Apocalipsis 4:2 - Manityanati Tupax

² Isiukai sɨro sɨtɨpɨñɨ noñemaxti Espíritu Santo, yastai taman nityɨmoxti Yɨriabux au napes, anati maniki tɨmonsoti iku axɨmanu tɨmox.

Manitanati Tuparrü

² Au manu rratorrü campiabo naca niyasata uiti Espíritu Santo. Yasacatü caüma ümo taman tronorrü ane au napese, y ümotito maniqui tümonso ahu, abu arrti Bae Tuparrü.

Apocalipsis 4:2 Iomraidhean Croise

San Mateo 22:43

Auki nanti Jesús ɨmoma: –¿Kausane axti David, ui noñemaxti Espíritu, nɨrixhti uiti Yɨriabux? Tyopiki sane nanti David:

Hebreos 8:1

Axɨpekuki nanaiña axɨna suburapoi ta anati yɨriabux sacerdote oemo naki anati au napes, tɨmonsoti au nepanaunku nityɨmoxti Tupax.

Apocalipsis 1:10

Akamanu au axɨmanu tɨkañe nanenes ɨmoti Tupax, kiatax nisɨboriki (ane sɨtɨpɨñɨ noñemaxti Espíritu Santo). Auki ñonkoi chakuñɨ tato taman tosibixh tarukapae nikusɨux, takana nipuku buxixh.

Apocalipsis 12:5

Axɨmanu paɨx ane meku nipiaɨmakax ñaɨmanti, axti naki yɨriabuxti ñana ɨmo nanaiña kɨx aɨbu nibiaxtonxti yerux. Axti maniki simia kaɨburuti pɨnanaki nipiakɨtoti sɨromatɨ aɨbuti esati Tupax esaityo axɨmanu nityɨmoxti.

Apocalipsis 17:3

Auki au axɨmanuinki yastai uiti Espíritu, axti maniki ángel ikianatiñɨ kauta axɨmanu champɨti po'oso. Akamanu yastai taman paɨx, ane tɨmonso chaku taman yarusɨrɨx numukianx kɨturiki. Abe bokorobo kɨtɨpɨ axɨba chomixhampɨ nuburax ɨmoti Tupax abe siete nityanux diez nityapakɨx.

Apocalipsis 19:4

Auki axɨmanuma veinticuatro mayɨriabuka chepe axɨmanuma cuatro sɨborikoma manaunuma ɨmoti Tupax maniki anati tɨmonsoti au nityɨmoxti. Auki namatɨ: “¡Amén! ¡Tari namanaiña anauma ɨmoti Tupax!”

Apocalipsis 20:11

Auki yastai taman yarusɨrɨx nityɨmoxti Yɨriabux purusubi, axtityo maniki tɨmonsoti iku. Sukarɨti kaɨma omensoro kɨx chepe napes, chanantopɨ anati astaiti tato.

Apocalipsis 21:10

Auki axɨmanu yastai uiti Espíritu Santo, axti maniki ángel ikianatiñɨ esa axɨmanu sɨrɨmanax yirityux petaisɨrɨ, ityusiankatati sukarɨñɨ axɨmanu yarusɨrɨx kauta sɨrɨmana poka champɨ nomɨnantɨ kɨtɨpɨ Jerusalén, kuatɨ akɨ auki napes esakiti Tupax.

Apocalipsis 21:5

Auki axti maniki tɨmonsoti au nityɨmoxti Yɨriabux nanti: “Nanaiña aɨbo tato sobi.” Auki nantityo: “Aikonomo, tyopiki ñemanaunkuxatoe axɨna manityakax ñomeantai amonkatɨ.”

Apocalipsis 3:21

Axɨbama chɨtapenekopɨma aboma ñana chepeñɨ kauta niyaka aɨbu nisɨriaka, sane takana axɨñɨ chichapenekapɨ auki ichɨmoka chepeti Iyaɨ kauta nityɨmo nɨriakaxti.

Apocalipsis 4:10

Axɨmanuma veinticuatro mayɨriabuka bachesoiyoma esati manaunuma ɨmoti, auki yarɨtaɨbutama nityarusɨxɨma esa axɨmanu nityɨmoxti, namatɨ:

Apocalipsis 4:5

Auki axɨmanu nityɨmoxti Yɨriabux chaiyatai masɨnaka, tosibikia mapaesoka. Esa axɨmanu nityɨmoxti Yɨriabux omomo siete basaruka, tyoneio axɨmanio siete nausɨpɨxti Tupax

Apocalipsis 4:9

Axtɨ machampienkanama masonioma axɨmanuma cuatro ɨmoti maniki tɨmonsoti au nityɨmoxti, naki sɨborikoti ñome nanaiña naskɨbeka.

Apocalipsis 5:1

Au nepanaunku ne'esti axti maniki tɨmonsoti au nityɨmoxti yasakatɨ ɨmo taman kichonimiakax korobo iku tyɨrɨpo aukipoityo ananka kiñoeno, abe siete nityomoentox.

Apocalipsis 5:13

Ñonkoityo ta nanaiña axɨba omixhante uiti Tupax au napes, iku kɨx, kiana kɨx, takanaintyo au narubaityu tux, munantɨ: “¡Ɨmoti naki tɨmonsoti iku nityɨmoxti ɨmointyo axɨmanu Nobixhax, nanaiña masonikixh, manaunkux, nanentakax chepe nɨriakax ñome nanaiña naskɨbeka!”

Apocalipsis 6:16

Namanaiña namatɨ ñome yirityuka, ñome kanka: “¡Autaɨbɨ somonɨ apiñanekasa somɨ pɨnanaki nastaxti maniki tɨmonsoti au nityɨmoxti, pɨnanakityo nityɨbori axɨmanu Nobixhax!