Tutelonomi 9:10 - Chahta Holisso Holitopa 1886

¹⁰ Mihma tʋli patʋssa tuklo ka̱ Chitokaka ibbak ushi yosh a holissochi ya̱, Chihowah yʋt sʋbbak fohki tok; mihma itʋnaha chitot aiasha nitak o̱, Chihowah yʋt nʋnih ha̱ luak iklʋnna et ai anumpohonli tuk mak o̱, anumpa hʋt moma hosh ai o̱ holisso tok.

Tutelonomi 9:10 Iomraidhean Croise

Eksotʋs 31:18

Atuk osh Moses a̱ Sinai nʋnih paknaka ai im anumpuli tuk ʋt ont tahli mʋt, nan ʋlhpisa patʋssa tuklo tʋli patʋssa Chitokaka ibbak ushi yosh ai o̱ holissochi yo̱ ima tok.

Mahlu 12:28

Amba ʋno yʋt nan‐isht‐ahullo okpulo a̱ Chihowa imi Shilombish o̱ ishit kocha weli li hokma, yohmi hokmʋno Chihowa apehlichika yʋt hʋchim ʋla mak oke.

ʋBanumpa Luk Ʋt Holissochi Tok 11:20

Amba ʋno ʋt Chihowa ibbak‐ushi o̱ nan isht ahullo okpulo puta ka isht kocha wihinli li hokma, yohmi hok mʋno, Chihowa apehlichika yʋt hʋchim ʋla mak oke.

2 Kolinhlian 3:3

Pishno yatuk mak o̱ hʋchishno ʋt Klaist i̱ holisso toba tuk otaiyanit hʋsh anoho̱wa kʋt, isht holissochi oka yo̱ isht holihi̱so tok keyu, amba Chihowa okcha̱ya imi Shilombish ak atuk; tʋli patʋssa yo̱ a holihi̱so tok keyu, amba chu̱kʋsh nipi ak atuk oke.

Tutelonomi 10:4

Mihma ʋmmona holisso tuk chohmi, nan ʋlhpisa pokoli Chihowah yʋt nʋnih ha̱ luak iklʋnna okla itʋnaha nitak ma, auet hʋchim anumpuli tuk ʋt tʋli patʋssa tuklo ka̱ ai o̱ holissochi tok; micha Chihowah yʋt ʋma tok.

Tutelonomi 18:16

Holeb a̱ itʋnahʋt ish aiasha nitak mʋt, chin Chitokaka Chihowah ya̱ ish im ahni moma kʋt, An Chitokaka Chihowah itih ha̱ anonti ak haklo kashke, micha himakma luak chito ilʋppa ak peso kashke, yʋmohmi hosh ik sʋllo kashke, ish achi tok.

Heblu 8:10

Yohmi ka nan it im ʋlhpisa ilʋppak o̱ nitak himak a pilla mak o̱ Chuta in chukachʋfa yoka im apihi̱sa la hi oke; yohmikmʋt a̱ nan ʋlhpisa puta yoka anukfokihinchi likmʋt, chu̱kʋsh oka ai o̱ holissohonchi la hi oke; mikmʋt in Chihowa sia hahe, mikma ʋm okla hahi oke. Chitokaka yʋt ahanchishke.