Tutelonomi 9:26 - Chahta Holisso Holitopa 1886

²⁶ Yʋmohmi ha tuk o̱ Chihowah ya̱ im ilbʋshʋt, Chitokaka Chihowah ma, chim okla, micha chimmi, yʋmmak oka a chi holitopa pulla hosh ish okchalinchi tuk; micha chibbak kʋllo hosh pehlichit Echip a̱ ish kohcha tuk okʋt, ishit chik kancho kashke.

Tutelonomi 9:26 Iomraidhean Croise

2 Samuel 7:23

Micha okla achʋfa nanta hak osh yakni paknaka aiasha kʋt chim okla Islael, yʋmmak oka Chitokaka ʋt falʋmminchit, im okla ikbit ilai ishit, mnicha hohchifo ilai ikbit chishno ya̱, micha chi̱ yakni ya̱ nana chinto, micha nana palʋmmi ka chim okla itikba ya̱ a yʋmihchit, yʋmmak oka falʋmminchit chumpʋt Echip a̱ akohchit, micha okla puta, micha i̱ naholbʋt toba aiena puta ka a kohchit, ish ilai ihi̱shi tuk chohmi cho?

1 Mi̱ko 8:51

Chim okla, micha chimmi ai ʋlhpiesa yo̱, Echip a̱ apehlichit, tʋli a bila iklʋna ai ishit ish kohcha tok.

1 Mi̱ko 8:53

Pi̱ki ʋhleha ha̱ Echip a̱ a pehlichit ish kohcha mʋt, chin tishu Moses ish tohno na, anumpuli tok mak o̱, chimmi ha chi̱ hosh, okla moma yakni paknaka moma aiasha ka i̱ filʋmmichit ish ishi tok oke, Chitokaka Chihowa ma! ahanchi tok.

Atʋloa 106:23

Mihma̱ ʋtokule tuk Moses ʋt im anukhubela yʋt isht ik kancho ka chi̱ ka̱ fʋlʋmmicha chi̱ hosh alʋkofa tʋkanli ka̱, yʋmma̱ itikba hikkia hatuk keyukma̱, ishit kancha chi̱h miha tok oke.

Atʋloa 107:2

Chihowa hʋt hlʋkuffiche tuk, i̱ tʋnampi ibbak a̱ a kohchit hlʋkuffechi cha, yakni puttah, hʋshakucchaka micha hʋshaiokʋttula, fʋlʋmmih micha oka mahli aiena ka̱ a kohchit ittʋnahli tuk putta kʋt yʋmmak ash o̱ oklah achashke.

Atʋloa 28:9

Chim okla ha̱ ish okchalinchi cha, chimmi hatuk ʋt ish yokpalashke, micha chukfʋlhpoba chomihchit ʋpesʋchit isht ish a̱ya na billiashke.

Atʋloa 57:1

Is sa̱ nukha̱klashke, Chitokaka ma, is sa̱ nukha̱klashke; ʋmish shilombish ʋt chishno ak o̱ chi ai ʋtukko hoka̱, micha chis sʋnahchi hushontika yak o̱ ai ʋtukko lih immoma tuk o̱, na̱ pʋllʋmmi putta kʋt ant a̱ya hayashke.

Atʋloa 77:15

Chekob micha Chosef ushi ʋhleha, yʋmmʋt chim okla ha̱, chish shakba isht ish hlʋkuffichi tok oke. [Yukopa.

Atʋloa 78:35

Chitokaka yʋt i̱ tʋli chito yokmʋt, ʋnonti Chitokaka Chaha i̱ Shahli ak osh okchalinchi yatuk a̱ ithaiyanah beka tok.

Atʋloa 99:6

Na̱ huletumpa isht im asha ʋhleha ha̱ Moses, Elon ittʋtuklo kʋt ibafo̱kkakma̱, hohchifo ha̱ i̱ tahpa̱ha̱la ʋhleha ha̱ Samuel ʋt ibafo̱kkʋt Chihowa ha̱ i̱ pa̱ha̱yakma̱, yʋmmʋt im ʋfalʋmmichih beka tok oke.

Eksotʋs 15:13

Chishno ʋt ish i̱ nukha̱klo kak osh okla ha̱ falʋmminchit ish chumpa tuk ʋt pehlichit ish kohcha tuk oke: chimi̱ hlampko ak o̱ ishit pehlichit ish aiahanta holitopa ya̱ isht ish ona tuk oke.

