Tutelonomi 9:12 - Chahta Holisso Holitopa 1886

¹² Mihma Chihowah yʋt, Wakaya cha tu̱shpʋt ilʋppa ʋttʋt ish akowashke; chim okla Echip a̱ pehlichit ish kohcha kash osh ile litehlishke; chekosi i̱ miha li kash hina ya̱ kohchʋt fullotʋt naksika iʋshke; bilʋt akmot na holbʋt toba ikbishke, im achi tok.

Tutelonomi 9:12 Iomraidhean Croise

Atʋloa 78:57

Yohmi kʋt i̱ki ʋhleha hak o̱ chohmit i̱ filʋmmi cha, haksichit aiyasha kʋt, iti tʋnampo ik a̱hlo ak o̱ chiyuhmit oklah shʋnayoa tok.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 32:1

Mihma Moses ʋt nʋnih ha̱ akowa kʋt ahchibali na, okla hʋt pisa mʋt, okla hash osh Alon a̱ im itʋnaha cha, Wakaya cha, pi tikba ia chi̱ ka̱ naholbʋt toba ya̱ pim ikbashke, Echip yakni a̱ pehlichit pi kohchi tok hatak Moses ilʋppak okʋno, nana kaniohmi tuk a̱ kil ithano hokʋt, im achi tok.

Kaleshan 1:6

Chekosi fehna ho̱ Klaist isht i̱ kana isht hʋchi hoho̱yo tok a̱ i̱ filʋmmit, ʋbanumpa inla yo̱ hʋsh eshi ka, okokko! ahni lishke.

Tutelonomi 31:29

Sʋlli ha ma il okpʋnit hʋsh kaiyanchi cha, hina nana hʋchi̱ miha li tuk a̱ pit hʋsh filema chi̱: atuk o̱ nitak ont ishtaiopikma, Chihowah itikba ya̱ nan ik achukmo ka̱ yʋmi̱hinchit hʋchibbak isht hʋsh toksʋlit, hʋsh nokowʋchi kak o̱ nana ik achukmo kʋt hʋchi onʋtola chi̱ ka̱ ithana li hoka, im achi tok;

Tutelonomi 32:5

Il okpʋni tuk oke; litelit takali kʋt im ʋlla ʋhleha liteli yo̱ keyu; ai itishali nan ashʋchi, micha shanaiowa ʋhleha ak oke.

Tutelonomi 4:16

Keyukmʋt hʋsh il okpʋni cha, tʋhlʋt na holbʋt toba ikbit na pisa kaniohmi, nakni, keyukmʋt, tek nana kia holba;

Tutelonomi 5:15

Micha chishno yak kia Echip yakni ya̱ tishu chia ha tok, atuk o̱ Chitokaka chin Chihowah yʋt ibbak kʋllo, micha shakba ashatapa hosh yʋmma chi kohchi tok a̱ ish ithaiyanashke: yʋmohmi hatuk osh Chitokaka chin Chihowah yʋt nitak hullo nitak a̱ ish holitobla he a̱ chim apesa tok oke.

Tutelonomi 9:16

Atuk osh pisa li ma, yakeh, chin Chitokaka Chihowah ya̱ i̱ sanalit, yoshobʋt, wak ushi bilʋt akmot toba hʋsh ikbi tuk a tok: Chihowah yʋt hʋchi̱ miha tuk a̱ chekosi hina ya̱ kohchʋt fullotʋt naksika ya̱ hʋsh ia tuk a tok.

Tutelonomi 9:26

Yʋmohmi ha tuk o̱ Chihowah ya̱ im ilbʋshʋt, Chitokaka Chihowah ma, chim okla, micha chimmi, yʋmmak oka a chi holitopa pulla hosh ish okchalinchi tuk; micha chibbak kʋllo hosh pehlichit Echip a̱ ish kohcha tuk okʋt, ishit chik kancho kashke.

Tutelonomi 9:29

Yohmi kia chim okla hoke, micha chimmi hosh nan isht chim aia̱hli kʋllo, micha chi shakba kʋllo ashatapa hosh pehlichit ish kohchi tuk oke, ahanchi li tok: im achi tok.

Chute 1:10

Amba ilʋppʋto nana yakohmi puta ka akostininchi keyu kʋt, nan isht ik ahobalot isht anumpulishke; yohmi kʋt nampoa im anukfila iksho yak i̱ chiyuhmit, haknip nan isht ai anushkunna ithana yʋmmak puta ho̱ isht il ai okpʋnit tahlishke.

Nan Apesa 2:17

Yohmi kia nan im apesa ʋhleha ha̱ i̱ haponakla he keyu hosh, amba okla inla i̱ naholbʋt toba puta ka i̱ hauit im akachunoli beka tok: i̱ki ʋhleha hʋt Chihowa i̱ nan ʋlhpisa ha̱ iakaiya tok a̱ okla yohmi tok keyu, amba chekosi fehna filʋmmit naksika ona beka tok.