Tutelonomi 9:23 - Chahta Holisso Holitopa 1886

²³ Micha Chihowah yʋt Katesh banea ya̱ ʋttʋt hʋchi pelʋt, oh ia cha, yakni hʋchima li tok a̱; oh binili, achi tok; yohmi ma, chin Chitokaka Chihowah im anumpa ha̱ i̱ filʋmmit hʋsh i̱ sanali tok; micha hʋsh i̱ yimma he keyukmʋt, im anumpa ha̱ hʋsh i̱ haponakla he keyu tok.

Tutelonomi 9:23 Iomraidhean Croise

Atʋloa 78:22

Chitokaka ya̱ ik i̱ yimmoh mʋt, im aiokcha̱ya ya̱ ik anukchieto kak ʋttok.

Numbas 13:1

Mihma Chihowah hʋt Moses a̱ im anumpulit,

Numbas 14:1

Mihma okla moma kʋt chitolit yaiya tok; micha ninak yʋmma okla yaiya tok.

Numbas 14:2

Micha Islael im ʋlla ʋhleha moma kʋt Moses micha Alon ita tuklo ka̱ na mihachit anumpuli tok; micha okla moma kʋt, Chihowah yʋt ʋlhpesa ahni na Echip yakni ak inli ho̱ a pilli tok okbano; keyukmʋt Chihowah yʋt ʋlhpesa ahni na, yakni haiaka a pilli tuk okbano;

Numbas 14:9

Peh, Chihowah ya̱ i̱ yoshobʋt hʋchik i̱ filʋmmo kashke, micha okla yakni ai asha ka̱ hʋchik i̱ nukshopo kashke; yʋmmʋt pi̱ pʋska yoka; yʋmma ai atukko yʋt i̱ kʋnia hoke, mikma Chihowah yʋt piba foyuka hoke; hʋchik i̱ nukshopo kashke, im achi tok.

Tutelonomi 1:2

Holeb a̱ ʋttʋt Sei nʋnih ha̱ ont ia hosh Katesh‐banea ona ka̱ nitak auahchʋfa ka̱ anowa yoke.

Tutelonomi 32:20

Micha sa nashuka ya̱ in luhmi lashke: ishtaiopi kaniohmi na pisa lashke: ai itishali ila filimmi fehna, micha aiyimmi ka iksho ʋlla ʋhleha hoka.

Heblu 4:2

Isht ai yukpa anumpa yash ot pishno ak kia pim annoho̱wa kʋt, yʋmmʋt im annoho̱wa tok ash o̱ chiyuhmi tok: yohmi kia anumpa im annoho̱wa kʋt nan isht im achukma tok keyu kʋt, anumpa haha̱klo yʋmmak okʋt na yimmi ya̱ ibafo̱ki keyu ak atok.