Waebulaniya 4:3 - Biblia Ching'hwele

³ Cheye wochihuwila chizakwingila muna imhumhulo yoyachilaganile Mulungu. Fana viyalongile, “Niilaha kwa ludoko, nilonga, ‘Hawezakwingila ng'o hana ihanhu hangu ha kuhumula.’ ” Kalonga ivo ingawa sang'hano yake ikala ikomelezeka kulawa viyalumbile isi yose.

Lagano da Sambi kwa Wanhu Wose

³ Cheye wochihuwila chizakwingila muna imhumhulo yoyachilaganile Mulungu. Fana viyalongile, “Niilaha kwa ludoko, nilonga, ‘Hawezakwingila ng'o hana ihanhu hangu ha kuhumula.’ ” Kalonga ivo ingawa sang'hano yake ikala ikomelezeka kulawa viyalumbile isi yose.

Waebulaniya 4:3 Iomraidhean Croise

Mwanduso 1:31

Mulungu kalola chila chinhu chiyatendile, kawona kweli vinoga ng'hani. Iwa imitondo iwa ichigulogulo, siku yesita.

Kulawa 20:11

Mana kwa siku sita, niye Mndewa Mulungu nilumba ulanga na isi yose na bahali na vinhu vose vili umo, maabaho siku yesaba nihumula. Ivo niye Mndewa Mulungu niitemela mate siku yesaba na niitenda yele.

Masayo 13:35

Katenda ivo muladi mbuli yoilongigwe na mulotezi wa Mulungu itimiye, “Nizalonga nawo kwa masimwe, nizawalongela mbuli hazimanyike kulawa kulumbigwa kwa isi yose.”

Masayo 25:34

Maabaho Mfalume kezawalongela waja weli ubanzi wake wa kulume, ‘Izoni mweye womutemiligwe mate na Tati yangu, hokeleni ufalume unifunganyiligwe kwandusila isi viilumbigwe.

Waefeso 1:4

Ing'hali isi hainalumbigwa, Mulungu kachisagula chiwe wake muna ukuilumba na Chilisito, muladi chiwe welile na bila ubananzi haulongozi hake. Kwa ichimu cha ulondo wake,

Waebulaniya 3:11

Niilaha kwa ludoko nilonga, ‘Hawezakwingila ng'o hana ihanhu hangu ha kuhumula.’ ”

Waebulaniya 3:14

Kwaviya cheye cha hamwe mgati mwa Chilisito ihawa chokwamha kwa ugangamalo mbaka kuhelelo chiya chochihuwila chichili nacho kulawa mwanduso.

Waebulaniya 9:26

Kwaviya one iwile ivo, Chilisito yahalondeke kugazigwa miyanza mingi kusongela kuumbigwa kwa isi yose. Mbali sambi chipindi chino vochikwenhukile uhelelo wake, yeye kalawilila mwanza umwe kusegeza uhasanyi kwa kuilava nhosa yeye mwenyewo.

1 Petili 1:20

Kakala yasaguligwe na Mulungu ing'hali isi yose kulumbigwa, mbali kagubuligwa muna zisiku zino za uhelelo kwa ichimu chenu.