Apocalipsis 20:3 - Manityanati Tupax

³ Yarutaɨbutati au axɨmanu yarusɨrɨx kɨtubixh tomikianene, akamanu amanapo uiti, tomoeno uiti tyurux tapɨ sɨrotɨ atachemaka ɨmo mañoñɨnka iku kɨx chepe axtɨ tomenotɨ axɨmanio mil naskɨbeka, axtɨ tomenotɨ ñana emekana ñome mantukubatai naneneka.

Manitanati Tuparrü

³ Iyaruraüburutiti au manu nusutu cürrü. Iñamatati tato aübuti. Iñatati sellorrü icu nitururrü, tapü matachemacanatiqui ümo macrirrtianuca auqui nacioneca, cheperrtü bupasao manio mil añoca. Yopürücü manio mil añoca tiene que asoquisüti tato ñome ba mantucubatai naneneca.

Apocalipsis 20:3 Iomraidhean Croise

San Mateo 24:24

Tyopiki kuamatɨ axɨbama chɨtɨpɨ Mesías axɨbamaintyo chɨtɨpɨ axɨbama profetas. Isamutema ñana ausukarɨ axɨba champɨ tamastai, oboiche autapeneka, saneityo ɨmo axɨbama samamekanama uiti Tupax.

San Mateo 27:66

Auki, sɨromatɨ, tabuxiu nuxia uimia axɨmanu nikɨxti ui taman sɨrɨmanax kanx. Onkonoma uimia akamanu masortaboka nauki asaramatɨ tyaku.

San Marcos 4:15

Aboma axɨbama takana axɨmanio niyoma omenobo kɨtu bupakio isiu kutubiux: onkoimia axɨba omixhia manityakax, axtɨ tonkoimia kuatati Chobores aikiaɨbuti axɨba omixhia manityakax omeno au nausasɨxɨma.

San Lucas 8:31

axɨma kaɨma ñankitioma pɨnanakiti Jesús tapɨ bakɨpuruti ɨmoma au axɨmanu kauta taruku tomikianene.

2 Corintios 11:3

Axɨñɨ ixhuka, tapɨ takana Eva tapeneko tɨkañe ui ñatachemakaka noixhobox, saneityo axaño tapɨ autapeneka nauki napapanaunku tapɨ sɨro pese aboi pɨnanakiti Cristo.

2 Pedro 3:8

Saneityo masarukityaiki, tapɨ takɨrusu napakionko ɨmoti Tupax taman sapes tyone takana mil naskɨbeka, mil naskɨbeka takana taman sapes ɨmoti.

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 13:14

Oboi axɨmanio chebo ɨmo aisamunio axɨba champɨ tu bastai sukarɨ axɨmanu kusɨrɨbo numukianx, tapenekoma uixh axɨbama po'osoma iku axɨna kɨx, auki bakɨpuru ɨmoma nauki asamuma taman nausɨpɨtux axɨmanu numukianx sɨborikoiki axɨmanu obɨrio ɨmo ui kɨses.

Apocalipsis 17:2

Axɨmanuma mayɨriabuka ikuki kɨx iyoberabaramakɨ ichepe nauki anauma ɨmo axɨmanuma matupaka nisamuku mañoñɨnka, saneityo isamutema makiataka ikuki nanaiña kɨx orisɨbaboma ui axɨmanu chuxiampɨ niñachamatax.”

Apocalipsis 17:8

Axɨmanu yarusɨrɨx numukianx astai tyone axɨmanu sɨboriko tɨkañe, ta kaɨma tɨkoiño. Ta ñana, kuatɨ auki axɨmanu kɨtubixh tomikianene nauki ako ɨmo nanaiña naskɨbeka. Tapɨ axɨbama mañoñɨnka ikuki axɨna kɨx axɨbama champɨ nɨrixhimia iku axɨmanu kichonimiakax ɨmo sɨborikixh aukiapae tɨkañe naukiche chuxiantenkipɨ axɨna kɨx, kɨtobɨsoma ñana axtɨ astaimia axɨmanu yarusɨrɨx numukianx sɨboriko tɨkañe tapɨ kaɨma tɨkoiño, ta kuatato ñana.

Apocalipsis 20:1

Auki yasakatɨ kɨmenuti maniki taman ángel kuati auki napes ane uiti axɨmanu uiche aurɨbo axɨmanu yarusɨrɨx kɨtubixh tomikianene anentyo mekuti taman yarusɨrɨx karenax.