Lugubulo 5:6 - Biblia Ching'hwele

⁶ Maabaho niwona Mwanang'hondolo kema haja hagati ya chigoda cha chifalume, kazungulukiligwa na viumbe weli na ugima wane na walala. Kawoneka fana kachinjigwa. Kakala na mahembe saba na meso saba, niiyo Mihe saba ya Mulungu yoitumigwe muna isi yose.

Lagano da Sambi kwa Wanhu Wose

⁶ Maabaho niwona Mwanang'hondolo kema haja hagati ya chigoda cha chifalume, kazungulukiligwa na viumbe weli na ugima wane na walala. Kawoneka fana kachinjigwa. Kakala na mahembe saba na meso saba, niiyo Mihe saba ya Mulungu yoitumigwe muna isi yose.

Lugubulo 5:6 Iomraidhean Croise

Peta 7:39

na dang'ang'a lume na bebelu da ng'hondolo na mwanang'hondolo mulume wa mwaka umwe, kwa ichimu cha nhambiko ya kutimbula,

Peta 7:57

na dang'ang'a lume na bebelu da ng'hondolo na mwanang'hondolo mulume imwe wa mwaka umwe, kwa ichimu cha nhambiko ya kutimbula,

Luka 1:69

Kaching'ha cheye Mulopozi yeli na ludabwa, mzukulu wa Daudi msang'hani wake.

Yohana 1:29

Siku isondelele Yohana kamuwona Yesu komwizila, kalonga, “Loleni! Mwanang'hondolo wa Mulungu yoyosegeza uhasanyi wa isi!

Yohana 1:36

Viyamuwone Yesu kofosa, kalonga, “Loleni! Mwanang'hondolo wa Mulungu!”

Sang'hano 8:32

Hanhu ha Yamaandiko Yelile yoyakalile yosoma hakala hano, “Fana ng'hondolo yogaligwa kuchinjigwa, fana mwanang'hondolo viyonyamala viyokanhigwa mazoya, nayo halongile mbuli bule.

Lugubulo 1:4

Niye Yohana noyandikila mabumbila ya wahuwila wa Chilisito saba yeli muna isi ya Asiya. Nowalondeleni unovu na tindiwalo kulawa kumwake Mulungu yeli uko na yakalile uko na yokwiza na kulawa kwa mihe saba weli haulongozi wa chigoda cha chifalume chake,

Lugubulo 12:11

Ndugu zetu wamuhuma kwa ludabwa lwa damu ya Mwanang'hondolo na kwa usindila uwaulavile, kwaviya hawaugesile bule ugima wawo hata kudanganika.

Lugubulo 13:8

Wanhu wose wowokala muna isi wezaditumbalila mavindi muladi waditambikile ding'onyo ijo, waja mazina yayo hayandikigwe muna ichitabu cha ugima cha Mwanang'hondolo yachinjigwe ing'hali kulumbigwa isi yose.

Lugubulo 14:1

Maabaho nilola, kukala na Mwanang'hondolo yemile muna Ulugongo lwa Sayuni kakala na wanhu laki imwe na alufu malongo mane, wene zina jake na zina da Tati yake jandikigwa muna ivihanga vawo.

Lugubulo 17:14

Wano wezatenda ng'hondo na Mwanang'hondolo, mbali Mwanang'hondolo hamwe na wanhu waja woyawatangile na kuwasagula waja weli waminika, kezawahuma, kwaviya yeye ni Mndewa wa wandewa na Mfalume wa wafalume.”

Lugubulo 21:22

Siwonile Kaye ya Mulungu muna dibululu ijo, kwaviya Mndewa Mulungu Yeli na Udaho na Mwanang'hondolo waumo hanhu hake.

Lugubulo 21:23

Bululu ijo hadilonda zuwa hebu mwezi kumwemwesela, kwaviya utunhizo wa Mulungu womwemwesa na chitasa chake ni Mwanang'hondolo.

Lugubulo 22:1

Maabaho msenga wa kuulanga kanilagusila lwanda lwa mazi ya ugima yeli langalanga fana chilole yokuluma kulawa kuna ichigoda cha chifalume cha Mulungu na Mwanang'hondolo.

Lugubulo 22:3

Hakwizakuwa chinhu chochose kaidi chonda chiduwiligwe na Mulungu. Chigoda cha chifalume cha Mulungu na cha Mwanang'hondolo chizakuwa muna dibululu ijo, na wasang'hani wake wezamtambikila.

Lugubulo 4:8

Chila imwe wa viumbe wano wane weli na ugima kakala na mabawa sita, wakala wenela meso lukuli lose. Walonga misi na chilo bila kuhumula, Mndewa Mulungu yeli na udahi, ni Yelile, Yelile, Yelile, yakalile uko, yeli baha na yokwiza.

Lugubulo 5:11

Vinikalile nolola, nihulika madizi ya wasenga wa kuulanga mvunyo. Wema wachizunguluka chigoda cha chifalume, na viumbe weli na ugima wane na walala,

Lugubulo 5:12

na walonga kwa kulandula dizi, “Mwanang'hondolo yachinjigwe kolondeka, kuhokela ludabwa na kuwa na vinhu vingi na ubala na udahi, hishima na ukulu na nhogolwa.”

Lugubulo 5:13

Iviya nihulika viumbe vili na ugima viya vose vili kuulanga na muna isi na hanhu howokala wanhu wadanganike na muna ibahali. Ona! Vinhu vose vili muna isi yose vomwimbila, “Ukulu na hishima na nhogolwa, na ludabwa viwe, kumwake yeye yokala muna ichigoda cha chifalume na kwa Mwanang'hondolo siku zose.”

Lugubulo 5:14

Viumbe weli na ugima waja wane wedika, “Ivo.” Na waja walala watumbala mavindi na kutambika.

Lugubulo 6:16

Wawo wailongela migongo na miluwe, “Chipolomokeleni na muchifise muladi sekechiwoneke haulongozi ha meso ya ija yokala muna ichigoda cha chifalume na kutali na ludoko lwa Mwanang'hondolo.