Tutelonomi 9:15 - Chahta Holisso Holitopa 1886

¹⁵ Yohmi ho̱ fullota li mʋt, nʋnih ha̱ akowa li tok; mihma nʋnih hʋt luak ishit lu̱hu̱wa tok; mihma nana itim apesa tʋli patʋssa tuklo kʋt sʋbbak tuklo ka̱ a̱lhto tok.

Tutelonomi 9:15 Iomraidhean Croise

Eksotʋs 19:18

Mihma Sinai nʋnih hʋt shobulli bieka tok, Chihowah yʋt luak afoyuka akowʋt ʋla tuk oka, mihma shobulli ʋba ia kʋt tʋli abila shobulli kak a̱ chiyuhmi ma, nʋnih hash osh momʋt winakahanchi fehna tok.

Eksotʋs 9:23

Mihma Moses ʋt in tʋbi a̱ ʋba pit wieli tok; mihma Chihowah yʋt hiloha, micha hata̱fo aiena ka̱ et pila ma, luak ʋt yakni paknaka ya̱ a̱ya tok: micha Chihowah yʋt Echip yakni ya̱ hata̱fo et on umbʋchi tok.

Tutelonomi 4:11

Mihma bili̱ka onʋt, nʋnih nutaka ya̱ hʋsh hieli tok; mihma nʋnih hʋt luak ishit lua hosh shutik iklʋnna ona ma, okhlili, hoshonti, micha okhlili sukko aiena tok.

Tutelonomi 5:23

Atuk o yakohmi tok ai okhlilika iklʋnna ya̱ et ai anumpa na ish haklo mʋt, (nʋnih hʋt luak ishit lua tuk oka,) yohmi ma hʋchim apehlichika noshkoboka ʋhleha, micha hʋchim asʋnonchi ʋhleha aiena kʋt a̱ bili̱ka hʋshla tok.

Tutelonomi 9:16

Atuk osh pisa li ma, yakeh, chin Chitokaka Chihowah ya̱ i̱ sanalit, yoshobʋt, wak ushi bilʋt akmot toba hʋsh ikbi tuk a tok: Chihowah yʋt hʋchi̱ miha tuk a̱ chekosi hina ya̱ kohchʋt fullotʋt naksika ya̱ hʋsh ia tuk a tok.

Heblu 12:18

Yohmi ka nʋnih yʋmma potola hinla, micha luak isht luhu̱wa, hoshonti lusa, micha okhlilika, micha apeli chinto aiena ho̱ hʋsh ona keyu,