Tutelonomi 9:6 - Chahta Holisso Holitopa 1886

⁶ Yʋmohmi hoka chin Chitokaka Chihowah yʋt yakni achukma ilʋppa ish a binila chi̱ ho̱ chima kʋt, chi ai ʋlhpiesa kak o̱ keyu ka̱ ish ithaiyanashke; okla ikunla kʋllo chia hoka.

Tutelonomi 9:6 Iomraidhean Croise

Atʋloa 78:8

Micha i̱ki ʋhleha hʋt isht ai unchululi ilappu̱lla, micha ila filʋmmit i̱ sʋnali, isht ai unchululi chu̱kʋsh ʋpissʋlechih keyu, micha imish shilombish ʋt Chitokaka im ai a̱hli ʋttok keyu ka̱ ik chiyuhmo ka he ak ʋttok oke.

Eksotʋs 32:9

Mihmʋt Chihowah yʋt Moses a̱, okla ilʋppa pi̱hi̱sa li tuk oke, mikma yakeh, ikunla kʋllo okla hoke.

Eksotʋs 33:3

Pishukchi, micha foebila ayanahanli yakni o̱ hʋchisht ona chi̱ hoke: hʋchitin takla a̱yʋt ia la he keyu; ikunla kʋllo okla, hʋchia hoka, hina takla mosholichit hʋchi kanchi li yoba na, im achi tok.

Eksotʋs 34:9

Micha Chihowah ma, himak a̱ chim isht i̱kana ahayuchi li hokma, chim asilhha lishke, an Chihowah ʋt pi awant iashke (okla ikunla kʋllo ʋhleha hoka), ik pi ai ʋlhpieso, micha il aiashʋchi ya̱ ish pi̱ kashofashke, micha chimmi ikbit ish pi eshashke, achi tok.

Apostel isht Anumpa 7:51

Ikunla kʋllo, micha chu̱kʋsh mikmʋt haksobish aiena wishakchi ik tapo hʋchia hʋt, Shilombish Holitopa ya̱ i̱ sʋnalit hʋsh bilia. Hʋchin tikba ʋhleha hʋt yohmi tok a̱, hʋsh chiyuhmishke.

Tutelonomi 10:16

Yʋmohmi kak o̱ hʋchi chu̱kʋsh tikba hakshup a̱ hʋsh tʋbli cha, himakma ikunla hʋchik kʋllo kashke.

Tutelonomi 3:18

Micha nitak yʋmma hʋchim anumpo̱honli li mʋt, hʋchin Chitokaka Chihowah yʋt yakni ilʋppa hʋsh binila chi̱ ka̱, hʋchima tuk oke; tʋnʋp a̱ya hinla moma kʋt, nahalupa hʋchim ʋlhtaha hosh, hʋchitibapishi ʋhleha Islael im ʋlla ʋhleha ha̱ itikba hʋsh hlopulla chi̱ hoke.

Tutelonomi 31:27

Ish ile filʋmmichi, micha chikunla kʋllo ka̱ ithana li hoke; yakeh, himak nitak a̱ si okcha̱yʋt hʋchi takla anta li moma ka̱ Chihowah ya̱ i̱ filʋmmi hʋchi shahli fehnʋshke; a sʋlli ha yok mak heno i̱ shahli fehna chi̱ keyu cho?

Tutelonomi 9:13

Micha Chihowah yʋt ʋm anumpulit, Okla ilʋppa pisa lishke; mihma yakeh, okla ikunla kʋllo yoke.

Tutelonomi 9:24

Hʋch ithana li tok aiʋhlit mi̱hinti ka̱ Chihowah ya̱ i̱ sanalit, hʋsh i̱ filahʋmmi chatuk oke.