Tutelonomi 9:3 - Chahta Holisso Holitopa 1886

³ Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Tutelonomi 9:3 Iomraidhean Croise

Eksotʋs 23:23

Ʋm enchel ʋt chi tikba ia cha, Amolait, micha Hittait, micha Pelissait, micha Kananait, micha Hifait, micha Chebusait aiena aiasha ka̱ chisht onakma, ai ishit kanchi la hi oke.

Eksotʋs 24:17

Mihma Chihowah im a holitopa pisa ka̱ Islael im ʋlla ʋhleha hʋt pi̱sa ho̱ luak nahukmit tahli ak o̱ chohmi hosh nʋnih paknaka talaia tok.

Mahlu 15:10

Yohmi mʋt okla laua yash o̱ itahobi cha, Haklot, hʋsh ithaiyanashke;

Mark i̱ Holisso 7:14

Micha okla hash mominchit hoyot itahobit taiyahli mʋt, Hʋsh moma kʋt hʋs sa̱ haponaklot, hʋsh akostininchashke.

Loman 8:31

Yakohmi kʋno nana ilʋppa puta imma hokʋno nanta hak o̱ il acha hinla ho̱? Chihowa hak osh pi̱ kana hokma, kʋta hosh pi̱ sanala hinla ho̱?

Efeshan 5:17

Yʋmohmi hoka ik hopoyukso yo̱ hʋchia keyu hosh, amba Chitokaka im anukfila hʋt kaniohmi ka hʋsh akostininchashke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 20:4

Hʋchin Chitokaka Chihowah ak osh hʋchin tʋnʋp a̱ hʋchim itibit, hʋchi okchalincha chi̱ hosh hʋchi awant ia hoka im acha hi oke.

Tutelonomi 4:24

Chin Chitokaka Chihowah yʋt luak na hushmit tahli, Chitokaka nukta̱ha̱hla yoka.

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 7:22

Micha chin Chitokaka Chihowah yʋt oklushi yʋmma puta ka̱ kanomosichit, micha kanomosichi hosh ishit kancha chi̱ hoke: himona achʋfa tahlit ish mosholicha he keyu, yakni haiaka nampoa hʋt apaknʋt chi̱ sanala hinla hoke.

Tutelonomi 9:6

Yʋmohmi hoka chin Chitokaka Chihowah yʋt yakni achukma ilʋppa ish a binila chi̱ ho̱ chima kʋt, chi ai ʋlhpiesa kak o̱ keyu ka̱ ish ithaiyanashke; okla ikunla kʋllo chia hoka.

2 Hlessalonian 1:8

Ʋba mintit luak libbi biekʋt haiakʋt, Chihowa ik ithano, micha Chitokaka Chisʋs Klaist im ʋbanumpa ik im antio aiena ka isha he ʋlhpesa mak o̱ im apesʋt onochikma;

Heblu 12:29

Pin Chihowa yokʋt luak nan okpʋnit kahanchi yoka.

Choshua 11:12

Micha mi̱ko ʋhleha yʋmma in tʋmaha holihta puta, micha i̱ mi̱ko moma ka Choshua ʋt ishi cha, bʋshpo falaia halupa isht issot kanchi cha Chihowa in tishu Moses ʋt im apesa tok mak o̱, okpʋnit ʋmohmichi tok.

Choshua 11:8

Mihma Chihowa hʋt Islael ibbak a̱ fohki na issot kanchi cha, ahliyuhʋt isht a̱yʋt Siton chito, micha Mislefolh‐maim, micha hʋshi akochaka imma Mispeh okfa ha̱ isht ona tok; micha ahambi cha, achʋfa kia ik in hlakofecho ki tok.

Choshua 14:12

Yʋmohmi hoka himak a̱ Chihowa yʋt nitak yʋmma isht anumpuli tuk nʋnih ilʋppa is sʋmashke; nitak yʋmma Anakim puta kʋt yʋmma aiasha cha, tʋmaha hʋt i̱ hochito cha, a holihta kʋllo ka ish ha̱klo tok okʋt, Chihowa yʋt sʋba foyuka yobakma, tihlelit kocha wehli la chi̱ hoke, im achi tok.

Choshua 3:11

Yakeh! yakni moma in Chihowa nan it im apesa ʋt afoyuka itombi holitopa ʋt tanʋbla chi̱ hosh hʋchi tikba Chatan a̱ ont oka hikʋshke.

Choshua 3:14

Atuk o̱ yakohmi tok, okla hʋt Chatan tanʋbla chi̱ hosh binah ha̱ asht ia hosh, naholitompa isht asha yʋt nan it im apesa ʋt afoyuka itombi holitopa shoyuli hosh okla itikba hieli hosh itʋnowa;

Nan Apesa 4:14

Mihma Tebolah ʋt Balak a, Wakayá, himak nitak ak o̱ Chihowa hʋt Sisela ya̱ chibbak a̱ fohki hoka: Chihowa yʋt chi tikba ia tuk keyu̱? im achi tok. Mihma Balak ʋt Tabo nʋnih ha̱ akowʋt ia ma, hatak tahlepa sipokni pokoli hosh iakaiya tok.