San Juan 5:26 - Manityanati Tupax

²⁶ Sane takanati Iyaɨ ane nisɨborikixhti uitiatoe, saneityo isamutenti nauki axti Aɨtoxti anentyo nisɨborikixhti uitiatoe,

Manitanati Tuparrü

²⁶ Arrti Iyaü ane nüriacarrti nauqui acheti osüboriquibo. Sane ito torrio iñemo isüriacaboñü uiti, nauqui sobi süboricoma macrirrtianuca.

San Juan 5:26 Iomraidhean Croise

San Juan 1:4

Uiti ananka nanaiña sɨborikixh, axɨna sɨborikixh tyone basarux ɨmo namanaiña.

San Juan 10:18

Champɨti naki ikiaɨbutati nisɨboriki, axɨñɨ ityoximiata ui niñoñemantoe. Ane nisɨriaka nauki ityoximia nisɨboriki, anentyo nisɨriaka nauki yasuriu tatityo, tyone axɨna yakɨpukuxti Iyaɨ nauki isamune.

San Juan 11:25

Auki nanti Jesús ɨmo: –Axɨñɨ tyonenti naki bachebo sɨborikixh, sobityo sɨborikoma tato axɨbama tɨkoiñoma. Axti naki ikokorotiñɨ, axtɨ koiñoti sɨborikoti tato.

San Juan 11:26

Axɨbama sɨborikomainki axtɨ ikokoromañɨ, chikoiñopɨma ñana. ¿Aikokota axɨna sane?

San Juan 14:19

Tɨsaimia ñana nanenes auche axɨbama ikuki axɨna kɨx chasarapɨmañɨ, tapɨ axaño amasakañɨ. Tyopiki axtɨ isonka axɨñɨ isɨborikia tato, sobi ñana ausɨborikiaityo tato.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 4:10

Aiñumuti Jesús nurax: –Axtɨ asuputakaipɨ axɨna ñakumanataxti Tupax, ñakutityo naki mankioti tux apɨnanakikɨ, axɨpɨkɨ ankikia pɨnanakiti, toxiopɨ kaɨma aemo uiti axɨna tux sɨboriko.

San Juan 6:57

Sanentityo Iyaɨ, naki uiche aikɨpuruñɨ, ane nisɨborikixhti, axɨñɨ isɨborikia uiti. Sanentityo naki basoti nisɨtɨpɨ, sɨborikoti auki niyaka.

San Juan 8:51

Ñemanauntu axti naki ikokotati nixhanunekaka, sɨborikoti ɨmo nanaiña naskɨbeka ichepeti Tupax.

Hechos 17:25

champɨ nɨmoche uiti yachɨkoimia mañoñɨnka tyakuti, tyonenti naki uiche osɨborikia, uiti axɨna makiɨtɨx nanaiñaintyo axɨba pikiataka abe.

1 Corintios 15:45

Sane nantɨ iku Nikorox: “Axti ñoñɨnx naki kusɨrɨboti tɨkañe, axti Adán, ane nausɨpɨxti axɨna sɨboriko.”

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.

1 Timoteo 6:16

Kunauntañati naki champɨ nityakɨru nisɨborikixhti, po'osoti kauta axɨna tarukapae nanentakax kautaityo champɨti naki iyebo uiti asaraiti. ¡Taikiana ɨmoti tarukapae manaunkux axɨnaintyo nɨriakaxti! Amén.

Hebreos 1:2

Tapɨ kaɨma au axɨba tyakɨrux naskɨbeka, axti Aɨtoxti tyonenti naki manityanati oemo au nɨrixhti Yaɨtoti, naki tyopikiche aisamunenti axɨna kɨx naki ɨmoche ñana aityoximiati nanaiña.

Apocalipsis 21:6

Auki nantityo iñemo: “Chauki tuxiante nanaiña. Axɨñɨ tyonenti naki kusɨrɨboti takanaintyo nityakɨrux. Axti naki tosɨoti, ichamakati tux auki axɨmanu nantaityux sɨboriko, champɨ isane ityoboche.

Apocalipsis 22:1

Auki axti maniki ángel ityusiankatati sukarɨñɨ taman nusɨrux kauta ane tux axɨna uiche ane sɨborikixh champɨ nityakɨrux. Axɨmanu nusɨrux osɨro esaki axɨmanu nityɨmoxti Tupax nityɨmointyo Nobixhax. Kicheseña nuxia.

Apocalipsis 22:17

Axti Espíritu Santo chepe nikɨpostoti Nobixhax namatɨ: “¡Ariaku tauna!” Axti naki onkoiti, tari nanti: “¡Ariaku tauna!” Axti naki tosɨoti, axtɨ xhanxti, tari yebatitɨ achati aruki axɨna tux bachebo sɨborikixh champɨ isane ityoboche.

Apocalipsis 7:17

Tyopiki axɨmanu Nobixhax, ane kɨmuintya nityɨmoxti Yɨriabux, tyone ñana asaratɨ tyakuma sɨrotɨ ñana aɨbuma esa nantaityux kauta ane tux axɨna uiche asɨborimia, uiti Tupax ñana aisɨbuti nisukɨxɨma.”