Tutelonomi 9:27 - Chahta Holisso Holitopa 1886

²⁷ Chin tishu ʋhleha Eblaham, micha Aisak, micha Chekob aiena ka̱ ish ithaiyanashke; okla ilʋppa chu̱kʋsh ilapunla, micha a haksi, micha aiashʋchi aiena kano chik peso kashke.

Tutelonomi 9:27 Iomraidhean Croise

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

Atʋloa 130:3

Chihowa ma, nan ik ʋlhpeso putta ka̱ ʋcchukmalit ish pisa hokma̱, kʋta hosh hikkia hinlah choh, nan i̱ Shahlih ma?

Atʋloa 78:8

Micha i̱ki ʋhleha hʋt isht ai unchululi ilappu̱lla, micha ila filʋmmit i̱ sʋnali, isht ai unchululi chu̱kʋsh ʋpissʋlechih keyu, micha imish shilombish ʋt Chitokaka im ai a̱hli ʋttok keyu ka̱ ik chiyuhmo ka he ak ʋttok oke.

Eksotʋs 13:5

Atukma yakohma hi oke, Kenanait, micha Hittait, micha Amolait, micha Hifait, micha Chebusait i̱ yakni, pishukchi, micha foe‐bila a yanahanli yakni a̱ hʋchima chi̱ hosh, hʋchi̱ki ʋhleha ha̱ anumpa kʋllo il im onohonchi tok a̱, Chihowah yʋt hʋch ishtonakma, nan isht asha ilʋppa hʋshi ilʋppak o̱ isht hʋsh aiasha hi oke.

Eksotʋs 3:16

Iá, micha, Islael im asʋnonchi ʋhleha ha ish itʋnahli cha, Hʋchi̱ki ʋhleha in Chitokaka Chihowah, Eblaham, micha Aisak, micha Chekob in Chitokaka yʋt a̱ haiaka cha, Hʋchim a̱ya li pulla cha, Echip a̱ nana a hʋchi̱ kaniohmi̱hinchi ka̱, pi̱hi̱sa le tuk oke.

Eksotʋs 3:6

Micha achakalinchit, Chi̱ki in Chitokaka, Eblaham in Chitokaka, Aisak in Chitokaka, micha Chekob in Chitokaka sia hoke, achi tok. Mihma Moses ʋt nashuka ya̱ luhmi tok; Chitokaka ya̱ pisa kʋt nukshopa tuk okʋt.

Eksotʋs 32:13

Eblaham Aisak, micha Islael chin tishu ʋhleha, yʋmmak oka chishno ak inli ile hochifot anumpa kʋllo anumpulit, chim isht atiaka apaknʋchit ʋba shutik fochik a̱ chohmichi la chi̱ hoke, micha yakni isht anumpuli li tuk ilʋppa chim isht atiaka ya̱ ima likma immi bilia hi oke, ish im achi tok ʋt ish ithaiyanashke, achi tok.

Lefitikʋs 26:42

Yohmikma Chekob a̱ nan itim apesali tok ʋt ithaiyana la hi oke, micha Aisak a̱ nan itim apesali tok ʋt ithaiyana la hi oke, micha Ebleham a̱ nan itim apesali tok aiena kʋt ithaiyana la hi oke, micha yakni ya̱ ithaiyan a la hi oke.

Lefitikʋs 26:45

Amba yʋmmak atuk pulla mak o̱ in tikba ʋhleha ha̱ yʋmmak oka in Chitokaka sia ha chi̱ hosh, oklushi Chihowah ik ithano ʋhleha hʋt pi̱sa ho̱, Echip yakni ya̱ pehlichit kohchit nan itim apesali tok ʋt, ithaiyana la hi oke, Chihowah sia hoke, ish im achashke, achi tok.

Tutelonomi 9:26

Yʋmohmi ha tuk o̱ Chihowah ya̱ im ilbʋshʋt, Chitokaka Chihowah ma, chim okla, micha chimmi, yʋmmak oka a chi holitopa pulla hosh ish okchalinchi tuk; micha chibbak kʋllo hosh pehlichit Echip a̱ ish kohcha tuk okʋt, ishit chik kancho kashke.

Tutelonomi 9:28

Yʋmohmikma yakni apehlichit ish pi kohchi tok ʋt, Chihowah yʋt yakni im issa tok ʋt isht ona he keyu ha tuk osh, micha i̱ nukkilli ha tuk osh, yakni haiaka ai ʋbit tahla chi̱ hosh pehlichit kohcha tuk oke, achi yoba na.

1 Samuel 25:25

A̱ shahli hʋt Belial hatak ilʋppa Nabal fehna ka na yakohmi ik ahno kashke, chim asilhha lishke: hohchifo hʋt yʋmmak okʋt im a̱hli hoka: hohchifo kʋt Nabal atuk osh im anukfila iksho hoke: amba chin tishu ohoyo sia hokʋto a̱ shahli hʋt pit pila tuk hatak himithoa ya̱ ak peso tuk oke.