1 Juan 1:3 - Manityanati Tupax

³ Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

Manitanati Tuparrü

³ Sane nauquiche suburapoi ausucarü arrüna sumarrtai y somoncoi, sane nauqui arraño ito abaca suichepe y ichepetito Tuparrü, naqui Uyaü, y ichepeti Jesucristo, naqui Aütorrti.

1 Juan 1:3 Iomraidhean Croise

San Juan 17:11

“Axɨñɨ chiyasikiapɨ iku axɨna kɨx, axɨma sɨsioma iku axɨna kɨx tapɨ axɨñɨ yɨkatɨ tanu tato atupekukɨ. Iyaɨ, asasatɨ tyakuma ui nɨriaka takana axɨmanu toxio obi iñemo nauki sɨsioma chepe nakaxɨma, takana axɨkɨ saɨbuñɨ.

San Juan 17:21

Xhankikia apɨnanakikɨ Iyaɨ, tari namanaiña sɨsioma ichepemantoe. Takana axɨkɨ Iyaɨ saɨbuñɨ, axɨñɨntyo aɨbukɨ, axɨmaintyo sɨsioma ochepe, nauki namanaiña axɨbama ikuki axɨna kɨx aikokoma ta obi aikɨpuruñɨ.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 19:35

Axti naki urapoiti axɨna sane tyonenti naki astaiti, ñemanauntu axɨna urapoiti. Tusiu ɨmoti ta ñemanauntu axɨna nuraxti, nauki axaño apikokoityo.

Hechos 13:32

Axɨsomɨ kaɨma suburapoi ausukarɨ axɨba omixhia manityakax, axɨna urapoiti Tupax tɨkañe sukarɨma axɨbama uyaɨtaiki.

Hechos 13:41

‘Amasasatɨ, axaño axɨbama champɨti uxia aume, aukɨtobɨɨ tapɨ abasikia auna. Tyopiki au axɨmanio naneneka aume ñana isamukio ausukarɨ axɨba chapikokokiompɨ, axtɨ anati naki uiche uraboiti ausukarɨ.’ ”

Hechos 2:42

Namanaiña iñatama isiuki ñanunekakaxɨma axɨbama apóstoles, iñatamaintyo nenaxixhimia ɨmo namanaiña, chepe nakaxɨma axtɨ basoma, axtɨ meabomaintyo.

Hechos 20:27

ityopiki xhanunekaka aume nanaiña axɨna nixhantɨmoti Tupax, champɨ axɨna chisurapoipɨ.

Hechos 4:20

Axɨsomɨ champɨ ityopikiche someteikei aɨbu axɨna sumastai axɨnaintyo somonkoi.

Romanos 15:27

Isamutema sane auki noñemaxɨmantoe, tyopiki ñemanauntu axɨma tyone yachɨkoboiboma aisamunema, tyopiki sane takana axɨbama judíos ikokoromati Tupax chepesɨro uimia nenaxixhimia auki napes aɨbuma axɨbama chɨtɨpɨ judíos, anentyo uimia aɨbu nenaxixhimia ikuki axɨna kɨx aɨbuma axɨbama judíos ikokoromati Tupax.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 1:9

Axti Tupax taikiana omixhankio uiti axɨba ensɨmunu uiti oemo, tyonenti naki uiche aityasuruti año nauki chepe nabaka aɨbuti Aɨtoxti Jesucristo, axti naki Yɨriabux oemo.

1 Corintios 15:1

Masarukityaiki, ixhanka apakionaño ñome axɨmanio omixhia manityakax axɨna iñununekakaño. Tyoneio axɨmanio omixhia manityakax apasutiu, axɨna uiche aruku aume.

Efesios 3:6

Axɨmanu nixhantɨmoti Tupax aisamunenti tyone axɨna: Aɨbuti Jesucristo, namanaiña mañoñɨnka ikuki kɨx nauki asuriuma, chepeti Cristo Jesús, axɨmanu toxiobo ɨmoma axɨmanu ɨriotɨ uiti Tupax ɨmoma axɨbama auki Israel.

Filipenses 1:7

Uxia axɨna nixhakionko sane abapa namanaiña axaño, tyopiki taruku naukuasɨrɨkɨ iñemo, tyopiki axaño abaka chepeñɨ ɨmo niyachɨkoi ui ñakumananaunkuxti Tupax axɨna toxio uiti iñemo. Kauta anankañɨ amanañɨmpo sukarɨmaintyo axɨbama mayɨriabuka, axaño amonkatɨ nantax iñemo nauki sukanañɨ axɨna ñemanauntu oboi axɨba omixhia manityakax.

