Tutelonomi 9:5 - Chahta Holisso Holitopa 1886

⁵ Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.

Tutelonomi 9:5 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 13:15

Yakni ish pi̱sa ka̱ mominchit chishno, micha chim isht aiunchololi aiena ka̱ immi bilia he mak o̱ ima la chi̱ hoke.

Genesis 15:16

Yohmi kia aiitishali ont aiushta kʋto anonti ilʋppa ai ʋla hi oke: Amolait okla nan ai asha̱hanchi kʋt ik aloto ki̱sha hoka, im achi tok.

Genesis 15:7

Mihma, Ʋno ak osh yakni ilʋppʋt chimmi hachi̱ mak o̱, chima la chi̱ kʋt, Kaltea yakni talaia Uh ha̱ ai ishit chi kohchi li tok ʋt Chihowah sia hoke, im achi tok.

Genesis 17:8

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

Genesis 26:4

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 28:13

Mihma yakeh, Chihowah yʋt paknaka ya̱ hikia cha, Chi̱ki Eblaham in Chitokaka Chihowah sia hoke, micha Aisak in Chitokaka sia hoke: yakni ish ai on itoyula ka̱ chishno, micha chim ishtatiaka ya̱ ima la hi oke.

Eksotʋs 32:13

Eblaham Aisak, micha Islael chin tishu ʋhleha, yʋmmak oka chishno ak inli ile hochifot anumpa kʋllo anumpulit, chim isht atiaka apaknʋchit ʋba shutik fochik a̱ chohmichi la chi̱ hoke, micha yakni isht anumpuli li tuk ilʋppa chim isht atiaka ya̱ ima likma immi bilia hi oke, ish im achi tok ʋt ish ithaiyanashke, achi tok.

Lefitikʋs 18:24

Nana ilʋppa puta nana kia isht hʋchik ile litehla kashke; ilʋppa puta kak o̱ oklushi puta hʋchi tikba akocha wehli li tuk ʋt isht ile litehli tuk oka.

Lefitikʋs 18:25

Mikma yakni ʋt liteha hoke; yʋmohmi kak o̱ nan ashʋchi tuk ak o̱ im a̱ya hi oke; mihma yakni oh kia okla ha̱ hoetʋt kohchi hoke.

Apostel isht Anumpa 3:25

Hʋchishno ʋt, hopaii ʋhleha, micha Chihowa yʋt hʋpin tikba ʋhleha ha̱, nan it im apesʋt Eblaham a̱, chishno isht chi ai unchululi ho̱, oklushi puta yakni paknaka aiasha kʋt ai isht ilayukpa hi oke; im ahanchi tok, anumpa ha̱ ushi hʋchia hoke.

Loman 11:28

Ʋbanumpa hash imma hokʋno, hʋchishno yak atuk pulla kak o̱ yʋmmak ash ot tʋnʋp ʋhleha hoke; amba ʋlhtoka yash imma hokʋno i̱ki ʋhleha yash ak atuk pulla kak o̱ i̱ holitopa ʋhleha hoke.

Loman 15:8

Yohmi ka Chihowa isht ai a̱hli yak atuk pulla kak o̱ Chisʋs Klaist okʋt hakshup tʋpa yak o̱ nan isht im ʋtta toba kʋt, i̱ki ʋhleha ha̱ nan im ihi̱sa tok puta ka ai a̱hlicha chi̱ kak atok oke, achi lishke.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 12:31

Chin Chitokaka Chihowah ya̱ ish yʋmihcha he keyu; Chihowah yʋt i̱ yuwala puta moma, micha shitilema ya̱, i̱ naholbʋt toba i̱ yʋmihchi tuk oke; ushi ʋhleha micha ushetik ʋhleha aiena ka̱ i̱ naholbʋt toba luak isht i̱ hukmi fehna tuk oke.

Tutelonomi 18:12

Nana ilʋppa puta yʋmi̱hinchi moma ka̱ Chihowah yʋt nan ishit yuwala yoke: micha nan ishit yuwala ilʋppa pulla kak o̱, Chihowah yʋt chi tikba ya̱ akocha wehli tuk oka.

Tutelonomi 18:9

Chin Chitokaka Chihowah yʋt yakni chima tok a̱ ish onakmʋt, oklushi yʋmma puta a yʋmihchi nan isht yuwala ya̱ hobachit yʋmihcha chi̱ ka̱ ish ithʋna he keyu.

Tutelonomi 20:18

Yʋmohmi hosh nan ashʋchi ishit yuwala i̱ naholbʋt toba i̱ yʋmihchi chatuk ʋt ik hʋchik hanancho ho̱: yohmikmʋt hʋchin Chitokaka Chihowah ya̱ hʋchik i̱ yoshobo kashke.

Titus 3:5

Nan ai ʋlhpiesa isht ahantʋt il atahli tok ak o̱ keyu, amba pi nukha̱klo kak osh himona toba isht ʋlhchihi̱fa kʋt, Shilombish Holitopa yak o̱ himona isht a toba ho̱ isht a pi okchalinchi tok oke;