Tutelonomi 9:9 - Chahta Holisso Holitopa 1886

⁹ Tʋli patʋssa tuklo nan itim apesa tʋli patʋssa tuklo Chihowah yʋt chitim apesa tuk fehna ka̱ ishe la chi̱ hosh, nʋnih ha̱ oiya li mʋt; yohmi cha, nʋnih ha̱ nitak pokoli ushta, micha ninak pokoli ushta ho̱ anta li tok; pʋska ya̱ ak po, micha oka ya̱ ak ishko tok.

Tutelonomi 9:9 Iomraidhean Croise

1 Mi̱ko 19:8

Mihma wakayʋt impa cha ishko mʋt, il impa yʋmma ishit hlampko cha ia mʋt, nitak pokoli ushta micha ninak pokoli ushta ho̱ a̱yʋt, Holeb Chitokaka i̱ nʋnih ha̱ ona tok.

2 Mi̱ko 6:22

Mihma, Ish fahama he keyu: chi̱ bʋshpo falaia, micha chim iti tanampo isht ish yukachi tuk okak osh ish fahama hinla cho? Pʋska, micha oka aiena ka itikba in talali na impʋt ik ishko cha, i̱ shahli ha̱ ik im oná, achi tok.

Eksotʋs 24:12

Mihma Chihowah yʋt Moses a̱, Nʋnih ha̱ oiyʋt is sʋm ʋlashke, micha yʋmmak o̱ ish antashke, mikma nanʋlhpisa, micha anumpa ʋlhpisa holissochi li tuk ʋt tʋli patʋssa chima lashke; yʋmohmi ka̱ ish im abʋchashke, im achi tok.

Eksotʋs 24:15

Mihmʋt Moses ʋt nʋnih ha̱ oiya tok, mihma hoshonti ʋt nʋnih ha̱ ompoholmo tok.

Eksotʋs 24:18

Mihma Moses ʋt iʋt hoshonti iklʋnna ka̱ ibachukowʋt nʋnih ha̱ oiya tok; micha Moses ʋt nʋnih ha̱ ahanta na, nitak pokoli ushta micha ninak pokoli ushta tok.

Eksotʋs 31:18

Atuk osh Moses a̱ Sinai nʋnih paknaka ai im anumpuli tuk ʋt ont tahli mʋt, nan ʋlhpisa patʋssa tuklo tʋli patʋssa Chitokaka ibbak ushi yosh ai o̱ holissochi yo̱ ima tok.

Eksotʋs 32:1

Mihma Moses ʋt nʋnih ha̱ akowa kʋt ahchibali na, okla hʋt pisa mʋt, okla hash osh Alon a̱ im itʋnaha cha, Wakaya cha, pi tikba ia chi̱ ka̱ naholbʋt toba ya̱ pim ikbashke, Echip yakni a̱ pehlichit pi kohchi tok hatak Moses ilʋppak okʋno, nana kaniohmi tuk a̱ kil ithano hokʋt, im achi tok.

Eksotʋs 34:28

Micha yʋmma nitak pokoli ushta, micha ninak pokoli ushta ho̱ Chihowah takla ahanta tok, pʋska ya̱ ikpo, micha oka ya̱ ik ishko tok; micha nan ʋlhpisa anumpa nan ʋlhpisa pokoli yash tʋli patʋssa ya̱ ai o̱ holissochi tok,

Mahlu 4:2

Atuk o̱ yʋmmak ash osh ik impo hosh nitak pokoli ushta cha ninak pokoli ushta aiena ho̱ anta tuk osh, misha pila mʋno hohchʋfo tok.

Kaleshan 4:24

Yʋmmʋt nan isht ʋlhpisa yoke: ilʋppʋt nan it im ʋlhpisa tuklo yoka; achʋfa kʋt nʋnih chaha Sainai a tobʋt yuka ikbichi, yʋmmʋt Akah yak oke.

Tutelonomi 8:3

Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.

Tutelonomi 9:11

Atuk o̱ yakohmi tok, nitak pokoli ushta, micha ninak pokoli ushta kʋt ont taha ma, Chihowah yʋt tʋli patʋssa tuklo, nan itim apesa tʋli patʋssa fehna kash ʋma tok.

Tutelonomi 9:15

Yohmi ho̱ fullota li mʋt, nʋnih ha̱ akowa li tok; mihma nʋnih hʋt luak ishit lu̱hu̱wa tok; mihma nana itim apesa tʋli patʋssa tuklo kʋt sʋbbak tuklo ka̱ a̱lhto tok.

Tutelonomi 9:18

Micha ʋmmona tuk a̱ chohmit Chihowah itikba ya̱ nitak pokoli ushta micha ninak pokoli ushta ho̱ aka itoyula li tok: hʋchi yoshoba momá ishit a hʋchi yoshobʋt Chihowah itikba ya̱ hʋchi haksi fehnʋshke; im ai i̱ nukkilli ya̱ hʋsh nokowʋchi ha tuk oka, pʋska ya̱ ak po, micha oka ya̱ ak ishko tok.

Heblu 9:4

Yʋmmak oka anu̱kaka ya̱ na balama aluachi tʋli holisso lakna isht toba, micha nan it im ʋlhpisa yash im itombi yokʋt tʋli holisso lakna yosh isht ompoholmot apakfoyupa, yʋmmak o̱ tʋli holisso lakna nan ai ʋlhto manna yosh ʋlhto, micha Alon in tʋbi yʋt bikobli tok, micha tʋli patʋssa tuklo nan it im ʋlhpisa yʋt ai o̱ holihi̱so tok aiena kʋt foyuka hosh taloha tok: