Tutelonomi 9:7 - Chahta Holisso Holitopa 1886

⁷ Yakni haiaka ya̱ chin Chitokaka Chihowah im ai i̱ nukkilli ya̱ ish nokowʋchi tok ʋt, ish ithaiyana cha, ik chim a hakso kashke; Echip yakni ya̱ kohchʋt ish minti tok, nitak yʋmma ʋttʋt mihintit ilʋppa hʋshla tuk ant ʋhli ka̱ Chihowah ya̱ i̱sanalit hʋsh i̱ fila̱hʋmmi tuk oke.

Tutelonomi 9:7 Iomraidhean Croise

Eksotʋs 14:10

Atuk osh Falaoh ʋt bili̱ka mi̱hinti ma, Islael im ʋlla ʋhleha hʋt akachakali ma, yakeh, Echip okla hʋt iakaiyʋt minti tok, mihma nukshopa fehna tok, mihmʋt Islael im ʋlla ʋhleha hʋt chitolit Chihowah ya̱ im pa̱ya tok.

Eksotʋs 14:11

Mihmʋt Moses a̱ Echip a̱ ahollohpi iksho kak o̱ yakni haiaka a pilla chi̱ ka̱ ilʋppa pisht ish la tuk oh cho? Nantihmi ho̱ ish pi yʋmihchit, Echip yakni ya̱ ish pi kohchi tuk oh cho?

Eksotʋs 16:2

Mihma Islael im ʋlla ʋhleha okla moma kʋt yakni haiaka ya̱ Moses, micha Alon a̱ i̱ sanalit nanumachi tok.

Eksotʋs 17:2

Yʋmohmi ho̱ okla hʋt Moses a̱ na mihachit, oka ish pima na, il ishkashke, achi tok, mihma Moses ʋt, Nantihmi ho̱ na hʋs sa mihachi cho? Nantihmi ho̱ Chihowah ya̱ imomaka hʋsh pisa cho? im achi tok.

Eksotʋs 23:21

Ahah ish im ahni cha, im anumpa im antiʋt, chik nukowacho kashke, na hʋchi̱ yoshuba ya̱ chi̱ kashofa he keyu; sa hohchifo kʋt iba foyuka hoka.

Numbas 11:4

Mihma okla laua itaiyokoma takla asha tuk ʋt pushkʋnot wakaya tok; micha Islael im ʋlla ʋhleha hʋt anonti yaiya mʋt, kʋta hosh nipi ya̱ pipeta chi̱ cho?

Numbas 14:22

Hatak yʋmma puta moma kʋt ʋm isht aholitopa, micha nana afehna puta Echip a̱ micha yakni haiaka ya̱ a yʋmihchi ka̱ pihi̱sa tuk osh ilʋppʋt ont ishit pokoli mak o̱, sasht imomaka pisa cha ʋm anumpa ha̱ ik haklo tuk okʋto,

Numbas 17:10

Mihma Chihowah yʋt Moses a̱ I̱ filʋmmit i̱ sanali ʋhleha isht atokowa yosh itoyula chi̱ ho̱ Alon in tʋbi ya̱ anonti isht ish la cha nan isht atokowa itikba ya̱ ish bohlashke; micha na mihachit anumpuli ya̱ a̱ kanʋllechit isht ish kanchashke, mihma ik illo kashke, im achi tok.

Numbas 21:5

Micha okla hʋt Chitokaka ya̱ i̱ sanalit, micha Moses a̱ i̱ sanalit anumpulit, Nanta katiohmi ho̱ yakni haiaka ai illit pi taha chi̱ ho̱ Echip a̱ pi pehlichit ish pi kohchi tuk oh cho? pʋska yʋt iksho, micha oka yʋt iksho, micha pʋska okpulo ilʋppano pi̱ yuwalʋt tahʋshke, achitok.

Numbas 25:2

Mihma i̱ naholbʋt toba puta ka̱ nan ʋbit isht aiokpʋchi mʋt okla hash hoyo tok; mihma okla hash osh impa cha i̱ naholbʋt toba puta ka̱ im akachunoli tok.

1 Kolinhlian 15:9

Apostel ʋhleha moma ik alauwo sia, yohmi kʋt apostel hohchifa he si ʋlhpesa keyu, Chihowa in chʋch a̱ ilbʋshali li tok okʋt.

Efeshan 2:11

Yʋmohmi ka nitak cha̱shpo ma haknip i̱ nuta yosh Chentail hʋchia ma, nipi hakshup tʋpa ibbak isht toba hohchifo yʋmmak okʋt hakshup ik tapo hʋchi hochifo hoke.

Tutelonomi 31:27

Ish ile filʋmmichi, micha chikunla kʋllo ka̱ ithana li hoke; yakeh, himak nitak a̱ si okcha̱yʋt hʋchi takla anta li moma ka̱ Chihowah ya̱ i̱ filʋmmi hʋchi shahli fehnʋshke; a sʋlli ha yok mak heno i̱ shahli fehna chi̱ keyu cho?

Tutelonomi 8:2

Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

Tutelonomi 9:24

Hʋch ithana li tok aiʋhlit mi̱hinti ka̱ Chihowah ya̱ i̱ sanalit, hʋsh i̱ filahʋmmi chatuk oke.

Tutelonomi 9:4

Chin Chitokaka Chihowah yʋt chi tikba ya̱ ishit kanchi ha ya̱, chi chu̱kʋsh anu̱kaka ya̱ anumpulit, Ai ʋlhpiesa li pulla kak o̱ yakni ilʋppa a binili la chi̱ ho̱, Chihowah yʋt sʋsht ʋla tuk oke; chik acho kashke; amba oklushi ilʋppa puta haksi kak o̱, Chihowah yʋt chi tikba a tihlelit kocha weli hoke.