1 Juan 3:21 - Manityanati Tupax

²¹ Masarukityaiki, axtɨ nuyausasɨ champɨ urapoboibo okɨtɨpɨ, sane oñonkatɨ ta axti Tupax champɨityo urapoboiboti oemo.

Manitanati Tuparrü

²¹ Tapü arrtü choñonquisiopü nuipünate, puerurrü oñoncatü nurria ümoti.

1 Juan 3:21 Iomraidhean Croise

Romanos 14:22

Axɨmanu nakokonaunku, aisamuse auki nausasɨ, sukarɨti Tupax. ¡Taikiana chiyaupɨ nipukɨnunkuxti naki isamutenti aukitiatoe axɨna uxia!

1 Corintios 4:4

Au nixhakionko champɨ nomɨnantɨ sobi, chuixhipɨ ñemanauntu uxia nisɨboriki. Axti Yɨriabux auki napes tyonenti naki uiche asaraiti.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

Efesios 3:12

Aɨbuti Cristo, chebo oemo uɨrotɨ esati Tupax tyopiki oñonkatɨ ɨmo axɨna numakokonaunku ɨmoti.

1 Timoteo 2:8

Sane naukiche ixhanka nauki au nanaiña mañoñɨnka tapɨ uratokiomantai ɨmomantoe, tapɨ tɨborikomantai, ityobo axɨna sane tari uxia nisɨborikixhimia taikianaintyo eama.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Hebreos 4:16

Sane naukiche axtɨ ane nuxiantɨmo, kuri esati Tupax naki taruku ñakumananaunkuxti, nauki apukɨruti utaku, axtɨ ane nuxiantɨmo ui nipukɨruxti aityoximiati oemo axɨmanu nuxiantɨmo.

1 Juan 2:28

Sane kaɨma masaɨtaiki, abasikia chepeti Cristo, sane axtɨ kuatati tato oñonkatɨ ɨmoti tapɨ ane uiche okɨso ñɨnanati.

1 Juan 2:7

Masarukityaiki, axɨna bakɨpukux xhakonomoka aume chɨtɨpɨ aɨbo: tyone axɨmanu tɨkañe apasutiu aukiapae maɨbo. Axɨna bakɨpukux nanankax tyone axɨna tɨtusiu aume.

1 Juan 3:2

Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.

1 Juan 3:20

Sane axtɨ nuyausasɨ ane urapoboibo okɨtɨpɨ, axti Tupax taruku niyarusɨrɨkɨxti pɨnanaki nuyausasɨ, nanaiñaintyo tusiu ɨmoti.

1 Juan 4:17

Axtɨ ñemanauntu kuasɨrɨma oemo axɨbama usarukityaiki, axtɨ osɨborikiaityo takana nisɨborikixhti Cristo tɨkañe iku axɨna kɨx, champɨ ñɨnanache uixhu axtɨ tɨkuatati tato Jesús ñana asaraiti ɨmo namanaiña.

1 Juan 5:14

Oñonkatɨ ɨmoti Tupax, tyopiki tusiu oemo axtɨ mankikia pɨnanakiti axɨna uxia ɨmoti, toxio uiti oemo.