Filemón 1:14 - Manityanati Tupax

¹⁴ Axɨñɨ chixhankapɨ isamune axɨna chisiupɨ nakionko, nauki axɨna aisamute iñemo tapɨ aisamute ui nixhakɨpuku aisamuse auki noñemantoe.

Manitanati Tuparrü

¹⁴ Pero chüpuerurrüpü nauqui asioti auna yesañü, mientras chüsurapoipü asucarücü. Chirrancapito nauqui buenurrücü ui nirracüpucuatai, sino irranca aisamune obiatao.

Filemón 1:14 Iomraidhean Croise

1 Corintios 9:17

Sane naukiche, axtɨ isamutempɨ auki niñoñemantoe, anempɨ tyopikiche ane toxiobo ñana iñemo ityobo. Tapɨ axtɨ isamute ui bakɨpukux, ta tyopiki isamute ui yakɨpukuxti Tupax.

1 Corintios 9:7

¿Ensapɨ anati sortabox sɨrotitɨ aserebiti aɨbu nimonixhtiatoe? ¿Ñakutipɨ naki ñoñɨnx mankɨturuti au niyoxti axtɨ tiyebo chɨbasotipɨ? ¿Ñakutipɨ ñoñɨnx naki asaratitɨ yutaku nobixhaka, chichabotipɨ nipiaɨx axtɨ mataichomenoti?

2 Corintios 1:24

Chɨsoboipɨ axɨna napakokonaunku. Axɨna suixhantɨmo aupu ta nauki ane aupukɨnunkubu, tyopiki tɨtusiu nuxia aume axɨna apikokota.

2 Corintios 8:12

Tyopiki axtɨ anati naki ñemanauntu xhanxti akumanati, yasutiuti Tupax ñakumanataxti isiu axɨna ane uiti. Axti Tupax chɨmankiotipɨ axɨna champɨ osoi.

2 Corintios 9:5

Sane naukiche tyopiki axɨna sane axɨñɨ yastai uxia kusɨrɨbo ikɨpuruma axɨbama usarukityaiki aɨromatɨ asarama año, nauki axɨma auchepe apakiama axɨmanio makumanataka ensɨmunu aboi. Sane axɨmanio napakumanata oboi atusi ta taruku naupukɨru tyaku makiataka, chapityoximiatapɨ ui supakɨpuku aume.

2 Corintios 9:7

Taikianati taman tari ñakumananati takana axɨna ñakionkoxti auki nausasɨxti, tapɨ apakumanaka axtɨ yakɨpukuxti kiatax aɨbu namokɨtɨnau, tyopiki axti Tupax kuasɨrɨti ɨmoti axti naki makumananati aɨbu nipukɨnunkuxti.