Tutelonomi 9:1 - Chahta Holisso Holitopa 1886

¹ Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Tutelonomi 9:1 Iomraidhean Croise

Genesis 11:4

Mihmʋt, Inta! hʋpimmi hachi̱ ka̱ tʋmaha holihta micha chuka chaha ai atoni paknaka yʋt shutik a̱ ona ho̱ iloh ikbashke; micha pi hohchifo iloh ikbashke; keyukmʋt ita fimimpʋt yakni paknaka moma ka̱ il itʋnowa yoba ná, okla achi tok.

Eksotʋs 32:1

Mihma Moses ʋt nʋnih ha̱ akowa kʋt ahchibali na, okla hʋt pisa mʋt, okla hash osh Alon a̱ im itʋnaha cha, Wakaya cha, pi tikba ia chi̱ ka̱ naholbʋt toba ya̱ pim ikbashke, Echip yakni a̱ pehlichit pi kohchi tok hatak Moses ilʋppak okʋno, nana kaniohmi tuk a̱ kil ithano hokʋt, im achi tok.

Numbas 13:22

Micha oka mahli imma oiyʋt ia cha Heblon a̱ ʋla tok: yʋmmak oka Ahiman, Sheshai micha Talmai aiena Anak im ʋlla ʋhleha hʋt a̱sha tok. Yohmi ka̱ Heblon ʋt Soan Echip talaia yʋt ik tobo ki̱sha afʋmmi untuklo mak o̱, toba tok atok.

Numbas 33:51

Islael im ʋlla ʋhleha im anumpulit, Chatan a̱ hlopullit Kenaan yakni ya̱ ont hʋsh chukowakmʋt,

Tutelonomi 1:28

Katima hak o̱ il ia chi̱ cho? pitibapishi ʋhleha hʋt, Okla hatak hochito, micha chaha kʋt pi̱ shahli hoke; tʋmaha holihta ʋt hochito, micha aholihta kʋt shutik a̱ ona hoke; micha Anakim ushi ʋhleha ha̱ yʋmma il api̱sa tuk oke, achit pi chu̱kʋsh a̱ iellichishke, hʋsh achi tok.

Tutelonomi 11:23

Yʋmohmikma Chihowah yʋt oklushi ilʋppa puta moma ka̱ hʋchi tikba a tihlelit, kocha welikma, oklushi puta hochito, micha kʋllo kʋt hʋchi̱shahi ya̱ hʋsh isha chi̱ hoke.

Tutelonomi 11:31

Chihowah yʋt hʋchima tok a̱ yakni ya̱ hʋsh isha chi̱ hosh, Chatan a hʋsh hlopulla chi̱ hokʋt; micha hʋsh ishikmʋt hʋsh ai a̱ha̱shwa chi̱ hoke.

Tutelonomi 27:2

Atuk osh yakohma hi oke, Chatan a̱ ʋbanʋblit chin Chitokaka Chihowah yʋt yakni chima tok a̱ hʋsh ona, nitak mʋt, tʋli hochito ish hiohlichi cha, isht ʋlhpolosa ya̱ isht ish apoluslashke.

Tutelonomi 3:18

Micha nitak yʋmma hʋchim anumpo̱honli li mʋt, hʋchin Chitokaka Chihowah yʋt yakni ilʋppa hʋsh binila chi̱ ka̱, hʋchima tuk oke; tʋnʋp a̱ya hinla moma kʋt, nahalupa hʋchim ʋlhtaha hosh, hʋchitibapishi ʋhleha Islael im ʋlla ʋhleha ha̱ itikba hʋsh hlopulla chi̱ hoke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 4:38

Oklushi hochito micha kʋllo kʋt hʋchi̱ shahli ho̱ i̱ yakni ʋt hʋchimmi ha chi̱ ho̱ hʋch isht chukowʋchi mʋt, hʋchi tikba tihlelit a kohchi tok a̱ himak nitak a̱ yʋmohmi hoke.

Tutelonomi 6:10

Atukma yakohma hi oke, Chitokaka chin Chihowah yʋt yakni ya̱ chi̱ki ʋhleha Eblaham, micha Aisak, micha Chekob aiena ka̱ anumpa il o̱nochit im issa tuk ʋt chisht onakmʋt, tʋmaha holihta ho chito, micha hochukma aiokli ish ikbi tok keyu yo̱,

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Choshua 1:11

Binah ha hlopullit a̱yʋt, okla ha̱ nan i̱ mihʋt, Pinak ʋt hʋchim ʋlhtahashke; nitak tuchina ta̱kla ka Chatan ilʋppa hlopullit, Chitokaka hʋchin Chihowa ʋt hʋchimmi ha chi̱ ho̱ yakni hʋch ima hoka ont chukowʋt hʋsh isha chi̱ hoke, achi tok.

Choshua 1:15

Yohmi na Chihowa ʋt afoha hʋch ima tok ʋt chohmichit hʋch itibapishi ʋhleha ha̱ afoha imashke; yohmi na yʋmmak kia yakni Chitokaka hʋchin Chihowa ʋt ima ka ishashke: yohmi hok mak o̱ falamʋt yakni hʋshi akochaka imma Chatan ola in tʋnnʋp talaia Moses, Chihowa in tishu hʋt hʋch ima tok a̱ ant hʋsh iesha hi oke, achi tok.

Choshua 14:12

Yʋmohmi hoka himak a̱ Chihowa yʋt nitak yʋmma isht anumpuli tuk nʋnih ilʋppa is sʋmashke; nitak yʋmma Anakim puta kʋt yʋmma aiasha cha, tʋmaha hʋt i̱ hochito cha, a holihta kʋllo ka ish ha̱klo tok okʋt, Chihowa yʋt sʋba foyuka yobakma, tihlelit kocha wehli la chi̱ hoke, im achi tok.

Choshua 3:14

Atuk o̱ yakohmi tok, okla hʋt Chatan tanʋbla chi̱ hosh binah ha̱ asht ia hosh, naholitompa isht asha yʋt nan it im apesa ʋt afoyuka itombi holitopa shoyuli hosh okla itikba hieli hosh itʋnowa;

Choshua 3:16

Oka ibetʋp imma minti hatuk ʋt yokopa cha, itʋnahachit falamʋt hopakichit, Alam tʋmaha holihta Saletan bili̱ka talaia ka ona tok: yohmikma yakni patali okhʋta hʋpi okhʋta imma ia hatuk ʋt tahʋt hokofa na okla hʋt Cheliko ichapaka fehna hak o̱ a hlopulli tok.

Choshua 3:6

Mihma Choshua ʋt na holitompa isht asha ya̱ im anumpulit, Nan it im apesa ʋt afoyuka itombi holitopa ya̱ hʋsh ishi cha, okla ha̱ itikba iʋt hʋsh tanʋblashke, im achi tok. Mihma nan it im apesa ʋt afoyuka itombi holitopa yash okla ishi cha, okla ha̱ itikba ia tok.

Choshua 4:19

Mihma hʋshi isht ia ʋmmona nitak ont ishit pokoli fehna ak o̱ okla hash osh Chatan a̱ auet a kohcha cha, Cheliko yakni hʋshi akochaka imma ʋhli Kilkal a̱ ont binanchi tok.

Choshua 4:5

Choshua ʋt Chitokaka hʋchin Chihowa im itombi holitopa yash itikba iʋt Chatan iklʋna ai onʋt, Islael im ʋlla ʋhleha isht atiaka auah tuklo ka ʋlhpi̱sa ho̱, tʋli achʋfa aiyukali ka ishit hʋchi tahchi ya̱ onochit hʋsh shoyulashke.