Tutelonomi 9:29 - Chahta Holisso Holitopa 1886

²⁹ Yohmi kia chim okla hoke, micha chimmi hosh nan isht chim aia̱hli kʋllo, micha chi shakba kʋllo ashatapa hosh pehlichit ish kohchi tuk oke, ahanchi li tok: im achi tok.

Tutelonomi 9:29 Iomraidhean Croise

1 Mi̱ko 8:15

Micha, Islael in Chitokaka Chihowa ʋt a̱ki Lewi ya̱ itih ha̱ isht im anumpohonlit, micha ibbak a̱ isht aia̱hlichit ahanchi mʋt,

1 Mi̱ko 8:51

Chim okla, micha chimmi ai ʋlhpiesa yo̱, Echip a̱ apehlichit, tʋli a bila iklʋna ai ishit ish kohcha tok.

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 106:40

Yohmi hatuk o̱ Chihowa im anukoa yʋt im okla ha̱ isht i̱ nukhubela cha, immih okla ha̱ shittilemah mʋt,

Atʋloa 136:12

Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

Atʋloa 28:9

Chim okla ha̱ ish okchalinchi cha, chimmi hatuk ʋt ish yokpalashke, micha chukfʋlhpoba chomihchit ʋpesʋchit isht ish a̱ya na billiashke.

Atʋloa 77:15

Chekob micha Chosef ushi ʋhleha, yʋmmʋt chim okla ha̱, chish shakba isht ish hlʋkuffichi tok oke. [Yukopa.

Atʋloa 95:7

Yʋmmak osh pi̱ Chitokaka yoka̱, mikma̱ pishno ʋto yʋmmʋt ʋpesa̱ha̱chi oklah, micha chukfʋlhpoa ibbak ʋt hʋllʋlli yo̱ pia hoke. Himak nittak a̱ im ʋnnumpa ha̱ hʋsh haklo hokbano!

Eksotʋs 19:5

Yʋmohmi hoka himak a̱ ʋm anumpa ha̱ hʋsh im asitia mʋhli cha, a̱ nan itim apesa ya̱ hʋsh holitoblikmʋt, yohmikmʋt okla moma i̱ shahlit ʋmmi hʋchia ha chi̱ hoke; yakni ʋt moma kʋt ʋmmi hoka.

Eksotʋs 33:13

Yʋmohmi hoka himak a̱ chim asilhha lishke, chi tikba ya̱ chim isht i̱ kana aiahayuchi li hokma, himak a̱ chi̱ hina is sʋm otʋninchashke: yohmi na chithaiyana lashke, yohmi na, chi tikba ya̱ chim isht i̱ kana ai ahayuchi lashke: micha okla ilʋppʋt chim oklushi ya̱ ish anukfillashke, im achi tok.

Eksotʋs 34:9

Micha Chihowah ma, himak a̱ chim isht i̱kana ahayuchi li hokma, chim asilhha lishke, an Chihowah ʋt pi awant iashke (okla ikunla kʋllo ʋhleha hoka), ik pi ai ʋlhpieso, micha il aiashʋchi ya̱ ish pi̱ kashofashke, micha chimmi ikbit ish pi eshashke, achi tok.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Tutelonomi 32:9

Chihowah immi hato im okla hak oke: im ai isha he ʋlhpesa yʋt Chekob ak oke.

Tutelonomi 4:20

Amba Chihowah yʋt hʋchishno ya̱ hʋch ishi cha, tʋli abila Echip fehna ka̱ hʋchi kohchi kʋt, okla immi ha chi̱ ha tok o̱, hima̱k nitak a̱ hʋsh yʋmohmishke.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 9:12

Mihma Chihowah yʋt, Wakaya cha tu̱shpʋt ilʋppa ʋttʋt ish akowashke; chim okla Echip a̱ pehlichit ish kohcha kash osh ile litehlishke; chekosi i̱ miha li kash hina ya̱ kohchʋt fullotʋt naksika iʋshke; bilʋt akmot na holbʋt toba ikbishke, im achi tok.

Tutelonomi 9:26

Yʋmohmi ha tuk o̱ Chihowah ya̱ im ilbʋshʋt, Chitokaka Chihowah ma, chim okla, micha chimmi, yʋmmak oka a chi holitopa pulla hosh ish okchalinchi tuk; micha chibbak kʋllo hosh pehlichit Echip a̱ ish kohcha tuk okʋt, ishit chik kancho kashke.