San Lucas 3:3 - Manityanati Tupax

³ yebotitɨ Kuan au nanaiña axɨmanio poka abe isiu nusɨrux Jordán, uraboiti isukarɨ namanaiña nauki ayematɨ tato esati Tupax tari ɨriomaintyo, nauki aixhimiakati tato Tupax nomɨnantɨ uimia.

Manitanati Tuparrü

³ Así que sürotitü au nanaiña cüca abeu manu sapoco Jordán. Uraboiti isucarü genterrü nurarrti Tuparrü; nanti sane: —Apiñorroncosaño, nauqui puerurrü abüri sobi. Sane caüma arrti Bae Tuparrü irrimiacatati tato nomünantü aboi.

San Lucas 3:3 Iomraidhean Croise

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

San Lucas 1:16

Uiti sɨrɨmanama ñana auki kɨx Israel kuamatɨ tato esati Yɨriabux naki Tupax ɨmoma.

San Lucas 1:77

nauki atusi ɨmoma axɨbama aɨtoxti ta moximiakana uiti Tupax nomɨnantɨ uimia taesɨburumaintyo eanaki nomɨnantɨ.

San Lucas 4:1

Anati Espíritu Santo kɨtɨpɨti Jesús, naukiche kuatati tato auki axɨmanu nusɨrux Jordán, ui noñemaxti Espíritu Santo sɨrotitɨ kauta champɨ sɨborikixh.

San Juan 1:28

Nanaiña axɨna sane uxiante au axɨmanu kɨx nɨrixh Betania, tyopɨ axɨmanu nusɨrux Jordán, kauta anankati Kuan maunimianati.

San Juan 3:26

yebomatɨ uraboimia sukarɨti Kuan: –Maestro, axti maniki ñoñɨnx anankati achepekɨ tyopɨ Jordán, maniki kɨtɨpɨche anityaka aukutanu, anati maunimianati namanaiña sɨromatɨ isiuti.

Hechos 13:24

Kɨmenu niyekixhti Jesús, axti Kuan Bautixhta urapoiti nuraxti Tupax sukarɨ namanaiña axɨbama auki Israel, nanti ɨmoma nauki ɨrimia nauki sane ayematɨ tato esati Tupax.

Hechos 19:4

Auki nanti Pablo ɨmoma: –Axti Kuan Bautixhta maunimianati ɨmo axɨbama kuamatɨ tato esati Tupax, auki ñaunimiakaxti nanti nauki aikokoromati naki kuatatiki pɨrɨkɨti, axti maniki ta, tyonenti Jesús.

Hechos 22:16

Tapɨ kaɨma, isane naxɨperatio. Atɨsai, nauki ɨrikia sane sɨrɨbu akɨtɨpɨkikɨ nomɨnantɨ, urasoi nuraxti Tupax.’