Ugubulo 1:7 - Ilagano Linyale kwa Wanhu Weng'ha na Ilagano lya Katali kuli Chividunda

⁷ Mwela yoo! Kanguya na ng'hungugu! Chila munhu komona, na wala wamhomile. Nhanzi zeng'ha muisi zolombocheza kwa chiwalo cha heye. Ahi ndo vyoiwa, Ena.

Ugubulo 1:7 Iomraidhean Croise

Zabuli 22:16

Chilundo cha wehile nachinzunguluta, nawanzunguluta kota chilundo cha mibwa, kota isimba, nawandadula kuli moko na magulu ga heni.

Zabuli 68:1

Nguluwi kangwinuka na wang'honyo wa heye wangusambaluka, walingumzudila wangubilima kutali na heye.

Zabuli 97:2

Ng'hungugu na jiza totolo vyangumzunguluta, kutanganika na hachi ndo msisi wa chigoda cha heye cha undewa.

Nahumu 1:3

Mkulu Nguluwi hambe yazudile hima, ila nakamema mong'ho, Mkulu Nguluwi mazuwa gose hambe yaleche kuwagaza wawele na nongwa. Nzila yalingukola Mkulu Nguluwi, changulawilaga chivuluvumbi chikulu, ng'hungugu ndo chivuluvumbi chilingwenezwa na nzayo za heye.

Sekaliya 12:10

Walelwa wa Daudi na wenyeng'haye wa muji wa Yelusalemu ndowamemeza nhumbula ya isungu na ya kulanda, nawo womlola yula wamtubule. Womlombochezela ng'hatu kota munhu vyoyalingumlombochezela mwana wa heye wa udewele ama kota munhu vyoyalingumlombochezela mlelwa wa heye wa mwaluko.

Sekaliya 12:11

Kuli zuwa alyo kowa na kulombocheza kukulu kuli muji wa Yelusalemu kota kulombocheza kwa chiwalo cha Hadadi-limoni kuli ibalalika lya Megido.

Hisabu 24:17

“Ndangumona, ila haiwele sambi, ndangumlola, ila ka kutali. Nhondwe yolawila kwa walelwa wa Yakobo, kolawila mndewa hali Waisilaeli. Kwa ng'hweku ya heye kowasubula vilongozi wa Wamoabu, kowadumya walelwa weng'ha wa Seti.

Matei 16:27

Mana, Mwana wa Munhu kokuya kuli ukulu wa Mhaza wa heye hamwe na wahilisi wa kilanga wa heye, na ahyo ndo chila munhu kopegwa kota vyoyaditile.

Matei 16:28

Ndanguwalonjelani ndikomya, wowa wanji bahano hawobagama wang'hali kumona Mwana wa Munhu yokuya kuli undewa wa heye.”

Matei 24:30

Hamba, ulajilo wa Mwana wa Munhu wokoneka kilanga, na aho nhanzi zeng'ha muisi zodama, womona Mwana wa Munhu yokuya ha ng'hungugu ya kilanga yawele na ludali na ukulu lwinji.

Matei 25:31

“Mhela Mwana wa munhu yawele Mndewa loyokuya kuli ukulu wa heye na wahilisi wa kilanga weng'ha hamwe na heye, aho kochikala mchanya mwa chigoda cha heye cha undewa chiukulu.

Matei 26:64

Yesu nakamlonjela, “Ena, hegwe kwangulonga! Ila ndanguwalonjelani, kulawa sambi momona Mwana wa Munhu yekale kudilo kwa yula Mkulu yawele na ludali yokuya kuchanya kuli ng'hungugu kilanga.”

Malichi 13:26

Aho wanhu womona Mwana wa Munhu yokuya kuli ng'hungugu kwa ludali lwinji na ukulu.

Malichi 14:62

Yesu nakedichila, “Ena, nda heni. Kahi, momona Mwana wa Munhu yekale kudilo kwa Nguluwi Yawele na Mong'ho, yalinguya kuli ng'hungugu kulawa kilanga.”

Lukasi 21:27

Hamba womona Mwana wa Munhu yokuya kuli ng'hungugu. Yali na ludali na ukulu lwinji.

Yohana 19:34

Yumwe mwa awala wamizi kamhoma igoha mlubavu lwa Yesu, baho du vilawa danda na malenga.

Yohana 19:37

Kahi Maandiko Matakatifu gangulonga, “Womlola yula yowamtubule.”

1 Watesalonike 1:10

Na kahi wangutulonjela, mwangumbeteza Mwanage kulawa kilanga, heye Yesu, yawele yazilipuligwe na Nguluwi na yawele yatulohole kuli kuzudila kwa Nguluwi kulinguya.

1 Watesalonike 4:17

Hamba hetwe tuwele wakomu, tuponile, mhela awo tokungajizwa hamwe na hewo kuli ng'hungugu kumting'aniza Mkulu kulanga. Ahyo towa hamwe ng'hatu na Mkulu.

Waebulaniya 10:29

Ndaze, munhu yula yalingumbeza Mwana wa Nguluwi na kuibeza danda ya ilagano lya Nguluwi imditile yawe yahovujigwe, munhu yalingumliga Muhe wa Nguluwi yalingutigalila isungu lya heye, kopegwa utaguso ukulu ulindaze?

Waebulaniya 6:6

hamba wamgalamchile Nguluwi kahi, yowa nongwa kwa vila hewo kota wangumuwamba kahi mumsalaba Mwana wa Nguluwi lwa keli na kumbasa soni hazelu.

1 Yohana 3:2

Wang'holozangu wondiwaganile, hetwe twa wana wa Nguluwi sambi, ila ing'hali hainakoneka goya ndaze vyotuwa. Ila tuvizela kota mhela Kilistu hoyokuya kahi, tochiwhana na heye kwa vila tomona vila vyoyali.

Yuda 1:14

Na heye Henoki, yawele lulelo lwa saba kulawila Adamu, nakalagula ahi kwa wanhu awo, “Mwela yoo! Mkulu kokuya hamwe na wahilisi wa kilanga wa heye welile wenji wohambe wawazigwe,

Ugubulo 22:20

Yesu yalingulavya kukomya kwa heye kuli mbuli ayi kangulonga, “Ndangukomya ndanguya himahima.” Heni Yohana ndangulonga, ena uye Mkulu Yesu!

Ugubulo 22:4

Wochiwona meho kwa meho na heye, na itagwa lya heye lyokwandikwa mli vihanga vya hewo.

Watagusa 5:31

“Wabagame wang'honyo wa hegwe weng'ha, gwa Mkulu Nguluwi. Ila wala walingukugana wawe kota isanya hala holilawa kwa mong'ho wake.” Isi nayali na kikala goya kwa miyaka makumi gane.