Tutelonomi 9:14 - Chahta Holisso Holitopa 1886

¹⁴ Is sʋssa na, ishit kanchi lashke; micha hohchifo ha̱ shutik nutaka ya̱ a kashofit kanchi lashke. Micha chishno ak o̱ oklushi kʋllo, micha chito aiena kʋt yʋmma i̱ shahli ho̱ a chikbi lashke, achi tok.

Tutelonomi 9:14 Iomraidhean Croise

Atʋloa 106:23

Mihma̱ ʋtokule tuk Moses ʋt im anukhubela yʋt isht ik kancho ka chi̱ ka̱ fʋlʋmmicha chi̱ hosh alʋkofa tʋkanli ka̱, yʋmma̱ itikba hikkia hatuk keyukma̱, ishit kancha chi̱h miha tok oke.

Atʋloa 109:13

Im ishtatiaka yʋt hukofa chi̱ hosh aiyashashke; isht ai unchululi et iaka̱ya ka̱ hohchifo hʋt musholit kʋniashke.

Atʋloa 9:5

Oklushi putta ka̱ nan ish im olʋbechi cha, hʋttak ik ʋlhpeso ya̱ okpʋnit, hohchifo ha̱ musholichit ish kanchi na billiʋt billia hoke.

Apostel isht Anumpa 7:51

Ikunla kʋllo, micha chu̱kʋsh mikmʋt haksobish aiena wishakchi ik tapo hʋchia hʋt, Shilombish Holitopa ya̱ i̱ sʋnalit hʋsh bilia. Hʋchin tikba ʋhleha hʋt yohmi tok a̱, hʋsh chiyuhmishke.

Tutelonomi 29:20

Chihowah yʋt apoancha he keyu hoke; amba Chihowah im ai i̱ nukkilli, micha i̱ nuktahla yʋt hatak yʋmma i̱ sanalit shobohonla hi oke; mikma kallakshichi anumpa moma holisso ilʋppa aholisso tuk ʋt onʋtoyula he; mikma Chihowah yʋt hohchifo ha̱ shutik nutaka ya̱ a kashofit kancha hi oke.

Tutelonomi 32:26

Ita fimmit achukbeli ya̱ isht ona lashke; ithaiyana ka̱ hatak ai itin takla ya̱ ai issʋchi lashke, achi li tuk oke.

Nan Otʋni 3:5

Kʋna hosh nana ka imaiyachit a hlopulli hokʋto, mihi yosh nafohka tohbi a fohka he; yohmikma yʋmma hohchifo hʋt ai okcha̱ya holisso a takali tuk a̱ kashofi la he keyu, amba hohchifo ha̱ A̱ki, micha im enchil ʋhleha aiena itikba ya̱ ai anohonli la he mak oke.