumdamla Yesu. Ila mtambichile Nguluwi! Mina kukomya kugubuligwe na Yesu ndo ulinguwalangazila waloli.”

Ugubulo 20:4

Hamba, nambona vigoda vya undewa na wanhu wekalise mchanya, wanhu awo nawapegwa ludali lwa kutagusa. Nambona kahi muhe wa wala wakopoligwe kwa chiwalo cha kukunda kukomya wa Yesu na kweneza ulonzi wa Nguluwi. Awo nahawalifugamile alyo igongolo, ama limalukolo lyake, ne kuwichigwa ndonya mvihanga vya hewo ama mmoko mwa hewo. Nawapegwa kahi ukomu nawalongoza kahi hamwe na Kilistu kwa mihela elufu imwe.