Eksotʋs 33:13

Yʋmohmi hoka himak a̱ chim asilhha lishke, chi tikba ya̱ chim isht i̱ kana aiahayuchi li hokma, himak a̱ chi̱ hina is sʋm otʋninchashke: yohmi na chithaiyana lashke, yohmi na, chi tikba ya̱ chim isht i̱ kana ai ahayuchi lashke: micha okla ilʋppʋt chim oklushi ya̱ ish anukfillashke, im achi tok.

Eksotʋs 34:9

Micha Chihowah ma, himak a̱ chim isht i̱kana ahayuchi li hokma, chim asilhha lishke, an Chihowah ʋt pi awant iashke (okla ikunla kʋllo ʋhleha hoka), ik pi ai ʋlhpieso, micha il aiashʋchi ya̱ ish pi̱ kashofashke, micha chimmi ikbit ish pi eshashke, achi tok.

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 15:15

Micha hatak yuka hosh Echip yakni ya̱ ish ahanta tuk o̱, chin Chitokaka Chihowah yʋt falʋmminchit chi hlakofichi tok a̱ ish ithaiyanashke: yʋmohmi kak o̱ himak nitak a̱ nana ilʋppa mihʋt chim ahanchi lishke.

Tutelonomi 21:8

Chihowah ma, chim okla Islael a̱ falʋmminchit ish chumpa tuk ʋt ish i̱ nukha̱klashke, micha chim okla Islael apehlichi a̱ nan okpʋni tuk keyu issish hlatapa ya̱ chik onocho kashke, acha hi oke. Mikma issish hlatapa tuk ʋt i̱ kashofa hi oke.

Tutelonomi 32:9

Chihowah immi hato im okla hak oke: im ai isha he ʋlhpesa yʋt Chekob ak oke.

Tutelonomi 7:8

Amba Chihowah yʋt hʋchi̱ hullo kak a tok, micha hʋchi̱ki ʋhleha anumpa kʋllo im ilonochi tok ʋt a̱hlicha he ahni pulla kak osh, ibbak kʋllo hosh pehlichit hʋchi kohchi tok oke; micha hatak yuka hosh aboha hʋsh aiasha tuk a Echip i̱ mi̱ko Falaoh ibbak a̱ kohchit hʋchi okchalinchi tuk oke.

Tutelonomi 9:12

Mihma Chihowah yʋt, Wakaya cha tu̱shpʋt ilʋppa ʋttʋt ish akowashke; chim okla Echip a̱ pehlichit ish kohcha kash osh ile litehlishke; chekosi i̱ miha li kash hina ya̱ kohchʋt fullotʋt naksika iʋshke; bilʋt akmot na holbʋt toba ikbishke, im achi tok.

Tutelonomi 9:27

Chin tishu ʋhleha Eblaham, micha Aisak, micha Chekob aiena ka̱ ish ithaiyanashke; okla ilʋppa chu̱kʋsh ilapunla, micha a haksi, micha aiashʋchi aiena kano chik peso kashke.

Tutelonomi 9:29

Yohmi kia chim okla hoke, micha chimmi hosh nan isht chim aia̱hli kʋllo, micha chi shakba kʋllo ashatapa hosh pehlichit ish kohchi tuk oke, ahanchi li tok: im achi tok.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Heblu 9:12

Issi kosoma, micha wak ushi issish o̱ keyu, amba ilap im issish ak inli ho̱ isht a pi ʋlhtombʋt bilia ya̱ isht a pim ataiyahli ha yosh, aholitopa yoka himonna achʋfa chukowa tok.

Nan Otʋni 5:9

Micha taloa himona ka okla taloho̱wa kʋt, Chishno ak osh chilli hosh oklushi ilaiyuka, im anumpa ilaiyuka puyuta, hatak okla moma a kohchi hosh Chihowa immi e toba chi̱ ka, chishno chim issish ak o̱ isht ish pi chumpa hatuk; yohmi hosh Chihowa ha̱ na holitompa isht imʋtta, micha mi̱ko ʋhleha aiena ka ish pikbi tok: atuk o̱ yakni pakna ka a mi̱kot il ai asha chi̱ hoka, Chishno ak osh holisso hash ish ishi cha, isht ashana yash ish tiwa he ʋt a chim ʋlhpiesa hoke, ahanchi tok.

1 Samuel 7:9

Mihma Samuel ʋt chukfʋlhpoa ushi pi̱shi yo̱ ishi cha, hukmit isht aiokpʋchit mominchit Chihowa ya̱ im issa tok; mihma Samuel ʋt Islael a̱ isht anumpulit Chihowa ya̱ i̱ pa̱ha̱ya tok; mihma Chihowa ʋt i̱ haponaklo tok.