Filipenses 2:1

Axɨñɨ tusiu iñemo toxio uiti Cristo aume noñemaxti nauki aruku ɨmo makiataka aboi. Axɨna napakumananaunku uixh pukɨnuñama makiataka, tusiu iñemo ta namanaiña anati Espíritu Santo aukɨtɨpɨ tarukuityo naupukɨru tyaku makiataka.

Filipenses 3:10

Axɨna nixhantɨmo kaɨma ta nauki isuputarati Cristo, nauki ñonkisio sɨtɨpɨñɨ nɨriaka nisɨborikixhti tato nauki ichakisɨrɨtyo takana nityakisɨrɨkɨxti. Nauki saneityo nisonko ñana takana nikonkoxti,

Colosenses 1:13

Axti Tupax ityaesɨmununuti oñɨ eanaki tomikianene, uɨkatɨ uiti au napes esati Aɨtoxti naki taruku nikuasɨrɨkɨxti ɨmoti,

1 Tesalonicenses 1:10

axɨma tusiu ɨmoma ta axaño apaxɨperaka kɨmenuti Jesucristo axtɨ tɨkuatati tato auki napes. Uiti Tupax sɨborikoti tato nauki tapɨ oseka ui nityakisɨrɨkɨxɨma axɨbama ane nomɨnantɨ uimia au axɨmanu tyakɨrux nanenes ñana.

1 Timoteo 6:2

Axtɨ aboma axɨbama baserebioma ɨmoti naki ikokoroti Jesús, tapɨ champɨ ñanaunkuxɨma ɨmoma tyopiki ta yarukityoxɨma au ñakokonaunkuxɨma. Tari aserebimia nuxia ɨmoma tyopiki axɨbama ɨmoche aserebimia, ta yarukityoxɨma axɨbama taruku nikuasɨrɨkɨxɨma ɨmoma.

Hebreos 2:12

nantɨ sane iku Nikorox: “Xhanityaka ñana akɨtɨpɨkɨ sukarɨma axɨbama isarukityaiki, ñasonikiaityo ñana aemo axɨpekuma axɨbama ikokoromakɨ.”

Hebreos 3:1

Sane naukiche, masarukityaiki, axɨbama samamekana año, batasukux aume uiti Tupax nauki aɨtoxti año, apiñanaunsuti nuxia Cristo Jesús naki yakɨpusuxti Tupax naki Yɨriabuxti ɨmoma axɨbama sacerdotes, naki tyopikiche uikokokati Tupax.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

1 Pedro 5:1

Ixhanka xhanuneka ɨmo mayɨriabuka axɨbama ikokoromati Jesús, axɨbama aboma abaxɨpeku, axɨñɨntyo yɨriabuxɨñɨ takana axɨma, sukarɨñɨ tɨkañe axɨmanu nityakisɨrɨkɨxti Cristo. Axtɨ tɨkuatati tato ñana Cristo axtɨ tɨtusiankana uiti ñana axɨmanu champɨ takanache nɨriakaxti iyeboityo ñana sobi axɨmanu nɨriakaxti. Axɨna nixhanunekaka tyone axɨna sane.

2 Pedro 1:16

Axɨmanu supanunekaka aume kɨtɨpɨ nɨriakaxti Yɨriabux Jesucristo axɨmanuintyo niyekixhti tato, chɨsupapachekataipɨ suburapoboibo, tyopiki axɨsomɨ sumastai niyarusɨrɨkɨ nɨriakaxti naki Yɨriabux oemo.

1 Juan 1:1

Supakonomoka aume kɨtɨpɨ axɨmanu aukiapae ñemonkox anankatai, axɨna somonkoi sumastai sopiñentaityo. Tyone axɨmanu manityakax ɨmo sɨborikixh.

1 Juan 1:5

Tyone axɨba omixhia manityakax ñanunekasaxti Jesucristo suiñemo sane naukiche suburapoi ausukarɨ: axti Tupax basarux nakaxti kɨtɨpɨti champɨ tomikianene.

1 Juan 1:7

Tapɨ axtɨ nosɨboriki ane au nanentax, takanati Tupax anati au nanentax, auki kaɨma usaka chepeti, axɨmanu notoxti Jesús naki Aɨtoxti uixh sɨrɨbu nomɨnantɨ okɨtɨpɨki.