Tutelonomi 9:19 - Chahta Holisso Holitopa 1886

¹⁹ (Im ai i̱ nukkilli micha nuklibisha lʋshpa ho̱ Chihowah yʋt ishit nuklibisha cha, hʋchi̱ sanalit ishit hʋchi kancha chi̱ kak a̱ sa nukshopa tuk okʋt.) Yohmi tuk kia nitak yʋmmak kia Chihowah yʋt a̱ haponaklo tok.

Tutelonomi 9:19 Iomraidhean Croise

Atʋloa 106:19

Holeb a̱ wakushi holba ya̱ ai ikbi cha, nan akmi yo̱ im ʋkahchunnoli hosh,

Atʋloa 106:23

Mihma̱ ʋtokule tuk Moses ʋt im anukhubela yʋt isht ik kancho ka chi̱ ka̱ fʋlʋmmicha chi̱ hosh alʋkofa tʋkanli ka̱, yʋmma̱ itikba hikkia hatuk keyukma̱, ishit kancha chi̱h miha tok oke.

Atʋloa 78:59

Chitokaka yʋt hakloh mʋt, im okpuloh atapa cha, Islael a̱ shittilemah fiehna tok.

Atʋloa 99:6

Na̱ huletumpa isht im asha ʋhleha ha̱ Moses, Elon ittʋtuklo kʋt ibafo̱kkakma̱, hohchifo ha̱ i̱ tahpa̱ha̱la ʋhleha ha̱ Samuel ʋt ibafo̱kkʋt Chihowa ha̱ i̱ pa̱ha̱yakma̱, yʋmmʋt im ʋfalʋmmichih beka tok oke.

Eksotʋs 32:14

Mihma Chihowah yʋt im okla ha̱ i̱ sanalit nanuk achukmo yʋmihcha chi̱ hosh anukfilli tuk ʋt issa tok.

Eksotʋs 33:17

Mihma Chihowah yʋt Moses a̱, Ish anumpuli tuk, ilʋppak kia yʋmihchi la chi̱ hoke. Ʋm isht i̱ kana ya̱ ish ahayuchi tuk okʋt, micha chi hohchifo ha̱ ithana li hoke, im achi tok.

Eksotʋs 34:10

Mihma, Yakeh anumpa a̱hli ikbi lishke, chim okla moma itikba ya̱ na fehna yʋmma chohmi kʋt yakni moma ka, micha oklushi nana kia, a yʋmohmi chatuk keyu ho̱ yʋmihchi la chi̱ hoke; mikma okla takla ish ahanta tuk ʋt moma kʋt Chihowah na yʋmihchi ka̱ pisa chi̱ hoke, na hʋchi yʋmihchi li ka̱ ishit nukhlakancha ya chi̱ hoke.

Numbas 11:2

Mihma okla hʋt Moses a̱ i̱ paha̱ya tok; mihma Moses ʋt Chihowah im asilhha ma luak ʋt mosholi tok.

Tutelonomi 10:10

Mihma nʋnih ha̱ ʋmmona tok a̱ chohmit, nitak pokoli ushta, micha ninak pokoli ushta ho̱ ahanta li tok; mihma Chihowah yʋt nitak yʋmmak kia a̱ haponaklo cha, Chihowah yʋt isht ik chi kancho tok.

Tutelonomi 11:17

Yʋmohmikma Chihowah im ai i̱ nukkilli ʋt hʋchi̱ sanalit libbikmʋt, shutik a̱ okshitakma, umba kʋt iksho ka he, mikma yakni ʋt i̱ nan waya puta ka̱ ik a wayo ka hi oke: mikma chekosi Chihowah yʋt yakni hʋchima tuk a̱ hʋsh a mosholi na.

Tutelonomi 9:20

Micha Chihowah yʋt Alon ak kia im i̱ nuklibi̱sha fehna cha, ishit kancha chin tok: mihma Alon ak kia nitak yʋmma isht anumpule li tok.

Tutelonomi 9:8

Holeb ak kia, Chihowah im ai i̱ nukkilli ya̱ hʋsh nokowʋchi tok; yohmi na Chihowah yʋt nuklibisha cha, ishit hʋchi kancha chi̱ ha tok.

Heblu 12:21

Micha na pisa yʋmmʋt isht a nukshopa fehna he ʋlhpiesa hatuk o̱, Moses ʋt, Sa nukshopa fehna hosh sa wʋnihinchishke, achi tok: