San Mateo 10:1 - Manityanati Tupax

¹ Batasuruti Jesús ɨmo axɨmanuma doce nesaxti apóstoles, toxio uiti ɨriakaboma nauki akaɨbuma machoboreka naukityo bakurarama ɨmoma axɨbama takisɨrɨma oboi noxokoka kɨtɨpɨma.

Manitanati Tuparrü

¹ Arrti Jesús batasuruti ümo bama doce ñanunecasarrti. Torrio uiti üriacaboma, nauqui puerurrü acüpuma ümo machoboreca auqui macrirrtianuca, y nauqui puerurrüma ito acurama aruqui nanaiñantai norrococa.

San Mateo 10:1 Iomraidhean Croise

San Mateo 19:28

Aiñumuti Jesús nuraxɨma: –Ñemanauntu sukanañɨ aume axtɨ iñatai ñana axɨmanu nanenes auche nanaiña mukampiabo ityobo pikiataka, auche axti Aɨtoxti ñoñɨnx tɨmonsoti au nityɨmoxti, axaño axɨbama amonkaño isiuñɨ autɨmokaityo au doce tɨmoka nauki amasarai ɨmoma axɨbama doce aɨtoxti Israel.

San Mateo 26:20

Naukiche tɨtobikia, axti Jesús tɨmonsoti nauki a'ati aɨbuma axɨmanuma doce nesaxti apóstoles.

San Mateo 26:47

Anankatiki manityanati Jesús, naukiche axti Judas, tamanti axɨpekukimia axɨmanuma doce nesaxti apóstoles, iñataiti aɨbuma sɨrɨmanama isiuti yupu kɨseka yupuityo soeka mekuma. Yakɨpukuxɨma ɨriatu axɨbama sacerdotes, axɨmanumaintyo mayɨriabuka auki tube.

San Mateo 4:23

Sɨrotitɨ Jesús au nanaiña Galilea, manunekanati ubau sinagoga kauta iñataiti. Urapoiti axɨba omixhia manityakax ɨmo nɨriakax au napes bakurarati ɨmo axɨbama maunxokonoma takanaintyo nanaiña axɨba oboxo kɨtɨpɨma.

San Mateo 6:13

Tapɨ chebo obi suichapene au makokotox, aityaesɨmunusu somɨ eanaki nomɨnantɨ.’

San Mateo 9:35

Axti Jesús ikonɨtiyɨ auki axɨmanio tube, manunekanati ubau sinagoga axɨna kauta iñataiti. Urapoiti axɨba omixhia manityakax ɨmo nɨriakax au napes, uxiankama tato uiti axɨbama abe noxokoka kɨtɨpɨma.

San Mateo 9:38

Sane naukiche, apankisio pɨnanakiti naki yakiyoche tari akɨputi axɨbama uiche aiñaɨbuma.

San Lucas 10:19

Toxio sobi aume axɨna nipiaka nauki apikɨmonio noixhoboka yochepe nupataka, nauki amekatɨ pɨrɨkɨ nikusɨuxti naki chuxiampɨ uiti aume, tapɨ anentyo kausane aume.

San Lucas 21:15

ityopiki taruku ñana ñapanaunku nabura champɨti naki chuxiampɨ uiti aume aiñumuti kɨmenu nabura.

San Lucas 24:49

Axɨñɨ xhakɨpukaiki aume axɨna toxiobo uiti Iyaɨ aume, axaño abasikiatai, auna Jerusalén, chepe axtɨ apasutiu nɨriakax auki napes.

San Lucas 6:13

Naukiche tɨtaneneka, batasuruti ɨmo axɨmanuma nesaxti apóstoles, bapacheroti docema axɨpekukimia, iñatati ɨriboma axɨbama apóstoles.

San Juan 17:2

Toxio obi isɨriakaboñɨ ɨmoma namanaiña axɨbama aboma iku axɨna kɨx, nisɨriakaityo nauki axɨbama toxioma obi iñemo ane isɨborikiboma axɨna champɨ nityakɨrux.

San Juan 3:27

Nanti Kuan ɨmoma: –Champɨti ane ɨmoti axtɨ chɨtoxiopɨ uiti Tupax ɨmoti.

San Juan 3:35

Axti Yaɨtoti taruku nikuasɨrɨkɨxti Aɨtoxti ɨmoti, toxio uiti ɨriakaboti ñome nanaiña.

San Juan 6:70

Nanti Jesús ɨmoma: –Axaño axɨbama doce nabubiki, sobi yapacherioraño. Tapɨ abaxɨpeku anati tamanti chobores.

Hechos 1:8

Tapɨ axɨñɨ ixhanka atusi nuxia aume ta kuatati ñana Espíritu Santo aukɨtɨpɨ, uiti apasutiu ñana noñemaxti Tupax nauki apanuneka sɨtɨpɨñɨ au Jerusalén, au Judea, au Samaria, au nanaiña axɨba poka iku kɨx.

Hechos 19:15

Axti maniki chobores aiñumuti nuraxɨma, nanti: “Axɨñɨ isuputakati Jesús, tusiu iñemo ñakuti Pablo. Tapɨ axaño, ¿isane nabɨriaka?”

Apocalipsis 12:1

Auki tusiu au napes axɨmanu tarukapae nityabaikixh: taman paɨx kiñoeno ui sux takana ui naibixh, aɨbu panx ñokiana nipopes ane nityarusɨx doce nostoñeka itya.