Tutelonomi 9:13 - Chahta Holisso Holitopa 1886

¹³ Micha Chihowah yʋt ʋm anumpulit, Okla ilʋppa pisa lishke; mihma yakeh, okla ikunla kʋllo yoke.

Tutelonomi 9:13 Iomraidhean Croise

Genesis 11:5

Mihma Chihowah ʋt hatak im ʋlla ʋhleha hʋt tʋmaha holihta, micha chuka chaha ai atoni ikbi ka̱ pisa chi̱ hosh akowʋt ʋla tok.

Genesis 18:21

Himak a̱ akowa lish, ishit pa̱ha̱ya na ʋm ahanla tuk mak osh a̱hli bieka yomohmi tuk okmá pisa lashke; amba keyu hokmá ithʋna lashke, achi tok.

2 Mi̱ko 17:14

Yohmi kia okla ik haponaklo hosh, amba ikunla ya̱ kʋllochit, i̱ki ʋhleha hʋt in Chitokaka Chihowa ya̱ ik i̱ yimmo hosh ikunla kʋllochi tok a̱ chohmi tok.

Atʋloa 50:7

Ʋm oklah ma, hʋsh ha̱klo na ʋnumpule lashke; Islael ma, mikma̱ chi ʋtukkolit ʋnoli lashke. Chitokaka, hʋchi̱ Chitokaka sia hoke.

Tutelonomi 10:16

Yʋmohmi kak o̱ hʋchi chu̱kʋsh tikba hakshup a̱ hʋsh tʋbli cha, himakma ikunla hʋchik kʋllo kashke.

Tutelonomi 31:27

Ish ile filʋmmichi, micha chikunla kʋllo ka̱ ithana li hoke; yakeh, himak nitak a̱ si okcha̱yʋt hʋchi takla anta li moma ka̱ Chihowah ya̱ i̱ filʋmmi hʋchi shahli fehnʋshke; a sʋlli ha yok mak heno i̱ shahli fehna chi̱ keyu cho?

Tutelonomi 9:6

Yʋmohmi hoka chin Chitokaka Chihowah yʋt yakni achukma ilʋppa ish a binila chi̱ ho̱ chima kʋt, chi ai ʋlhpiesa kak o̱ keyu ka̱ ish ithaiyanashke; okla ikunla kʋllo chia hoka.